Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Informazio honetan agertzen diren datu, informazio, interpretazio eta kalifikazioak haiek egin ziren uneari dagozkio, eta, beraz, denbora mugatuz daude indarrean.

Proba praktikoa: turismo urbanoa : Turista nekez izaten du gogoan hiriak

Denetan okerrena, turismo bulegoetan eskaintzen den informazioa: azterturiko hamahiru hirietatik bostek bakarrik gainditu dute proba

Azterketa nola egin zen

  • Hiria ezagutzen ez zuten CONSUMEReko teknikariek, bisitatu nahi duen hiri horretara turistak egiten omen duen ibilbide ohikoena egin zuten: automobilean iritsitakoan, erdiguneko hiru izarreko hotel batera jo zuten, bertan (teorian behintzat) turistak maleta utzi eta atsedenaldi txiki bat egingo zuen.
  • Hoteletik, automobila berriro hartuta, gertueneko turismo bulegora joan ziren. Bertara heltzeko, kaleetan zeuden seinaleez gainera, hotelean emaniko informazioez baliatzen saiatu zen teknikaria. Turismo bulegoan, CONSUMEReko teknikariek ez zituzten informazio zehatzak eskatu; alderantziz, hiriko eskaintza turistiko, kultural eta aisiazkoen gainean galde egin zuten. Horrelako bulegoetako enplegatuen jarrera egokiena, gure bidaiaren ezaugarriez interesatzea izango zen: nolako turismoa egin nahi genuen, zenbat egun emango genuen hirian, lojamendua hartuta geunden, etab. Era berean, bulegoan zegoen enplegatuak hiriko eskaintza turistikoa zenbateraino ezagutzen zuen, erabiltzaileari nola azaltzen zion eta CONSUMER-eko teknikariek interes berezia agerturiko guneei buruzko informazioa ere baloratu zen. Eskuratutako idatzizko informazio guztia (mapak, museoen ordutegiak, ikuskizunak, etc) jaso zen. Enplegatuak horretaz aritzeko ekimena hartu ezean, hiriko zona arriskutsuenez edo segurantzi gabekoenez eta delinkuentzi arazoei saihets egiteko hartu beharreko neurriez ere informazioa eskatu zen.
  • Hurrengo helbidea, interes kulturaleko gunea izan zen (hiriko museo enblematikoena) eta ondoren, aisialdiko edo erosketak egiteko alderdira (turismo bulegoan aholkatutako hartara, ahal izanez gero) joan ziren teknikariak.
  • Proba honetan ibilbide eta leku aldatze guztiak automobilean egin ziren. Gune interesgarrietara iristeko erraztasuna, erosotasuna eta azkartasuna konparatzeko, seinaleen kopurua (hiriko sarreratik, ibilitako kilometro bakoitzeko zeuden adierazpenen kopurua eta motak) eta kalitatea (kokapen egokia, argitasuna eta ikusgaitasuna) idatziz jaso ziren; baita, era berean, toki batetik bestera joateko zenbat denbora eman zuten bidean eta hiri hartako trafikoaren arintasun edo trinkotasuna ere.
  • Azkenean, proban bisitatu ziren hoteletik, turismo bulegotik, museotik eta erosketa alderditik gertu garraio publikorik ba ote zegoen egiaztatu zen.
  • Hiri bakoitzari zegokion osoko kalifikazioa ezartzeko, turismo bulegoan jasoriko zerbitzua (%40), helbideak aurkitu eta bertaraino iristeko erraztasuna (%40) eta helmugatzat ezarritako guneetan zenbat eta nolako garraio publikoa zegoen (%20).

Ezagutu gabeko hirira iristen den bidaiarentzako aholkuak

  • Antolatu bidaia eta bisitaldia. Hiri horretako turismo bulegora deitze aski izango duzu, bisitatu beharreko toki horren gaineko informazio praktikoa jasotzeko. Bidaia antolatzeko bide egoki-egokia da Internet: era guztietako toki ugari eskaintzeaz datu asko galde daitezke, kultura, kirol eta aisialdiko eskaintzak ez ezik, non bazkaldu, afaldu, gau eman, nola iritsi hiriraino, zein tokik merezi duten bereziki, etab., etab. Zure lagun edo senideren batek hiri hori ezagun badu, eska iezaiozu erakunde ofizialek ematen ez duten xehekapenezko informazio pertsonal hori. Idatziriko gida ere informazio-bide arras baliagarria gertatzen da askotan.
  • Mapa: hiriko maparik ez baduzu, zoaz gertueneko turismo bulegora eta eska ezazu; adi seinaleekin; aski ez badira, galde iezaiezu udaltzainei, dendan, tabernan eta herritar itxura duten oinezkoei.
  • Turismo bulegoa: zoaz bertara hirira iritsi bezain laster, bidaiariari beti ematen diotelako (ahoz eta idatzizko) informazio baliagarria.
  • Adierazpen interesgarria ematen zaizunean, apunta ezazu ibilbidea mapan eta bilatu herritarrek ezagutzen dituzten erreferentzia guneak (azalera handiak, plaza ospetsuak, ospitaleak, interes turistikoko tokiak, etab.). Erne seinaleei.
  • Hiri handietan, toki batetik bestera mugitzeko, zoaz saihesbideetatik: erosoago eta azkarrago gertatuko zaizu horrela.
  • Garraio publikoa: nahikoa bada (jaso aurretiaz informazioa), utzi zeure automobila (baldin baduzu) aparkaturik eta hartu autobusa, metroa, tranbea edo taxia, hiri barnean ibiltzeko.
  • Kontuz lapurrekin, ez utzi inola ere zeure gauzak eskutik, batez ere jende ugari dabilen tokietan. “Kartera-harrapakari” eta “poltsa-tiratzaileentzat” turista gutizia ezin tentagarriagoa da. Zeinahi arrazoi dela eta, gertakari ezatseginak jazo ez dakizkigun, neurri bereziak hartu beharreko auzategi edo guneei buruzko informazioa jasotzea ere komeni izaten da beti.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak