Saltar el menú de navegación e ir al contenido

EROSKI CONSUMER, el diario del consumidor

Buscador

logotipo de fundación

Canales de EROSKI CONSUMER


Estás en la siguiente localización: Portada > Edición impresa >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

Reparacións urxentes no fogar : Un servizo caro e con irregularidades

Amais do pagamento por desprazamento e por man de obra, moitas empresas de reparacións esixen un suplemento de nocturnidade ou un extra por urxencias e mesmo cobran por ambos os dous conceptos

Moitas empresas e prezos moi altos

Redes nacionais: igual prezo, distinta calidade

Son moitas as empresas de atención 24 horas que, mediante diversas denominacións, teñen o mesmo número de teléfono (normalmente un 902 de tarificación especial) ou a mesma sede física. Establecen así redes nacionais de atención 24 horas que pretenden darlle ao consumidor unha sensación de confianza. A miúdo, estas redes contratan técnicos autónomos ou subcontratan talleres nas distintas cidades que traballan para elas de maneira ocasional. Así mesmo, estes talleres poden traballar para diferentes redes nacionais de servizos 24 horas. Contratar unha empresa asociada a unha rede nacional non garante que a profesionalidade do técnico que acode ao domicilio sexa a idónea. Os servizos son distintos en cada cidade, coa característica común de que cobran o mesmo prezo por conceptos tales como desprazamento e man de obra. Por iso, a mellor fórmula para contratar este servizo con todas as garantías para o consumidor é elixir empresas asociadas ao Sistema Arbitral de Consumo, mediante o cal se someterá á arbitraxe pública en caso de reclamación por parte do usuario. O problema é que o número de empresas asociadas a este sistema é aínda pequeno, non máis do 2% do total.

Un servizo de luxo


Desprazamento e man de obra son os conceptos básicos polos que que deberá aboar quen solicita un destes servizos. Só por se desprazar ata o domicilio do cliente, un técnico de reparación “24 horas” cobra de media preto de 30 euros en horario laboral e 40 euros se o chama de noite ou en fin de semana. A este importante prezo inicial haberá que engadirlle outros 55 euros, de media, polo traballo propiamente dito, que se converten en 70 euros se a reparación urxente se realiza fóra do horario normal.

A estes prezos hai que sumarlles outros extras que rexen nestas empresas a partir das dez da noite en todos os casos e das oito en numerosas ocasións. Son os suplementos por nocturnidade ou urxencia, cobrados por case a metade destas empresas. En xeral, trátase de tarifas fixas que roldan os 51 euros en concepto de urxencia e os 53 euros por nocturnidade, aínda que o máis salientable é que case catro de cada dez destas empresas cobran ambos os dous suplementos, o que engadiría máis de 100 euros extra ao prezo final da reparación que debe pagar o usuario.

Orzamentos e ordes de traballo: indispensables


  • Pida un orzamento previo orientativo por teléfono. As empresas están obrigadas por lei a facilitar os seus prezos e, aínda que non se lles pode esixir que informen do tempo de traballo e dos materiais que necesitarán, deben comunicarlle ao cliente as tarifas que cobran por desprazamento e por man de obra e, no seu caso, polas recargas que engadirán á factura por prestar o servizo fóra da xornada laboral normal.
  • Pregunte a que hora comezan a aplicar a “tarifa especial”. Ademais, débenlle indicar se o IVE está ou non incluído no prezo e cal será, se é o caso, o tipo aplicable. Cando acuda ao seu domicilio, o técnico debe dispor dunha folla informativa onde se especifiquen todos os datos citados.
  • Solicite e asine o orzamento antes de iniciar a reparación. A empresa está obrigada a presentar o orzamento escrito unha vez comprobada a avaría in situ. A sinatura do orzamento por parte do usuario supón a conformidade con este e fai as veces de ‘orde de traballo’. A renuncia a este dereito a orzamento debe facerse por escrito.
  • O cliente non está obrigado a aceptar o orzamento, pero pódenlle esixir que aboe unha cantidade pola súa elaboración. Que cantidade será esta? O Real Decreto 58/1988 establece que ao pagamento dos gastos de desprazamento se engadirá unha porcentaxe do prezo-hora de man de obra, con estes importes máximos: Pequenos aparellos: 15 minutos do valor da hora de traballo. Liña branca (frigorífico, lavadora…): o valor de 30 minutos. Liña marrón (cadea de son, home-cinema…): o valor dunha hora de traballo. Nas avarías nas que non hai electrodomésticos polo medio, son os Decretos autonómicos os que fixan as cantidades que ten que aboar polo cliente cando se nega a aceptar o orzamento.
  • Importante: o técnico non está obrigado a informalo de que renunciar ao orzamento supón pagar unha cantidade considerable (no informe de CONSUMER EROSKI, unha media de 40 euros). Polo tanto, pregúntelle directamente canto custará dicir non ao orzamento.

Paginación dentro de este contenido

Te puede interesar:

Infografías | Fotografías | Investigaciones