Bostetik ia batek ez ditu betetzen segurtasun arauak, eta gehienek gaizki eman dute etiketa, edo hobeto eman lezakete

Jostailuek neska-mutilen irudimena suspertzen dute, pentsatzen irakasten diete eta berebiziko garrantzia duten haien bilakaeran. Puzzleak, peluxeak, panpinak, auto telegidatuak, mozorroak… Eskaintza oso ugaria da, eta jostailu mota bakoitzak ditu bere segurtasun arauak, eta gehien-gehienek aski zorrotzak, gainera. Arrazoia begi bistakoa da: ezin da jakin haurrek egoki erabiliko dituzten edo ez jostailu horiek, eta ezustekoak saihesteko, babes neurri handiak hartu beharra dago, haurrak baitira, izan ere, babesgabeetan babesgabeenak.

Berrogei jostailu aztertu ditugu laborategian, era askotakoak eta adin batentzat baino gehiagorentzat eginak (haur txiki-txikietatik hasi eta 14 urte artekoentzat). Horietako zortzik ez dituzte bete segurtasun arauak, eta ezin dira jo segurutzat. Honako hauek izan dira: Pepo Píntame, Boxing King eta Nenuco Mocosete panpinak; Barbie-ren sormen jostailua, iman eta eranskailuduna; Mickey Mouse margo zorroa; Giro Marketing & Sales helikoptero telegidatua; Imaginarium etxeko Diskman mikrofonoduna; eta Widmann pailazo txanoa. Emaitzak ikusi ondoren, ekoizleak eta Kontsumo agintariak jakinaren gainean jarri ditugu, produktu horiek merkatutik ken ditzaten

Diseinua eta osaera: ez pieza txikirik, ez ertz arriskutsurik

Pepo Píntame txakur urdin bat da, eta poltsa hori bat darama. Bolaluma berezi bat ere badu, urez betea, eta poltsaren gainean marrazteko erabiltzen da (ehunari kolorea aldatzen zaio hezetzen denean). Panpinari trakzio probak egin dizkiogu batean eta bestean, eta ongi gainditu ditu, baina poltsari egin dizkiogunean, hautsi egin da, eta zati txikiak geratu zaizkio solte (horiek irensteko edo arnasarekin barneratzeko arriskua dago). Jostailu hau 3 urtez azpiko haurrentzat egina da, eta adin horietan ohikoa izaten da neska-mutilak jostailuari tira egitea, eta, ondorioz, hautsi ahal izatea. Giro Marketing & Sales helikoptero telegidatuak ere ez du ongi erantzun: 48 newtoneko indarra egin diogunean, agerian geratu zaio helizearen ardatza, eta ertz arriskutsua izan daiteke hori. Arauak dio 60 newtoneko trakzioa jasateko gai izan behar dutela jostailuek.

Guk aztertu ditugun 40 jostailuetatik, bik imanak dituzte, baina Picadotty mahai-jolasak soilik betetzen du araua (aski iman handiak ditu, ez irensteko modukoak). Barbie-ren sormen jostailua da bestea, Clementoni etxekoa; oso iman txikiak ditu, eta haurrek irentsi egin ditzakete. Hori galarazita dago noski, eta, gainera, etiketan jakinarazi beharra dago zer kalte ekar ditzakeen objektu horiek irensteak, arauak hala esaten baitu. Sormen jostailu honek hori ere ez du betetzen.

Ftalatoak: toxiko galaraziak, baina oraindik erabiltzen direnak

20 jostailutan, toxikoen bila jardun gara, halakoak eduki zitzaketela iruditu baitzaigu, eta ftalatoak antzeman ditugu Mickey Mouse Club House-ren 56 margoko zorroan (Poessa etxekoa da) eta Boxing King panpina artikulatuan (Color Baby etxekoa). Konposatu kimiko toxikoak dira ftalatoak, eta plastikoen malgutasuna handitzeko erabiltzen dira. Hormonetan jokabide anormalak eragin ditzakete, eta antzutasuna ere bai, eta, ondorioz, arauak oso muga zorrotza ezartzen du: % 0,1 izan ditzakete, gehienez (kopuru hori baino txikiagorik ezin da antzeman azterketetan). Mickey Mouse-ren margo zorroak % 7,9 ditu ftalatoak, eta Boxing King-en panpinak, % 3,4. Jostailu horiek, berez, ez dira ahoan erabiltzeko edo hozkatzeko eginak, baina ezin da ziurtatu haur txikiek halakorik egingo ez dutela.

Azterketaren emaitzak Administrazioari jakinarazi zitzaizkion,
egoki jotzen dituen neurriak har ditzan

Aztertu ditugun 12 jostailu elektrikoetan, zirkuitulaburrak eragin ditugu. Duo Mic Imaginarium izeneko diskman mikrofonodunari eta Famosa etxeko Nenuco Mocosete-ri pilak berotu zaizkie, arauak onartzen duen baino gehiago (45 ºC berotzea onartzen du arauak). Segur aski, haurrek ez lukete zirkuitulaburrik sortuko jolasean ari direla, baina araua oso zorrotza da.

Jostailuek su hartzeko arriskurik baduten ere aztertu dugu, eta akatsak antzeman ditugu Widmann pailazo txanoan. Sugar bat jarri diogu txanoaren artilezko bolatxoari, bost segundoz, eta lau segundo behar izan ditu itzaltzeko, behar baino gehiago (arauak dio bi segundotan itzali behar duela). Garrak, gainera, 70 mm baino gehiagoko bidea egin du itzali aurretik, eta hori ere gehiegi da. Txanoaren ehunean, segundoan 24 mm egiten ditu garrak, eta ez lituzke 10 mm baino gehiago egin behar.

Etiketen arazoak

Etiketek adinaren inguruan egin dituzten aipamenetan, hobetzeko moduko gauzak aurkitu ditugu lautatik hirutan: esaten dute zein adinetatik aurrera erabil daitekeen jostailua, baina ez dute esaten gutxi gorabehera zein adin artekoa den. Zazpi jostailuk ez dute adinari buruzko aipamenik, eta bi jostailuren adin aipamenak okertzat jo ditugu: Imaginarium etxeko kometa, hegazkin itxurakoa, 3 eta 8 urte arteko haurrentzat dela esaten du etiketak, baina adituek nabarmendu dute 6 urtetik gorako haurrak soilik izan daitezkeela gai horrekin jolasteko (txikiagoek begira egon besterik ezin dute egin). Barrio Sésamo etxeko peluxeak, berriz, haurra jaio eta berehala erabiltzekoa dela dio, baina haurrak, gutxienez, 9 edo 12 hilabete eduki behar lituzke harekin jolasteko.

Etiketa guztien artean, Barbie-ren sormen jolas imandunak egin du arau-hausterik larriena. Segurtasun oharrak egitera behartzen du arauak, baina ez dauka bat bera ere. Beste akatsen artean, honako hauek nabarmendu behar ditugu: ekoizlearen edo inportatzailearen helbidea oker adierazia egon da A Salvo izeneko alfonbra-puzzlean (apargomazkoa da), Widmann-en txano ileordedunean, Graco etxeko haur kotxean, Mickey Mouse-ren margo zorroan eta Edurnezuriren txotxongiloetan. Barbie bizikletak aipamen batzuk falta ditu, haur bizikleten araudiak derrigorrezko jotzen dituen batzuk (akats hori saltokiaren ardura dela dio ekoizleak), eta Barrio Sésamo peluxeak ez du adierazten, jostailua haurrari eman aurretik, loturi-hari guztiak kendu behar zaizkiola.

Laburbilduz eta konparatzeko taula

Laburbilduz

40 jostailu aztertu ditugu, hasi haurtxoen jostailuetatik eta 14 urte bitarteko neska-mutilentzat moduko jostailuetaraino. Denetarikoak hartu ditugu: elektrikoak, mahai-jolasak, mugitzen direnak, tradizionalak… Horietako zortzik segurtasun arazoak agertu dituzte, 21 jostailuk hobeto adieraz lezakete zein adinetan erabiltzeko diren, eta lauk soilik gainditu dituzte eskakizun guztiak.
Mickey Mouse House Club izeneko margo zorroak eta Boxing King panpina artikulatuak substantzia toxiko galaziak dituzte: ftalatoak antzeman dizkiegu, eta hormonetan gorabeherak sor ditzakete (antzutasuna ere bai, besteak beste).
Giro Marketing & Sales helikoptero telegidatuaren helizeak askatu egin dira eta ertz arriskutsu bat utzi dute agerian; Bizak etxeko Pepo Píntame panpinaren poltsa horia zati txikietan apurtu da trakzio proban, eta horiek irensteko edo arnasarekin barneratzeko arriskua egon liteke; eta Barbie-ren sormen jolasak, iman eta eranskailuekin datorrenak, plastikozko poltsa desegokiak ekarri ditu: behar baino txikiagoak eta meheagoak dira, eta haurra itotzeko arriskua egon liteke. Jostailu horrek, halaber, iman txikiak ditu, baina ez du ohartarazten zer-nolako kalteak sor daitezkeen horietakoren bat irentsita, nahiz eta arauak horretara behartzen duen.
Bi jostailuren pilek ez dute bete segurtasun elektrikoaren araua: zirkuitulabur bat eraginda, behar baino gehiago berotzen dira pilak. Famosa etxeko Nenuco Mocosote izeneko jostailuak eta Duo Mic de Imaginarium izeneko diskman mikrofonodunak (urdin kolorekoa da, botoi horiekin) eman dute arazo hori.
Widman pailazo txano ileordedunaren bolatxoak ez du bete segurtasun araua, arauak agintzen duen baino bi segundo gehiago behar izan baititu itzaltzeko. Sugarrak behar baino bide gehiago egin du, bai bolatxoan eta bai ehunean, eta behar baino azkarrago zabaldu da.
Adinari buruzko aipamen gehienak egokitzat jo daitezke, baina hobetzeko modukoak dira, ez baitute adierazten gehienez zein adin arte erabil litezkeen.
Honako lau jostailu hauek gainditu dituzte proba guztiak, eta adierazi dute behar bezain egoki zein adin tartetarako diren: Conecta 4, Los Lunnis-en mozorroa, Loro Molón eta Scalextric.

JOSTAILUA	MARKA	FABRIKATZAILEA / INPORTATZAILEA	ADINA ¹	ETIKETA / KONTSUMITZAILEENTZAKO INFORMAZIOA ²	DISEINUA ETA OSAERA ²
Panpina, mendi bizikletaduna	Action Man	Hasbro Iberia	Egokia, mugatu gabe. + 4 urte	Egokia	Egokia
Tiro trebetasuneko jostailua	Buzz-Bee Toys	Coinju	Egokia, mugatu gabe. + 6 urte	Egokia	Egokia
Alfonbra-puzzlea, goma-aparrezkoa	A Salvo	Estar a Salvo	Egokia, mugatu gabe. + 3 urte	Arau-hauste arina	Egokia
Panpina (haurtxoa)	Baby Born	Zapf Creations	Egokia, mugatu gabe. + 3 urte	Egokia	Egokia
Sormen jolasa, igeltsu moldeekin, imanekin eta eranskailuekin	Barbie	Clementoni	Egokia, mugatu gabe. + 7 urte	Arau-hauste larria	Erdi pareko arau-haustea
Barbie Mariposa panpina	Barbie	Mattel España	Mejorable. + 3 urte	Egokia	Egokia
Bizikleta	Barbie	Stamp Care Products	–	Arau-hauste arina ⁸	Egokia
Tunela, desmuntatzekoa	Disney	Josman	Egokia, mugatu gabe. + 3 urte	Egokia	Egokia
Metalezko autoa	Hot Wheels	Mattel España	Egokia, mugatu gabe. + 3 urte	Egokia	Egokia
Haur kotxetxoa	Graco	Tollytoys Limited (Hong Kong)	Egokia, mugatu gabe. + 3 urte	Arau-hauste arina	Egokia
Fisher Price sehaska zintzilikaria	Fisher Price	Mattel España	Egokia. 0-5 meses	Egokia	Egokia
Kometa, hegazkin itxurakoa	Imaginarium	Imaginarium	Desegokia. 3-8 urte	Egokia	Egokia
Conecta 4 mahai-jolasa	MB	Hasbro	Egokia. + 6 urte	Egokia	Egokia
Diskman mikrofonoduna	Imaginarium	Imaginarium	Egokia. 5-10 urte	Egokia	Egokia
Mozorroa	Los Lunnis	Josman	Egokia. 1-3 urte	Egokia	Egokia
Jostailuzko jauregia	Fantasy Palace	Coinju	Ez du adierazten	Egokia	Egokia
Borroka libreko panpina	Boxing King	Color Baby	Egokia sin cerrar+ 3 urte	Egokia	Egokia
Fun Factory plastilina jolasa	Play Doh	Hasbro Iberia	Egokia, mugatu gabe. + 3 urte	Egokia	Egokia
Geo-Trax jostailuzko trena	Fisher Price	Mattel España	Mejorable. + 2,5 urte	Egokia	Egokia
Txano ileordeduna	Widmann	Widmann	Ez du adierazten	Arau-hauste arina	Egokia
Juguete de arrastre con forma de helicóptero	Bonny el Piloto	V-Tech	Egokia, mugatu gabe. + 12 meses	Egokia	Egokia
Helikoptero telegidatua	Air Raiders	Giro Marketing & Sales	Egokia sin cerrar+ 8 urte	Egokia	Arau-hauste larria
Jolas elektrnikoa	Pokemon	Bandai	Egokia sin cerrar+ 6 urte	Egokia	Egokia
Pintura zorroa	Mickey Mouse	Poessa	Ez du adierazten	Incorreccción leve	Egokia
Jostailuzko motorra	Feber	Famosa	Egokia, mugatu gabe. + 18 meses	Egokia	Egokia
Loro soinuduna	Loro Molon	Hasbro Iberia	Egokia	Egokia	Egokia
Jolas manta, haurtxoentzat	Chicco	Artsana	Mejorable. + 0 meses	Egokia	Egokia
Edurnezuriren txotxongiloak	Once Upon a Time	Crownwick Internationationl (Hong Kong)	Ez du adierazten	Arau-hauste arina	Egokia
Maska argiduna eta eskularrua	Spiderman	Famosa	Ez du adierazten	Egokia	Egokia
Panpina (haurtxoa)	Nenuco mocosete	Famosa	Ez du adierazten	Egokia	Egokia
Patinetea	Pocoyo	Coloma y Pastor	Egokia, mugatu gabe. + 3 urte	Egokia	Egokia
Margotzeko panpina	Pepo Pintame	Bizak	Egokia	Arau-hauste larria	Egokia
Bainuko panpina	Pocoyo	Bandai	Egokia sin cerrar+ 18 meses	Egokia	Egokia
Mahai-jolasa, irudiduna	Picadotty	Step Two	Mejorable 3-6 urte	Egokia	Egokia
Marrazteko arbela	Aquadoodle	Bizak	Egokia	Egokia	–
Futbol zelaia	Playmobil	Geobra Branstätter	Egokia sin cerrar+ 5 urte	Egokia	Egokia
¿Quién es quién? mahai-jolasa	MB	Hasbro Iberia	Egokia, mugatu gabe. + 6 urte	Egokia	Egokia
Karrera zirkuitua, autoekin	Scalextric	Tecnitoys	Egokia. + 4 urte	Egokia	Egokia
Sonajero con ventosas	Sassy	Diset	Ez du adierazten	Egokia	Egokia
Peluxea	Barrio Sesamo	United Labels Iberica	Desegokia. + 0 meses	Arau-hauste arina	Egokia

JOSTAILUA	SUARI ZER ERANTZUN EMATEN DION ³	SEGURTASUN ELEKTRIKOA ⁴	TOXIKOAK⁵	FTALATOAK ⁶	IMANAK ⁷
Panpina, mendi bizikletaduna	–	–	Egokia	Egokia	–
Tiro trebetasuneko jostailua	–	–	Egokia	–	–
Alfonbra-puzzlea, goma-aparrezkoa	Egokia	–	–	–	–
Panpina (haurtxoa)	–	Coreecto	–	Egokia	–
Sormen jolasa, igeltsu moldeekin, imanekin eta eranskailuekin	–	–	–	–	Arau-hauste larria
Barbie Mariposa panpina	Egokia	–	Egokia	–	–
Bizikleta⁸	–	–	Egokia	Egokia	–
Tunela, desmuntatzekoa	Egokia	–	–	–	–
Metalezko autoa	–	–	Egokia	–	–
Haur kotxetxoa	–	–	Egokia	–	–
Fisher Price sehaska zintzilikaria	Egokia	Egokia	–	–	–
Kometa, hegazkin itxurakoa	Egokia	–	–	–	–
Conecta 4 mahai-jolasa	–	–	–	–	–
Diskman mikrofonoduna	–	Erdi pareko arau-haustea	–	–	–
Mozorroa	Egokia	–	Egokia	–	–
Jostailuzko jauregia	–	Egokia	Egokia	Egokia	–
Borroka libreko panpina	–	–	Egokia	Arau-hauste larria	–
Fun Factory plastilina jolasa	–	–	Egokia	–	–
Geo-Trax jostailuzko trena	–	–	Egokia	–	–
Txano ileordeduna	Erdi pareko arau-haustea	–	–	–	–
Arraste jolasa, helikoptero itxurakoa	Egokia	Egokia	Egokia	–	–
Helikoptero telegidatua	–	Egokia	–	–	–
Jolas elektrnikoa	–	Egokia	–	–	–
Pintura zorroa	–	–	Egokia	Arau-hauste larria	–
Jostailuzko motorra	–	Arau-hauste arina	–	–	–
Loro soinuduna	Egokia	Egokia	–	–	–
Jolas manta, haurtxoentzat	Egokia	–	Egokia	–	–
Edurnezuriren txotxongiloak	Egokia	–	Egokia	–	–
Maska argiduna eta eskularrua	Egokia	Egokia	Egokia	–	–
Panpina (haurtxoa)	–	Erdi pareko arau-haustea	–	Egokia	–
Patinetea	–	–	Egokia	–	–
Margotzeko panpina	Egokia	–	Egokia	Egokia	–
Bainuko panpina	–	–	Egokia	Egokia	–
Mahai-jolasa, irudiduna	–	–	Egokia	–	Egokia
Marrazteko arbela	–	–	–	Egokia	–
Futbol zelaia	–	–	–	–	–
¿Quién es quién? mahai-jolasa	–	–	–	–	–
Karrera zirkuitua, autoekin	–	Egokia	–	–	–
Txintxirrina, bentosaduna	–	–	–	–	Egokia
Peluxea	Egokia	–	–	–	–

* Jostailu guztietan neurtu dugu zer-nolako informazioa eskaini dioten kontsumitzaileari, zenbateraino diseinatu dituzten modu seguruan erabiltzeko, eta etiketan ageri diren adin mugak zenbateraino diren egokiak. Horiez gain, beste zenbait arriskuri buruzko azterketak ere egin ditugu: suari buruzkoak, elektrizitateari buruzkoak, gai toxikoen ingurukoak edo imanen ingurukoak (arriskutsu izan daitezkeela iruditu zaigunean).

1. Adina: Jolas eta heziketa gaietan aditua den talde bat bildu dugu, jostailuak azter ditzaten ikuspegi pedagogikotik eta erabilgarritasunaren ikuspegitik. Etiketan ageri diren adin mugen gaineko iritzia eman du talde horrek, eta adierazi du zenbateraino diren egoki horietan egiten diren gomendioak. Etiketak esaten duena eta adituek esaten dutena bat etorri ez arren hurbil samar badaude, etiketaren aipamen hori hobetzeko modukoa dela jarri dugu; Egokia, mugatu gabe jarri dugunean, esan nahi du jostailuak ez duela esaten zein adin arte erabiltzea komeni litzatekeen. Zenbait jostailuk honako legen oharrak egiten dituzte segurtasunaren arloan: “Jostailu hau ez da egokia 36 hilabete baino gutxiagoko haurrentzat”. Holakoak segurtasun ohartzat hartu ditugu guk, eta ez erabilera ohartzat.

2. Etiketa, diseinua eta osaera: Hemen adierazi dugu zenbateraino betetzen dituzten honako arau hauek: EN 71-1, EN 71-5 y EN 14765.

3. Suari zein erantzun ematen dio: Hemen adierazi dugu zenbateraino betetzen duten honako arau hau: EN 71-2.

4. Segurtasun elektrikoa: Hemen adierazi dugu zenbateraino betetzen duten honako arau hau: EN 62115.

5. Toxikoak: adierazi dugu zenbateraino betetzen duten honako arau hau: EN 71-3. Honako toxiko hauek aztertu ditugu: Artsenikoa, Barioa, Kadmioa, Kromoa, Merkurioa, Beruna, Antimonioa eta Selenioa.

6. Ftalatoak: Hemen adierazi dugu zenbateraino betetzen duten honako zuzentarau hau: 2005/84/CE.

7. Imanak: Hemen adierazi dugu zenbateraino betetzen duten honako erabaki hau: 2008/329/CE.

8. Barbie bizikleta erabilera oharren liburuxkarik gabe etorri da, eta ezin izan dugu egiaztatu adinari dagozkion oharrak ongi eginak ote dauden. CONSUMER EROSKI-k ezin izan du jakin noren ardura den hori, ekoizlearena edo saltokiarena.

Banan-Banan

Segurtasun arazoak dituzten 8 jostailuak

Barbie sormen jolasa, igeltsu moldeekin, imanekin eta eranskailuekin:

Zein adinetako haurrentzat proposatzen du: 7 urtetik gorakoentzat.
Ez du adierazten gehienez zein adin arte erabil litekeen.
Ez da jostailu segurua. Imanak ditu, eta derrigor adierazi behar du zer-nolako kalteak etor daitezkeen -heriotza ere bai- imanak irentsita, baina ez dakar halako oharrik.
Plastiko malguarekin egindako poltsak ditu, baina arauak agindu baino meheagoak dira (0,02 milimetro dituzte, eta, gutxienez, 0,038 behar lituzkete, haurrak itotzeko arriskua saihesteko).
Etiketa gaizki emana du: jostailu kimikoek, nahitaez, ohar bereziak egin behar dituzte lehen laguntzei buruz, baina honek ez dakartza. Arauak onartzen duen baino txikiagoa da letra zenbaitetan.

Imaginarium dismak mikrofonoduna

Zein adinetako haurrentzat proposatzen du: 5 urtetik 10 urte bitartekoentzat. Egokia da.
Ez du araua betetzen: zirkuitulabur bat sortzen denean, 45 ºC-tik gora berotzen da pila, arauak onartzen duen baino gehiago.
Etiketa gaizki emana du: jostailua garbitu aurretik transformadorea deskonektatu beharra dagoela jakinarazi behar du, arauak hala agintzen duelako, baina ez du egiten.

Boxing King borroka libreko panpina

Zein adinetako haurrentzat proposatzen du: 3 urtetik gorakoentzat.
Ez du adierazten gehienez zein adin arte erabil litekeen.
Ez du araua betetzen: ftalatoak dauzka, substantzia toxikoak, eta haur jostailuek ezin dute eduki halakorik, hormonetan gorabeherak sor baititzakete.

Widmann pailazo txano ileordeduna

Zein adinetako haurrentzat proposatzen du: ez du ezer esaten.
Ez du araua betetzen: txanoaren artilezko bolatxoari sugar bat jarri diogunean, bost segundoz, ez da behar bezain azkar itzali: lau segundo behar izan ditu, eta arauak dio bi segundotan itzali behar duela.
Garrak 70 mm baino gehiagoko bidea egin du itzali aurretik, eta hori ere gehiegizkotzat jotzen du arauak. Txanoaren ehunean, berriz, segundoan 24 mm egiten ditu garrak, eta, arauz, ez lituzke 10 mm baino gehiago egin behar.
Etiketa gaizki emana du: Etiketan CE ikurra ageri du, baina arauak agindu baino neurri txikiagoa du.

Helikoptero telegidatua

Zein adinetako haurrentzat proposatzen du: 8 urtetik gorakoentzat.
Ez du adierazten gehienez zein adin arte erabil litekeen.
Ez du araua betetzen: helizeei 48 newtoneko indarra eginez gero, askatu egiten dira ardatzetik, eta ertz arriskutsuak uzten dituzte agerian.
Arauak dio 60 newtoneko indarra jasateko gai izan behar dutela.

Mickey Mouse margo zorroa

Zein adinetako haurrentzat proposatzen du: ez du ezer esaten.
Ez du araua betetzen: ftalatoak dauzka, substantzia toxikoak, eta haur jostailuek ezin dute eduki halakorik, hormonetan gorabeherak sor baititzakete.
Etiketa gaizki emana du: Inportatzailearen helbidea kanpoaldeko plastikoan¡dator, eta inon ez du esaten plastiko hori gordetzea komeni dela.

Pepo Píntame

Zein adinetako haurrentzat proposatzen du: 18 hilabetetik gorakoentzat.
Ez du adierazten gehienez zein adin arte erabil litekeen.
Ez du araua betetzen: panpinaren poltsa horia zati txikietan puskatzen da tira eginez gero.

Arauak betetzen dituzten 21 jostailuak, baina adinari buruzko aipamenak hobetu behar dituztenak.

Buzz-Bee Toys, tiro trebetasuneko jostailua
- Zein adinetako haurrentzat proposatzen du: 6 urtetik gorakoentzat.
- Ez du adierazten gehienez zein adin arte erabil litekeen.
Spiderman maska argiduna eta eskularrua:
- Zein adinetako haurrentzat proposatzen du: ez du ezer esaten.
¿Quién es Quién? mahai-jolasa:
- Zein adinetako haurrentzat proposatzen du, 6 urtetik gorakoentzat.
Action Man panpina, mendi bizikletaduna.
- Zein adinetako haurrentzat proposatzen du: 4 urtetik gorakoentzat.
- Ez du adierazten gehienez zein adin arte erabil litekeen.
Baby Born panpina (haurtxoa):
- Zein adinetako haurrentzat proposatzen du: 3 urtetik gorakoentzat.
- Ez du adierazten gehienez zein adin arte erabil litekeen.
Disney tunela, desmuntatzekoa:
- Zein adinetako haurrentzat proposatzen du: 3 urtetik gorakoentzat.
- Ez du adierazten gehienez zein adin arte erabil litekeen.
Hot Wheels metalezko autoa:
- Zein adinetako haurrentzat proposatzen du: 3 urtetik gorakoentzat.
- Ez du adierazten gehienez zein adin arte erabil litekeen.
Play Doh plastilina jolasa:
- Zein adinetako haurrentzat proposatzen du: 3 urtetik gorakoentzat.
- Ez du adierazten gehienez zein adin arte erabil litekeen.
Geo-Trax jostailuzko trena:
- Zein adinetako haurrentzat proposatzen du: 2,5 urtetik gorakoentzat.
- Ez du adierazten gehienez zein adin arte erabil litekeen.
Bonny el Piloto arraste jolasa, helikoptero itxurakoa:
- Zein adinetako haurrentzat proposatzen du: 12 hilabetetik gorakoentzat.
- Ez du adierazten gehienez zein adin arte erabil litekeen.
Pokemon jolas elektronikoa:
- Zein adinetako haurrentzat proposatzen du: 6 urtetik gorakoentzat.
- Ez du adierazten gehienez zein adin arte erabil litekeen.
Once Upon a Time Edurnezuriren txotxongiloak:
- Zein adinetako haurrentzat proposatzen du: ez du ezer esaten.
Fantasy Palace jostailuzko jauregia:
- Zein adinetako haurrentzat proposatzen du: ez du ezer esaten.
Pocoyo patinetea:
- Ez du adierazten gehienez zein adin arte erabil litekeen.
Pocoyo bainuko panpina:
- Zein adinetako haurrentzat proposatzen du: 18 hilabetetik gorakoentzat.
- Ez du adierazten gehienez zein adin arte erabil litekeen.
Aquadoodle marrazteko arbela:
- Zein adinetako haurrentzat proposatzen du: 18 hilabetetik gorakoentzat.
- Ez du adierazten gehienez zein adin arte erabil litekeen.
Playmobil futbol zelaia:
- Zein adinetako haurrentzat proposatzen du: 5 urtetik gorakoentzat.
- Ez du adierazten gehienez zein adin arte erabil litekeen.
Sassy txintxirrina, bentosaduna:
- Zein adinetako haurrentzat proposatzen du: ez du ezer esaten.
Chicco jolas manta, haurtxoentzat:
- Zein adinetako haurrentzat proposatzen du: 0 hilabetetik gorakoentzat.
- Ez du adierazten gehienez zein adin arte erabil litekeen.
Barbie Mariposa panpina:
- Zein adinetako haurrentzat proposatzen du: 3 urtetik gorakoentzat.
- Ez du adierazten gehienez zein adin arte erabil litekeen.
Picadotty mahai-jolasa, irudiduna:
- Zein adinetako haurrentzat proposatzen du: 3 urtetik 6 urte bitartekoentzat.
- Ez du adierazten gehienez zein adin arte erabil litekeen.

Seguruak diren 6 jostailuak, baina etiketa gaizki emana dutenak

A Salvo alfonbra-puzzlea, goma-aparrezkoa

Zein adinetako haurrentzat proposatzen du: 3 urtetik gorakoentzat.
Ez du adierazten gehienez zein adin arte erabil litekeen.
Etiketa gaizki emana du: inportatzailearen izena ageri da, baina ez helbidea.

Barbie bizikleta

Zein adinetako haurrentzat proposatzen du: ez du ezer esaten.
Etiketa gaizki emana du: Erabilera oharren liburuxkarik gabe etorri da, baina ekoizleak esan du bazeukala, eta, agian, saltokiaren erantzukizuna dela akats hori.

Graco haur kotxetxoa

Zein adinetako haurrentzat proposatzen du: 3 urtetik gorakoentzat.
Ez du adierazten gehienez zein adin arte erabil litekeen.
Etiketa gaizki emana du: ekoizlearen helbidea ageri da, baina ez zein den inportatzailea Espainian edo Europako Batasunean. *Gainera, kotxetxoa muntatzeko oharrak ingelesez soilik daude.

Imaginarium kometa, hegazkin itxurakoa

Zein adinetako haurrentzat proposatzen du: 3 urtetik 8 urte bitarteko haurrentzat.
Ez da egokia. 3 urteko haurrak txikiegiak dira kometa honekin jolastu ahal izateko, eta begira egon besterik ezingo lukete egin.
Etiketa gaizki emana du: CE ikurrak neurri txikia du, arauak agindu baino txikiagoa.

Feber jostailuzko motorra

Zein adinetako haurrentzat proposatzen du: 18 hilabetetik gorakoentzat. Ez du adierazten gehienez zein adin arte erabil litekeen.
Etiketa gaizki emana du: Klaxonaren pilak aldatu daitezkeela esaten du, baina ez du erakusten hori nola egin behar den.

Barrio Sésamo peluxea

Zein adinetako haurrentzat proposatzen du: jaioberrietatik aurrekoentzat.
Ez da egokia. Haurrak, gutxienez, 9 hilabete eduki behar ditu jostailu honekin jolasteko.
Etiketa gaizki emana du: ohar baten bidez jakinarazi behar luke lotura-hari guztiak bota egin behar direla jostailua haurrari eman aurretik.

Arau guztiak betetzen dituzten 5 jostailuak

Sehaskarako Fisher Price zintzilikaria: Zein adinetako haurrentzat proposatzen du, 0-5 hilabete artekoentzat.
Conecta 4 mahai-jolasa: Zein adinetako haurrentzat proposatzen du, 6 urtetik gorakoentzat.
Los Lunnis-en mozorroa: Zein adinetako haurrentzat proposatzen du, urte batetik 3 urtera bitartekoentzat.
Loro Molón loro soinuduna: Zein adinetako haurrentzat proposatzen du, 5 urtetik gorakoentzat.
Scalextric, karrerak egiteko zirkuitua eta autoak: Zein adinetako haurrentzat proposatzen du, 4 urtetik gorakoentzat.