Saltar o menú de navegación e ir ao contido

EROSKI CONSUMER, o diario do consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

Créditos persoais : É preferible sopesar outras opcións antes de solicitalos

Un préstamo persoal non sempre é a mellor opción para afrontar gastos extra

A costa de xaneiro, os dispendios do Nadal, o comezo do curso escolar, as reformas no fogar, a compra dun coche ou os gastos inesperados afróntanse, en moitos fogares, mediante créditos persoais. A diferencia dos créditos hipotecarios, nos que o prazo de amortización pode chegar ós 30 anos, os préstamos persoais caracterízanse por un prazo de devolución moito máis curto -entre un mes e cinco anos-, un capital prestado non moi elevado -entre 3.000 euros e 60.000 euros- e un tipo de xuro, á marxe da negociación particular co banco, bastante alto -entre un 7 e un 10% T.A.E- para que ó banco lle saia rendible prestar pouco diñeiro a curto prazo.

Este tipo de xuro máis elevado tamén se debe a que a entidade bancaria corre maior risco, pois non dispón de ningún tipo de aval no caso de se producir un impagamento, mentres que nos préstamos hipotecarios a garantía de pagamento é un ben inmoble, o que faculta o banco a allea-la cousa hipotecada no caso de impagamento.

Durante o ano 2000 concedéronse en España créditos ó consumo por valor de 30.718 millóns de euros, un 4,2% máis ca en 1999. Dentro deste tipo de préstamos, o 44% destínase á compra de automóbiles, mentres que o 56% restante se inviste no financiamento doutros bens e servicios, á cabeza dos cales se sitúan as reformas no fogar. Así e todo, un préstamo persoal non sempre constitúe a mellor opción para afrontarmos gastos extra ou para saírmos dun atranco. Utiliza-la tarxeta de crédito para aprazármo-los pagamentos ou realizar compras a prazos poden evitar que aboémo-los altos xuros bancarios e, ademais, requiren menos papelorios.

Paginación dentro de este contenido

Pódeche interesar:

Infografía | Fotografías | Investigacións