: Unha muller viúva non sabe como repartir cos seus fillos a venda dunha lonxa

O meu marido faleceu sen facer testamento e os meus dous fillos, xa maiores de idade, queren vender unha lonxa. Deste inmoble, que parte me correspondería a min e que parte aos meus fillos?

/imgs/20120701/consultorio2.jpg Neste caso debe realizar unha serie de trámites, como a declaración de herdeiros, partición da herdanza ante notario, onde se terá que facer un inventario dos bens, valoralos e realizar as adxudicacións, tramitación do imposto de sucesións e rexistro da nova titularidade da lonxa no Rexistro da Propiedade antes de vendela. En territorio común, non sometido a dereitos especiais ou forais, os fillos herdan a totalidade dos bens do falecido, mentres que ao cónxuxe viúvo lle corresponde o usufruto ou dereito de uso e goce dun terzo (o de mellora). Neste caso, a propiedade pasaría a partes iguais a cada un dos seus fillos e a viúva tería dereito ao usufruto dun terzo. Os fillos poderán satisfacer ao cónxuxe viúvo coa súa parte de usufruto mediante un capital en efectivo, ao que se pode chegar de mutuo acordo. Segundo a Lei do imposto de sucesións o valor do total do usufruto vitalicio é igual ao 70% do valor total do ben cando o usufrutuario teña menos de vinte anos. A medida que aumenta a idade esta porcentaxe se reduce na proporción do un por cento menos por cada ano cun límite mínimo do dez por cento do valor total (se a idade do cónxuxe viúvo na data do falecemento da súa parella é de 69 anos o valor do usufruto sería o 20% do valor do inmoble, pero ao exercer só un terzo do usufruto lle correspondería un 6'66% do valor do local).