Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

Organoak ematea : Emaitza gehiago egitea, premiazko beharra

Joan den urtean itxaron zerrendan zeuden 271 pertsona hil ziren, eta emaitza egiteko gai diren gorpu apurren %20 ezin dira erabili senideek baimenik ematen ez dutelako

Organoak gordetzea eta garraiatzea

Iskemia fasean ateratako organoak gordetzea eta zaintzea guztiz funtsezkoa da (odol zirkulaziorik ez dagoenean). Organoak odol zirkulaziorik gabe gehienez ere egon daitezkeen denbora desberdina da organoaren arabera: bihotza 4 ordura arte egon daiteke; birikak 7-8 ordu iraun dezake; gibelak 17-20 ordu, eta giltzurruna eta pankreasa 24 ordu baino gehiago egon daiteke. Organo solidoak gordetzeko tenperatura 4ºC arte jaisten da, eta hainbat soluzio gehitzen dira organoak garbitzeko eta hozketa ahalik eta azkarren eta modurik homogeneoenean egin dadin.

Zaintzeko prozesua organoa atera aurretik hasten da eta, horretarako, soluzioak banatzeko sistema gisa, emailearen odol zirkulazioaren sistema erabiltzen da. Organoa atera dutenean, ontzi batean sartzen da, 8ºC-tan dagoen soluzio batean, eta une horretantxe egiten da organoari buruzko azterketa.

Azken pauso gisa, organoa ontzi esteril batean sartzen da, eta hori ere, era berean, poltsa bikoitz esteril batean sartzen da, zeina edukiontzi isotermiko batean jarriko den garraiatu ahal izateko. Gainera, izotza daukan soluzio hotz batez inguratzen da, behar den tenperaturari eutsi ahal izateko. Prozesu konplexu horren guztiaren ondoren, organoa prest egongo da transplantea egingo den ospitaleraino eraman ahal izateko.

Organoa ateratzeko oniritzia emateko agiria

Organoa ateratzeko baimena ematea dagokion arduradunak, edota horretarako ordezkaritza duen pertsonak, agiri bat egin beharko du, non aurreko atalak agertuko diren berariaz

  • Hildakoaren edo haren ordezkaritza legala betetzen duten pertsonen borondatearen gaineko egiaztapenak.
  • Familiarrei informazio eman zaie, betiere inguruabar objektiboek hori galarazi ez badute, eta azken egoera hori gertatzen bada jakinarazi egin behar da.
  • Heriotza egiaztatu eta ziurtatu egin da, eta baimen agiriari aipatu heriotza egiaztagiri medikoa gehituko zaio.
  • Heriotza istripuz gertatu denean edo tartean ikerketa judiziala egiten ari bada, epailearen baimena lortu behar da.
  • Organo ateratzea egingo den zentroa horretarako baimena izan behar du, eta baimen horren indarrean egon behar du.
  • Emaileak murrizketak ezar ditzakeela kontuan hartuta, jakinarazi egin behar da zein organotarako ez den baimenik ematen.
  • Heriotza egiaztatu duten medikuen izena, abizenak eta kualifikazio profesionala jakinarazi behar da, eta egiaztatu egin behar da mediku horietatik inor ez dela organoak ateratzeko edo transplantea egiteko taldeko kide.
Organo bakoitzarentzako itxaron zerrenda
Itxaron zerrendan onartutako pazienteak 2002an Transplantea egiteko itxaron zerrendan dauden pazienteak 2002/12/31n
Gibela 1455 546
Bihotza 423 96
Birika 231 98
Bi Birika 231 98
Pankrea/Pankrea Giltzurruna 105 47
Hestea 15 4
Familiakoen ezezkoak
URTEA % EZEZKOAK
2002 20
2001 23,4
2000 21
1999 21,8
1998 21,3
1997 21,7
1996 24,8
1995 24,8
1994 23,6
1993 25
1992 27,6

Legeriaren arabera Espainiako herritar guztiak organo emaileak dira, salbuespen bakarrarekin: hildakoaren familiak bere organoak erauzteari uko egin diezaioke horien beharra duen beste pertsona bati transplantatzeko. Soilik gorpuen %1 da egokia organoak emateko, beraz oso garrantzitsua da hildakoen familiakoak organoak emateari uko ez egitea, baldin eta gorpuak horretarako egokiak badira.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak