Reprodutores MP3 de memoria 'flash'

Moi diferentes en prezo e prestacións

A cantidade de memoria, a facilidade de uso e as funcións engadidas, claves para unha boa elección
1 Decembro de 2005
Img analisis 2 listado 125

Moi diferentes en prezo e prestacións

/imgs/20051201/analisisb.jpgAnalizáronse nove reprodutores MP3 de memoria ‘flash’ que custan desde os 85 euros de Acer Advanced (ten 512 Mb de capacidade, que equivalen a outros tantos minutos de música, unhas 8 horas) ata os 21 euros de Ipod Nano (con 2 Gb de capacidade, unhas 32 horas). Paradoxalmente, Mpio FG100, un dos reprodutores máis caros (157 euros) é o de menos capacidade: apenas caben no seu interior (256 Mb) unhas catro horas de música en MP3. A mellor relación calidade-prezo é Creative Zen Nanoplus (113 euros, 512 Mb), un dos mellor valorados na proba de uso. Outra opción boa é Sony NW-E105 (104 euros, 512 Mb), peor valorado polos usuarios, pero cunha batería que dura moito máis cá dos outros reprodutores. Quen prefira un reprodutor que amais de MP3 lea o formato libre Ogg deberase decantar por Samsung YP-ST5X, o único dos estudados que entende cancións neste formato libre.

Os reprodutores de música en MP3 de memoria ‘flash’ son aparellos pequenos e lixeiros que suplen os predecesores walkman e discman. A música pásase desde un ordenador a estes dispositivos en formato MP3, polo que cómpre contar cun PC para cambiar a música do seu interior. As cancións en MP3 pódense “baixar” de Internet (ben sexa pagando nunha tenda, como Itunes, directamente da páxina web de artistas que as ofrecen gratuitamente, ou ben utilizando un sistema de intercambio de arquivos) ou fabricalas un mesmo, pasando os CD de audio a este sistema.

O feito de que a memoria interna destes reprodutores sexa ‘flash’, e non un disco duro, ten o inconveniente de que a súa capacidade é máis limitada: o de maior capacidade dos estudados, Ipod Nano, conta con só 2 Gb, cando os de disco duro teñen varias decenas de ‘xigas’. A cambio, os ‘flash’ son máis manexables e, ó non teren partes móbiles, as sacudidas que poidan sufrir debido ó movemento do usuario non afectan á reprodución nin estragan o equipo, polo que son idóneos para seren utilizados mentres se fai deporte.

Aturan as caídas?

Como os reprodutores de MP3 sofren caídas a miúdo, comprobouse a súa resistencia. Para iso, introducíronse nun barril de virar durante 25 voltas, o que equivale a 50 golpes como os que poden sufrir nun uso cotián. Ó remate da proba, Acer presentou graves danos que causaron que deixase de funcionar, e o Ipod Nano, se ben seguía funcionando, sufriu na pantalla unha chea de rabuñadas, aínda que pequenas e pouco profundas. O resto non amosou estrago ningún.

Comprobouse, doutra banda, a durabilidade dos auriculares, someténdoos a unha tracción de 10 Newtons durante un minuto e mais a 1.000 flexións de 90º cunha tracción de 2,5 Newtons. Ningún deixou de traballar. Os cables de auriculares máis longos son os de Acer, Creative e Sony, e os máis curtos son os de Samsung e Blu-Sens. Ipod Shuffle inclúe un segundo xogo de cascos.

Un reprodutor que se adoita levar no peto agradécese que sexa lixeiro e pequeno. O menor dos estudados é Ipod Shuffle, seguido de Blu-Sens (un 31% máis grande) mentres que os meirandes son Mpio e Oregon (catro veces maiores ca Shuffle). No tocante ó peso, todos son lixeiros, pero hai diferenzas: Ipod Shuffle é tamén o menos pesado (22 gramos) e Mpio o de maior peso (63 gramos). Os dous Ipod son máis planos có resto, polo que resultan máis bos de gardar e de transportar.

Funcións engadidas

Sony, Acer e os dous Ipod carecen de radio, aínda que os auriculares que inclúe Acer si incorporan esta función. Os oito permiten clasificar os datos en carpetas (unha prestación moi importante para poder escoitar os discos de un en un), e é posible utilizalos como medio de almacenamento para pasar arquivos dun PC a outro, como antigamente se facía cos disquetes. Ningún permite ampliar a memoria. Sony, Ipod Shuffle e Oregon non gravan voz e o Ipod Nano ofrece esta opción usando un micrófono opcional non incluído. Ipod Nano é o de maior número de funcións (calendario, alarma, xogos…). O de Samsung dispón de temporizador e o Oregon pódese utilizar baixo a auga.

Para medir a duración das baterías reproduciuse a mesma canción ó máximo volume ata que se apagaron os equipos. Sony, con case 50 horas, aguantou o dobre có segundo máis duradeiro (MPIO, 25 horas) e oito veces máis có que menos (Blu-Sens, só 6 horas). Outros reprodutores cunha duración escasa foron Oregon (9 horas) e Acer (10 horas).

Para cargar a batería dos dous Ipod e de Oregon requírese un ordenador, o que dificulta esta operación cando non se ten acceso a un equipo informático. En Blu-Sens a batería pódese cargar cun enchufe convencional; os máis, os outros cinco reprodutores, funcionan a pilas.

Sony e os dous modelos de Ipod obrigan a empregar un programa específico para pasar as cancións do ordenador ó reprodutor, o que representa unha molestia para o usuario, que pode querer utilizar o mesmo sistema para transferir arquivos ó que está afeito (por, exemplo, o Explorador de Windows). Ningún dos dous Ipod se pode utilizar desde Linux nin desde un Windows anterior ó 2000 (o actual XP, si) e o reprodutor analizado de Sony non funciona sobre Linux nin sobre Mac OS. Nos outros sete, aínda que incorporan programa propio, o seu uso é opcional, polo que son compatibles con calquera sistema operativo que acepte USB: Windows, Mac OS ou Linux. Agora ben, estes programas con funcións engadidas son só para Windows, salvo o caso dos dous Ipod, que funcionan tamén en Mac OS. Ningún equipo ten en conta os usuarios de Linux.

No tocante á conexión, os nove reprodutores estudados conéctanse ó PC mediante o porto USB para transferir cancións. Acer é o único que non soporta o estándar USB 2.0, polo que é moito máis lento na transferencia. Ipod Nano admite a conexión FireWire, estándar non tan estendido coma o USB, pero máis rápido.

Segundo os consumidores

Seis usuarios habituais probaron e cualificaron distintos aspectos destes reprodutores do 1 ó 10. Os que máis gustaron foron Samsung (7,6 puntos), seguido de Ipod Nano e Blu-Sens (ambos os dous, 7,3 puntos) e Creative (7,2 puntos). O peor reprodutor MP3 segundo os usuarios é Ipod Shuffle (5,8 puntos), sobre todo pola ausencia de pantalla, que dificulta seleccionar as cancións. Os elementos máis penalizados polos usuarios foron a ausencia de ecualizador e de pantalla (Ipod Shuffle), a carencia de radio (os dous Ipod e o Sony). Segundo o usuario, o deseño máis atraente é o do Ipod Nano e o máis difícil de usar o Acer.

Os usuarios valoraron subxectivamente a calidade do son. Para iso, escoitaron unha mesma canción con dous auriculares: os que incluía cada equipo e outros de gama alta. A conclusión principal é que a diferenza de calidade non se percibiu cando se usaron os mesmos auriculares, polo que a calidade do son non dependía do reprodutor, senón dos auriculares que inclúe, entre os que si houbo diferenzas significativas. Os auriculares peor valorados foron os de Oregon (6,3 puntos), seguidos de Ipod Shuffle e Mpio (6,8 puntos). Os mellores foron os de Ipod Nano (8,2 puntos), pero os máis cómodos son os de Ipod Shuffle.

As mellores pantallas

Ipod Shuffle é o único sen pantalla, xa que, segundo o fabricante, está deseñado para que as cancións se reprodución aleatoriamente. Os outros oito equipos, que si teñen pantalla e, polo tanto, son máis sinxelos de manexar, tamén ofrecen esta función aleatoria. As oito pantallas son do tipo LCD. Un dos equipos máis pequenos, Ipod Nano, é o que conta coa pantalla máis grande (746 mm2, máis do dobre có resto), amais da única a cor e con posibilidade de amosar imaxes, pero comprobouse que se raia con facilidade. As máis pequenas son as de Sony (141 mm2) e Oregon (168 mm2).

En síntese e táboa comparativa

En síntese

  • Analizáronse nove reprodutores portátiles MP3 de memoria ‘flash’, pequenos e lixeiros, que están a substituír os walkmans e discmans. Para introducirmos cancións no reprodutor é imprescindible contar cun ordenador.
  • Custan desde 85 euros (Acer Advanced) ata 210 euros (Ipod Nano), se ben este último ten máis capacidade có resto (2 GB -aproximadamente, 32 horas-, fronte aos 512 Mb -8 horas- da maioría e 256 Mb -4 horas- de Mpio).
  • Todos os equipos son seguros, pero tras os someter no laboratorio a 50 caídas Acer deixou de funcionar e Ipod Nano sufriu numerosas rabuñadas superficiais na súa pantalla.
  • Só as garantías de Blu-Sens e Oregon son correctas: os demais, ou dan só un ano cando hai que dar dous, ou non teñen documento de garantía.
  • Sony ofrece a maior autonomía (50 horas), moi por riba do resto. Os Ipod e Sony carecen de radio. Os mellores auriculares: Ipod Nano.
  • Os mellor valorados polos usuarios: Samsung, Blu-Sens, Ipod Nano e Creative.
  • A mellor relación calidade-prezo é Creative Zen Nanoplus, barato (112 euros, 512 Mb) e ben valorado polos usuarios. Velaquí outras opcións interesantes: Sony, pola súa grande autonomía, e Samsung, o mellor na proba de uso e o único que le cancións no formato libre Ogg.
Reprodutores MP3 de memoria ‘flash’
Marca
Modelo
CREATIVE
ZEN
NANOPLUS
SONY
NW-E105
SAMSUNG
YP-ST5X
BLU-SENS
2306
Prezo
(euros)
112,61 104 142,55 99
Memoria 512 Mb 512 Mb 512 Mb 512 Mb
Información
ó consumidor
Correcto Correcto Correcto Correcto
Garantía Incorrecto
(1 año)
Incorrecto
(sin documento)
Incorrecto
(1 año)
Correcto
Compatibilidade
electromagnética
Incumpre
norma
Correcto Correcto Incumpre
norma
Aspectos
técnicos
– Dimensións
(mm)
65,
5×33,
5×12,9
56,
1×56,
1×19,1
54,
3x23x23
58,
1x31x13,v4
– Peso (g) 34 38,8 35 30,2
– Pantalla
LCD (mm2)
185,
azul
141,
verde
211,
7 cores
a elixir
304,
verde e
azul
– Alimentación Pilas Pilas Pilas Batería
– Software
para música
Creative
(non necessario)
SONICSTAGE Yepp studio
(non necessario)
non necessario
– Arquivos
admitidos
MP3, WMA MP3, ATRACK3,
WAV, WMA
MP3, WMA,
WAV, ASF y
Ogg
MP3, WMA
– Sistemas
compatibles
Todos con
soporte USB
WINDOWS Todos con
soporte USB
Todos con
soporte USB
– Conexión
ó PC
USB 2.0 USB 2.0 USB 2.0 USB 2.0
– Ecualizador Si Si Si Si
– Radio
FM
Si Non Si Si
– Gravación
voz
Si Non Si Si
– Uso baixo
a auga
Non Non Non Non
– Núm.
accesorios
6 3 8 6
– Duración
da batería
17 h
37min
49h
30min
18 h
07min
6h
– Calidade subxectiva
do son dos
auriculares
7,2 7,3 7,8 7,2
– Resistencia
do
reprodutor
Satisfactoria Satisfactoria Satisfactoria Satisfactoria
Proba
de uso (1 a 10)
7,2 6,1 7,6 7,3
Calidade
global
Boa Boa Boa Boa
Reprodutores MP3 de memoria ‘flash’
Marca
Model
OREGON
MP120
IPOD
SHUFFLE
A1122
IPOD
NANO
A1137
MPIO
FG100
DIGITAL COOL
ACER
ADVANCED
PLAYER
QSG
Prezo
(euros)
133 98,83 210,50 157 85
Memoria 512 Mb 512 Mb 2 Gb 256 Mb 512 Mb
Información
ó consumidor
Correcto Correcto Correcto Correcto Correcto
Garantía Correcto Incorrecto
(1 año)
Incorrecto
(1 año)
Incorrecto
(1 año)
Incorrecto
(no indica)
Compatibilidade
electromagnética
Correcto Correcto Correcto Incumpre
norma
Correcto
Aspectos
técnicos
– Dimensións
(mm)
68,
5x52x19,
9
86,
4x25x8,
5
90,
2×40,1×7,
3
83,
1×31,
4×30,
5
95,
9×30,
1×21,
1
– Peso (g) 46,5 21,6 45,3 63,3 44
– Pantalla
LCD(mm2)
168,
azul
Non pantalla 746,
a color,
admite fotos
272,
laranxa
e azul
231,
azul
– Alimentación Batería Batería Batería Pilas Pilas
– Software
para música
Digital music
player
(non necesario)
ITUNES ITUNES 4.7,
IPHOTO
MPIO
(non necesario)
ACER
(non necesario)
– Arquivos
admitidos
MP3, WMA AAC, MP3,
WAV
AAC, MP3,
WAV, APPLE
LOSSLESS
MP3, WMA,
ASF
MP3, WMA
– Sistemas
compatibles
Todos con
soporte USB
WINDOWS,
MAC OS
WINDOWS,
MAC OS
Todos con
soporte USB
Todos con
soporte USB
– Conexión
ó PC
USB 2.0 USB 2.0 USB 2.0 USB 2.0 USB 1.0
– Ecualizador Si No Si Si Si
– Radio
FM
Si Non Non Si Si
– Gravación
voz
Non Non Si Si Si
– Uso baixo
a auga
Si Non/TD> Non Non Non
– Núm.
accesorios
5 5 5 8 4
– Duración
da batería
9 h
07min
13 h
07min
15 h
25min
24 h
38min
9 h
46min
– Calidade subxectiva
do son dos
auriculares
6,3 6,8 8,2 6,8 7,0
– Resistencia
do
reprodutor
Satisfactoria Satisfactoria Rabuñadas
na pantalla
Satisfactoria Deixou
de funcionar
Proba
de uso (1 a 10)
6,4 5,8 7,3 6,8 6,4
Calidade
global
Boa Boa Regular Boa Insuficiente

Un a un

Un por un, 9 reprodutores MP3

CREATIVE "Zen NanoPlus"

/imgs/20051201/creative.jpg 112,61 euros, 512 Mb
Calidade global: boa.
A mellor relación calidade-prezo. Incumpre a norma de garantías (só ofrece un dos dous anos prescritos). Ó aplicar descargas electrostáticas apágase, e non informa de que para que volva funcionar cómpre premer o botón ‘reset’ (incumpre norma). Amais de cancións en MP3, reproduce WMA.
Proba de uso: 7,2 puntos. Pequeno, bo de transportar, menú sinxelo e radio ben valorada.

SONY "NW-E105"

/imgs/20051201/sony.jpg 104 euros, 512 Mb
Calidade global: boa.
Outra opción interesante, sobre todo polo moito que dura a súa batería (49 horas e media). Incumpre a norma de garantías (non ofrece ningún documento). A pantalla máis pequena (141 mm2) e o reprodutor con menos accesorios. Non ten radio. Precisa un programa especifico (que só funciona en Windows) para pasar as cancións. Amais de MP3, reproduce WMA, WAV e Atrack3 (formato de Sony).
Proba de uso: 6,1 puntos. Gran capacidade de memoria en Atrack3, o formato propio. Non gustaron os seus controis.

Samsung "YP-ST5X Yepp"

/imgs/20051201/samsung.jpg 142,55 euros, o máis caro dos de 512 Mb
Calidade global: boa.
Outra opción interesante por ser o único que le o formato libre Ogg, amais de MP3, WMA, WAV e ASF. Incumpre a norma de garantías (só ofrece un dos dous anos). O único con temporizador e un dos de máis accesorios.
Proba de uso: 7,6 puntos, o mellor. Gustaron o seu deseño e a pantalla, que, aínda que é pequena, amosa toda a información precisa. O máis completo en funcións e facilidade de uso.

Blu-Sens "2306"

/imgs/20051201/blu.jpg 99 euros, 512 Mb
Calidade global: boa.
Ó aplicar descargas electrostáticas apágase e non informa de que cómpre premer o botón ‘reset’ (incumpre norma). Dos máis pequenos e lixeiros. Dos catro con batería, o único que se carga en enchufe e non precisa un PC para cargala. Con axenda. A menor autonomía (6 horas). Amais de MP3, reproduce WMA.
Proba de uso: 7,3 puntos. Pequeno e bo de transportar, destaca en deseño e en facilidade de uso.

Oregon Scientific "MP120"

/imgs/20051201/oregon.jpg 133 euros, 512Mb
Calidade global: boa.
Funciona baixo a auga. A súa pantalla é das máis pequenas (168 mm2). Das menores autonomías (9 horas). Os seus auriculares son os de peor calidade de son. Amais de MP3, reproduce WMA.
Proba de uso: 6,4 puntos. Pantalla pequena e dificultade de acceso ó USB.

Ipod Shuffle "A1122"

/imgs/20051201/shuffle.jpg 98,83 euros, 512 Mb
Calidade global: boa.
O máis pequeno e lixeiro. Incumpre a norma de garantías (só ofrece un dos dous anos). O único sen pantalla. Necesita un programa específico (que só funciona en Windows e Mac OS) para pasar as cancións. Sen radio. O conector USB está incorporado no reprodutor; non precisa cable, pero sen el pode resultar difícil de conectar. O único sen ecualizador.
Proba de uso: 5,8 puntos, o peor. A ausencia de pantalla, radio e ecualización foi moi penalizada polos usuarios.

Ipod Nano "A1137"

/imgs/20051201/nano.jpg 210,50 euros, o máis caro. 2Gb
Calidade global: regular.
O de maior capacidade (2 Gb), con diferenza. Incumpre a norma de garantías (só ofrece un dos dous anos prescritos). A pantalla máis grande (746 mm2) e a única a cor e con posibilidade de amosar imaxes, pero moi fráxil: a proba de resistencia causou numerosas rabuñadas, pouco profundas. Precisa un programa especifico (que só funciona en Windows e Mac OS) para pasar cancións. Sen radio, pero con funcións (axenda, xogos…). Os auriculares con maior calidade de son.
Proba de uso: 7,3 puntos. O mellor deseño, o seu menú é moi intuitivo e bo de usar.

Mpio "FG100 Digital Cool"

/imgs/20051201/mpio.jpg 157 euros. 256 Mb, o de menor capacidade.
Calidade global: boa.
O máis pesado e voluminoso, a menor capacidade e un dos máis caros. Incumpre a norma de garantías (só ofrece un dos dous anos). Ó aplicar descargas electrostáticas apágase e non informa de que cómpre premer o botón ‘reset’ (incumpre norma). Un dos de máis accesorios. O segundo en autonomía (24 horas e media).
Proba de uso: 6,8 puntos. O manual e mais os controis non gustaron.

Acer "Advanced Player QSG"

/imgs/20051201/acer.jpg 85 euros, o máis barato. 512 Mb.
Calidade global: insuficiente.
Incumpre a norma de garantías (non ofrece ningún documento). Dos de menos autonomía (non chega ás 10 horas). O conector USB está incorporado no reprodutor; non precisa cable, pero sen el pode resultar difícil de conectar. O único con só USB 1.0, máis lento. A súa radio está incluída no auricular. O único que deixou de funcionar logo de ser sometido a unha proba de simulación de 50 caídas.
Proba de uso: 6,4 puntos. Os seus auriculares son os máis incómodos e carece de manual de instrucións en papel.