Saltar o menú de navegación e ir ao contido

EROSKI CONSUMER, o diario do consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa >

Os datos, informacións, interpretacións e cualificacións que aparecen nesta información corresponden exclusivamente ao momento en que se realizaron e teñen, polo tanto, unha vixencia limitada.

Festas de aniversario infantís : Celebración para nenos a prezo de adultos

Unha festa de aniversario para dez nenos custa entre 150 e 400 euros, regalo á parte, e asistir ás dos convidados non baixa de 100 euros ao ano

/imgs/20070601/img.informe.01.jpgNon levantan un palmo do chan e xa teñen unha axitada vida social. Empezan coa asistencia ao aniversario dos primos e, xa na escola, non hai semana na súa apertada axenda na que o calendario non anuncie unha festa infantil. Isto supón apertar o cinto e, en moitas ocasións, axustar o orzamento familiar, sobre todo cando coinciden máis de tres aniversarios nun mesmo mes e se invita a varios nenos. Por suposto, cada un leva o seu regalo, porque está mal visto cantar o “aniversario feliz” coas mans baleiras, un costume que implica un gasto mínimo de 10-15 euros, xa que atopar un regalo aceptable por menos diñeiro é moi complicado. Non obstante, é unha cantidade moi modesta se a comparamos co esforzo, non só físico, senón económico que supón para os pais “anfitrións” organizar a festa de aniversario dos seus fillos.

Á organización da festa hai que engadir o pertinente regalo: unha bicicleta, unha casa de bonecos, unha videoconsola, un coche teledirixido ou o seu primeiro ordenador. Facer felices os máis pequenos no aniversario do seu nacemento pode supor un desembolso de entre 150 e 400 euros, regalos incluídos. Outra cuestión non menos importante é onde celebralo. Na casa ou fóra? Nos últimos anos, as opcións para festexar un aniversario multiplicáronse. Pódese celebrar nun restaurante, con ou sen animador, nun parque de lecer onde os nenos xogan ao seu aire e despois merendan; nun parque de atraccións; no zoo ou, mesmo, nun salón de peiteado infantil, onde amais de merendar, os nenos poden disfrazarse e maquillarse, ou facerse o kit completo: salón de peiteado, maquillaxe e manicura á vez que participan nun concurso de debuxo. Se a celebración se desenvolve na casa, os pais saben que terán que loitar cos cativos, en moitos casos ata a extenuación, aínda que ten a vantaxe de ser unha festa máis íntima e persoal. E o que é máis importante para a economía familiar, pódese preparar cun desembolso económico inferior ao que requiren as anteriores modalidades.

O capítulo dos gastos complétase con outro pequeno detalle, os caramelos e demais bagatelas para os compañeiros da clase e das actividades extraescolares. Se se opta por “bolsas de aniversario”, o detalle pode oscilar entre 25 e 70 euros, dependendo das lambetadas e, por suposto, do número de nenos.

Paxinación dentro deste contido

Pódeche interesar:

Infografía | Fotografías | Investigacións