A prudencia, o mellor sistema de alarma

A prudencia, o mellor sistema de alarma

Os sistemas antirroubo deseñados para coches, autocaravanas e motos son cada vez máis complexos, sofisticados e caros, pero non máis efectivos, tal e como revelan os datos. En concreto, as estatísticas sinalan que en España se rouba un coche cada tres minutos, 480 ao día e case 175.000 vehículos ao ano. Un de cada cinco nunca aparece, o que lle supón ás aseguradoras un desembolso anual duns 80 millóns de euros. Os aparcamentos de aeroportos, grandes superficies, hospitais e estacións de tren son os escenarios elixidos polos ladróns para actuar, sobre todo durante os períodos de vacacións e de longas pontes. Aluaxes, despezamentos, comercialización por pezas ou exportación a outros países son algúns dos usos que se fan dos coches subtraídos. Ante este “boom” delituoso non de estrañar que estean a proliferar empresas privadas dedicadas á busca e recuperación de coches roubados. Os métodos para logralo pasan, en ocasións, por ofrecer unha recompensa. As preferencias dos ladróns do século XXI decántanse en maior medida por coches de luxo, pero ningún vehículo está a salvo de ser subtraído.

Aínda que as estatísticas non recollen o número de lamias roubadas, de lectores de CD, bolsos e carteiras subtraídas das guanteiras dos coches, estes pequenos roubos tamén son moi comúns. O único que variou cos anos é o grao de sofisticación dos obxectos roubados; ao igual que sucedeu hai tres décadas cos radiocasetes, agora os GPS convertéronse no obxectivo prioritario dos ladróns que, xunto con pezas de vestir, dispositivos de mans libres ou sofisticados equipos de música constitúen os seus principais achados. O xeito de se faceren con estes obxectos concrétase en dous tipos de actuación: forzar os fechos e romper os cristais, e, en maior medida, aproveitar os descoidos dos propietarios que deixan as portas ou ventás abertas. Por iso, a atención e a prudencia son tan importantes ou máis ca as ferramentas tecnolóxicas para evitar os roubos.

Evitar roubos e furtos no interior

• Sempre que circule por cidade, manteña todas as portas bloqueadas, de xeito que non se poidan abrir dende o exterior. Non abra de todo as ventás.
• Non leve o bolso no asento do copiloto ou nos asentos traseiros: é unha tentación para moitos ladróns. O mellor lugar é colocalo entre os asentos dianteiros.
• Cando estacione o seu vehículo evite deixar á vista o GPS, a radio, calquera obxecto de valor ou vulto (chaquetas, paquetes, etc.) susceptible de ser roubado. Se non quere “cargar” con eles, gárdeos no maleteiro, pero fágao antes de chegar ao sitio onde vai aparcar.

Toda precaución é pouca

• Cada vez que saia do seu vehículo, mesmo cando vaia botar gasolina ou sufra un pequeno golpe, saque a chave de contacto, deixe o volante bloqueado e peche ben as portas.
• Se entra nun lugar público, non deixe nunca as chaves na barra dun bar, no mostrador dunha tenda ou noutros lugares similares.
• Cando circule por cidade, manteña todas as portas bloqueadas, de xeito que non se poidan abrir dende o exterior. Non abra de todo as ventás.
• Non leve o bolso no asento do copiloto ou nos asentos traseiros: é unha tentación para moitos ladróns.
• Grave nos cristais das ventás e mais no parabrisas o número de matrícula do seu coche. En caso de roubo, iso facilitará a identificación do vehículo. Hai fabricantes de automóbiles que ofrecen este servizo ao entregaren o coche, e tamén casas especializadas que se dedican a iso.
• Se aparca na rúa, procure deixar o seu vehículo nun estacionamento vixiado ou, polo menos, nun lugar ben iluminado. Se opta por un aparcadoiro, nunca deixe dentro do coche o tícket.
• No caso de deixar o vehículo nun restaurante ou sala de ocio con aparcacoches, pida un xustificante que garanta a entrega do vehículo e as chaves.
• Cando estacione o coche nun aparcamento público ou de pagamento, non entregue en ningún caso o tícket de entrada no suposto de desaparición do vehículo.
• Extreme a precaución nos aparcamentos públicos; son os lugares preferidos polos cacos, sobre todo os dos aeroportos en zona internacional, estacións de tren e hospitais.

Como actuar en caso de roubo

• Despois do susto, e logo de comprobar que o vehículo non foi retirado polo guindastre, comunique o roubo nunha oficina da policía ou da Garda Civil, facilitando todos os datos posibles para a súa identificación.
• Tamén debe informar deste suceso á súa aseguradora.
• Debe acudir á Xefatura Provincial de Tráfico e solicitar a baixa temporal do seu automóbil. É recomendable que faga o mesmo no Concello. Así, non seguirá pagando impostos polo seu coche, e se algún axente o ve e comproba a matrícula descubrirá decontado que foi roubado.

Sistemas antirroubo

• Antirroubos mecánicos. Os modelos son moi diversos, e o prezo vai dos 12 aos 80 euros:
  • Sistemas que unen e bloquean os pedais co volante.
  • Sistemas que bloquean a rotación do volante mediante unha barra que fai de tope co panel de mandos, o asento ou as pernas do condutor.
  • Sistemas que unen e bloquean a panca de cambios co freo de man.
  • Sistemas que bloquean calquera movemento dos pedais.

• Inmobilizador electrónico. Este sistema fai necesaria unha intervención expresa do condutor para poder arrancar o vehículo, xa sexa de modo manual nun teclado, mediante unha clave, cun mando a distancia ou cunha chave con transmisor. Cando se utiliza unha chave de contacto non autorizada o inmobilizador bloquea o arranque do vehículo. Case todos os automóbiles modernos equipan este dispositivo de serie.
• Alternativas económicas. Unha opción barata (hainas dende 1 euro) para disuadir os ladróns é pór un adhesivo de aviso de alarma nos cristais como elemento disuasorio. Outra posibilidade é colocar un díodo lead intermitente, que imite o dunha alarma, no cadro de instrumentos. Algúns coches incorporan este sistema de serie, pero pode conseguir un por uns 5 euros.

Sistemas de aviso de roubo

• Sirena. É o tipo de alarma máis sinxelo e básico. O consumidor dispón dunha gran variedade: dende as máis comúns, que emiten un ton estándar, ás máis modernas, coa sirena de policía. As máis novidosas ata dispoñen de tons personalizados.
  Prezo: Entre 5 e 80 euros.
• Vía SMS móbil. O usuario é avisado directamente dende a central ao seu teléfono móbil, mediante chamada ou mensaxe, indicando o tipo de alarma producida e o estado do vehículo. Nalgúns modelos máis sofisticados inclúese a velocidade do coche, e a rúa e número da súa posición.
  Prezo: Localizador: Entre 130 e 500 euros. Servizo localización: dende 12 euros/mes.
• Vía GPS (Sistema de Posicionamento Global)/GSM (Sistema Global de Comunicacións para Móbiles). Este sistema baséase na localización vía satélite do vehículo. Indica o punto exacto no que se pode atopar o coche. Os modelos máis completos ofrecen opcións como o corte do arranque, sensores de choque e antilevantamento do vehículo, ou inmobilización do coche.
  Prezo. Entre 500 e 900 euros.

Consellos de uso do sistema de alarma

• Máis alá do método de alarma que elixa, é moi importante que conte cun sistema de autoalimentación.
• Ante a perspectiva de mercar un coche novo e de instalar unha alarma, solicítea no concesionario.