Demasiadas funcións?
En España hai máis móbiles ca persoas. Cun parque de celulares que cobre practicamente a toda a poboación, cada poucos anos a maioría dos cidadáns enfróntase á tarefa de renovar o seu móbil. E non é doado: moitas das opcións tecnolóxicas coas que o consumidor se ve abafado pode que nin sequera existisen cando adquiriu o terminal anterior. Os móbiles de hoxe son verdadeiros ordenadores de man, cada vez con máis funcións, que a miúdo non se coñecen nin usan. Os oito terminais desta análise son de gama media e, xa que logo, ao igual ca os de gama alta, non están indicados para quen só queira chamar e enviar mensaxes. Para quen si busque os adiantos, por un prezo cada vez menor hai terminais con cámara de fotos e vídeo, reprodutores de música en mp3, radio, axendas e calendarios, xogos de calidade e unha morea de aplicacións que relegan falar por teléfono a un papel secundario.
A mellor relación calidade-prezo é Nokia 6103, de 200 euros, por ser dos que máis e mellores funcións ofrecen, aínda que se cadra por iso é tamén dos que teñen unha autonomía máis reducida. O máis barato, Sharp GX17 (91 euros, subvencionado) chega dabondo (é mesmo excesivo) para quen só utilice as funcións básicas.
Estes oito móbiles véndense con cadanseu cargador e cadansúa batería. Ademais, agás Motorola L6, inclúen accesorios tan útiles como un kit mans libres (os dous Nokia e Samsung), unha segunda carcasa (Sony Ericsson), unha tarxeta de memoria externa (Nokia 6230i), correa (Motorola U6, Alcatel e Samsung) e un cable para a conexión co ordenador (Motorola U6 e Samsung). De todos, o móbil con máis accesorios é Samsung SGH-ZV10.
A un obxecto que se leva todo o día enriba pídeselle que sexa pequeno e lixeiro. Motorola L6 é o máis pequeno (112,8×50, 1×11,5 mm) e dos menos pesados (88,8 g), e ademais é moi plano, polo que é bo de levar no peto. Sharp GX17 é só un 30% máis grande e algo menos pesado (84 g). Pola contra, Samsung SGH-ZV10 é o máis pesado (117 g) e o máis grande (o dobre ca o máis pequeno). Moitos usuarios non desexan que a antena sobresaia do equipo: dos oito analizados, só as antenas de Nokia 6103 e do Samsung SGH-ZV10 eran externas.
En case todo o mundo
Os oito móbiles son tribanda, é dicir, poden funcionar nas bandas de frecuencia de 900 MHz e 1.800 MHz (as que se usan en España) e mais en 1.900 MHz (habitual noutros países, como nos EEUU). Iso permite que todos eles se poidan usar en calquera país que teña infraestrutura GSM (o estándar mundial de telefonía móbil máis espallado).
As baterías de sete dos móbiles están compostas de Ion-Litio, salvo a do Sony Ericsson Z520i, que era LI-Polymer (en principio, mellor). Para comprobar canto lles levaba cargar, descargouse completamente cada batería (previamente cargáranse e descargáranse dúas veces) e mediuse canto tardaba en aparecer a lenda “carga completa” na pantalla. Os tempos variaron desde a hora e media de Nokia 6230i ata as case tres de Alcatel ELLE. No tocante á autonomía en espera, deixouse cada móbil aceso coa batería cargada e sen realizar ningunha función ata que se apagase. O mellor foi Nokia 6103 (320 horas) e o que menos durou, Alcatel (195 horas). A autonomía tamén se mediu cun ciclo que simulaba un uso normal, composto dunha chamada de dez minutos, o envío dun SMS e 50 minutos en espera. O que máis aguanta en espera, Nokia 6103, só chega ás 12 horas en uso, seguido de Sony Ericsson, con 14 horas e media. Samsung (con 24 horas e media) e Motorola L6 (con 23 horas e media) foron os que máis duraron. O resto andou arredor das 20 horas de autonomía.
As pantallas destes móbiles son en cor (ese é un dos motivos do seu importante consumo enerxético). As de Nokia 6103, Sony Ericsson Z520i, Motorola U6, Alcatel ELLE e Samsung SGH-ZV10 están cubertas por unha tapa, polo que estes móbiles contan cunha segunda pantalla exterior na que amosan datos básicos, como o estado da batería ou a data e hora. Volvendo ás pantallas interiores, as de Alcatel e Motorola L6 eran CSTN (peores), e as do resto TFT. As múltiples funcións que van máis alá de falar por teléfono (navegar por Internet, xogar, xestionar a axenda…) fan que o tamaño da pantalla sexa un factor esencial. As máis grandes son as de Sharp e Motorola U6, aínda que a de Sharp, malia ser a máis grande, é a de menor resolución (imaxe menos nítida). A pantalla con mellor resolución é a do Nokia 6230i, seguida das de Motorola U6 e Samsung ZV10 (ademais, estas dúas últimas son as únicas que amosan 256.000 cores, o resto quedan en 65.000).
Memoria interna
Os oito móbiles contan cunha memoria interna na que almacenar os contactos da axenda, os sons, as fotos e os vídeos. Samsung ofrece a maior capacidade (50 Mb). O seguinte, Nokia 6230i, dispón de 32 Mb, pero é o único cunha rañura para unha tarxeta externa de memoria (do tipo MMC) de ata 512 Mb. As memorias do resto variaron desde os 16 Mb de Sony Ericsson ata os escasos 1,4 Mb do Sharp (a capacidade dun antigo disquete).
Existen diferentes tecnoloxías para intercambiar arquivos entre móbiles (contactos da axenda, imaxes, cancións, vídeos…) ou para conectar o terminal a un ordenador. Alcatel ELLE só conta con infravermellos (unha tecnoloxía incómoda e en desuso). Os dous Nokia, Sony Ericsson, Sharp e Samsung, amais de infravermellos, ofrecen USB para conectalo ao ordenador (así é posible facer a moi útil copia de seguridade da nosa información, por se perdemos o terminal), e Bluetooth, un sistema por ondas de radio que chega a uns poucos metros e que serve para conectar toda clase de dispositivos. Motorola U6 conéctase por USB e Bluetooth (non por infravermellos).
Os dous Nokias e Motorola L6 permiten o “Push To Talk” (PTT, “Pulsar para falar”), co que se pode chamar a través das redes de móbil pagando unha cantidade fixa de cartos ao mes (tarifa plana) como cun walky-talkie. O problema é que, aínda que é moi común noutros países, ningunha das operadoras españolas ofrecen este servizo para os usuarios domésticos.
Cámara de fotos
Nokia 6230i ten a mellor cámara de fotos, con 1,3 megapíxeles, mentres que a resolución do resto non pasa dos 0,3 megapíxeles. Os oito poden facer e reproducir vídeos, pero só Sony Ericsson, Nokia 6230i e Samsung poden facer “streaming” (reproducir vídeos mentres se descargan, o que significa, na práctica, que se poderían ver neles programas de televisión se a operadora de telefonía o permite). Samsung ofrece videoconferencia, non en van é o único dos analizados que é de terceira xeración (tamén coñecido como UMTS), que ten como maior virtude a alta velocidade de transmisión de datos (imprescindible para a videoconferencia).
No tocante ao audio, en sete deles pódese gravar a voz (en Motorola L6 non), e o Nokia 6230i conta con radio FM e reprodutor musical de mp3. A reprodución de cancións en mp3 tamén está presente en Samsung e Sony Ericsson. Sharp é o único sen mans libres incorporado. Pódense usar auriculares nos oito, pero os seus conectores non son estándar, como sería desexable.
O resto de funcións extra son moi numerosas: xogos, alarmas, reloxo, calendario, rechamada automática, restricións de chamada… Case todas elas son comúns a todos os equipos.
A súa función principal: a comunicación
O nivel de cobertura dunha zona depende en boa medida da súa distancia coa antena emisora, pero, aproveitan todos os móbiles por igual a cobertura dispoñible nun emprazamento? Para medilo, probouse cada móbil nunha zona con cobertura media e noutra con cobertura baixa, sempre co mesmo operador. Nun mesmo lugar, os dous Motorola, Nokia 6103 e Sony Ericsson Z520i indicaron dispor dunha cobertura lixeiramente maior ca o resto, e Samsung e Sharp marcaron algo menos.
Pero estas diferenzas no nivel de cobertura indicado non significan que logo a comunicación sexa de maior ou menor calidade. Para comezar, comprobouse que se se fai unha chamada a comunicación non se corta (todos os celulares acadaron un “excelente”), e despois mediuse a nitidez do son e o ruído xerado en zonas con cobertura alta, media e baixa. Motorola U6 é o único que destaca, e fíxoo positivamente: a súa calidade de comunicación é lixeiramente superior á do resto. En todos os demais, os resultados foron moi bos e practicamente idénticos.
Moitos usuarios quéixanse de que case non oen cando os chaman. Por iso buscan modelos que “soen” máis alto (en todos eles se pode regular o ton). Nokia 6130 é o que ten o timbre máis potente (78 dB), seguido de Sony Ericsson Z520i (776 dB) e de Motorola L6 (75 dB). Sharp só alcanza os 60 dB, unha diferenza notable co máis potente (a escala dos decibelios é logarítimica, polo que 20 dB non é o dobre de 10 dB, senón dez veces máis). Os oito reproducen tons polifónicos e reais.
Nun cine ou en calquera outra situación onde non deba soar o móbil escóllese a miúdo o modo “vibración”, pero, é realmente unha función silandeira? Parece que non moito: todos os móbiles en vibración xeran un ruído superior a un murmurio (30 dB). O vibrador máis silencioso foi de novo Nokia 6103 (31 dB), seguido de Motorola U6 (32 dB), mentres que os máis ruidosos foron Motorola L6 (45 dB) e Sharp GX17 (42 dB). Dáse o paradoxo de que Nokia 7103 é o terminal con maior volume de ton e o que menos ruído xera en vibración, mentres que o Sharp ofrece o ton máis débil, pero case a vibración máis ruidosa.
Proba de uso
Nas características máis convencionais (opcións de chamada e envío de mensaxes normais e multimedia), os oito obtiveron valoracións semellantes. Samsung sobresaíu no número e calidade das súas funcións extra, como nos xogos ou na calidade de imaxe. A relativamente baixa puntuación de Alcatel (7,5 puntos) débese, sobre todo, á novidade da súa pantalla: cando está apagada tórnase espello. Esta característica concentrou as críticas dos usuarios, que consideraron que acesa reflectía excesivamente a luz do sol. Ademais, cando está apagada (modo espello), produce ocasionalmente unha lixeira e molesta luz azulada de fondo. Sharp GX17 non gustou polo seu aspecto exterior e acabado (6,8 puntos), polas dimensións do teclado (6,7 puntos) e pola facilidade para cambiar a batería e a tarxeta SIM (6,8 puntos). Nos outros equipos as valoracións foron positivas e uniformes: entre 7 e 8,5 puntos.
Os oito inclúen os consabidos manuais e as necesarias advertencias de seguridade. Así e todo, na metade deles as garantías eran incorrectas, ao non chegaren aos dous anos durante os cales deben estar cubertos: os dous Nokia e o Sony Ericsson din que a garantía dos seus accesorios é de só un ano, mentres que Samsung ofrece un ano para o equipo e seis meses para a batería. Independentemente do que afirmen os seus documentos de garantía, todos estes equipos, os seus accesorios e as súas baterías están garantidos durante dous anos, se ben a partir dos seis primeiros meses deberá ser o comprador quen demostre que o fallo estaba en orixe.
O móbil é un dos aparellos electrónicos máis susceptible de sufrir caídas. Por iso, o laboratorio introduciu cada equipo nun barril de volteo que simulou cincuenta caídas como as que poden sufrir no día a día. O resultado? Ningún se deteriorou.
Fronte a niveis de enerxía perigosos demostraron que as partes con carga eléctrica están convenientemente illadas. Tamén aprobaron o test de funcionamento baixo quecemento anormal, no que non se incendiaron nin supuxeron un perigo para o usuario. A calidade dos plásticos dos cargadores é abonda, polo que resisten a calor (algo necesario, dada a súa función).
Tamén se lanzou cada cargador tres veces sobre unha superficie sólida de madeira de carballo sen que se producisen estragos. Tampouco a comunicación se interrompe nin ningún dos móbiles estudados sofre danos permanentes nin temporais se o usuario provoca unha descarga de electricidade estática por contacto ou a través do aire (como a que se pode dar un día de treboada).
E a radiación que emiten? A norma permite ata un máximo de 2,0 W/kg de índice de absorción específica de enerxía (SAR nas súas siglas inglesas), que mide a cantidade de enerxía que se absorbe por unidade de masa de tecido corporal. Todos aprobaron, con valores afastados do máximo permitido, pero os dous Nokia, Alcatel ELLE e Samsung, con 0,7 W/kg, demostraron ser mellores ca os máis.
En síntese e Táboa comparativa
- Analizáronse sete móbiles de gama media GSM e un que, amais de GSM, se pode conectar a redes UMTS (3X), que custan desde os 91 euros de Sharp GX17 ata os case 300 euros de Motorola U6. Sharp GX17, Alcatel ELLE e Samsung ZV10 (o único UMTS de estudo) están subvencionados pola operadora.
- A calidade de comunicación nos oito é semellante e satisfactoria, aínda que lixeiramente superior no Motorola U6. O timbre máis alto e o vibrador máis silandeiro son os de Nokia 6103 e o timbre menos sonoro e unha das vibracións máis ruidosas son as de Sharp GX17.
- Os oito equipos e os seus cargadores superaron as esixentes probas de seguridade (comprobouse tamén que non se estragan logo de 50 caídas). As garantías dos dous Nokia, Sony Ericsson e Samsung Z520i non son correctas.
- O móbil máis voluminoso e pesado é o Samsung ZV10, e os máis pequenos e lixeiros son o Sharp GX17 e o Motorola L6. As pantallas máis grandes son as de Sharp GX17 e Motorola U6, e as máis pequenas as de Sony Ericsson e Nokia 6130. A batería que menos tarda en cargar é a de Nokia 6230i (1,5 h) e a que máis a de Alcatel ELLE (3h). En espera, a batería máis duradeira é a de Nokia 6103. En uso duraron máis Motorola L6 e Samsung ZV10 e menos Nokia 6103.
- Cos oito pódense facer chamadas desde o estranxeiro (son tribanda), e contan todos con cámara de fotos e de vídeo. Os dous Nokia son os que inclúen máis funcións, e os máis parcos Alcatel ELLE e Sharp GX17. Alcatel só ofrece conexión por infravermellos; o resto, os máis modernos Bluetooth, USB ou ambas as dúas.
- Na proba de uso todos foron ben valorados. O que máis gustou foi Samsung ZV10 (8,5 puntos de 10), e os máis discretos, Sharp GX17 (7,4), Alcatel ELLE (7,5) e o Motorola L6 (7,6).
- A mellor relación calidade-prezo é Nokia 6103 (200 euros, libre), un dos que conta con máis funcións. Outra opción interesante é Sharp GX17, o máis barato (91 euros, subvencionado): un móbil que cobre de sobra as necesidades da maioría dos usuarios.
En síntese
- Analizáronse sete móbiles de gama media GSM e un que, amais de GSM, se pode conectar a redes UMTS (3X), que custan desde os 91 euros de Sharp GX17 ata os case 300 euros de Motorola U6. Sharp GX17, Alcatel ELLE e Samsung ZV10 (o único UMTS de estudo) están subvencionados pola operadora.
- A calidade de comunicación nos oito é semellante e satisfactoria, aínda que lixeiramente superior no Motorola U6. O timbre máis alto e o vibrador máis silandeiro son os de Nokia 6103 e o timbre menos sonoro e unha das vibracións máis ruidosas son as de Sharp GX17.
- Os oito equipos e os seus cargadores superaron as esixentes probas de seguridade (comprobouse tamén que non se estragan logo de 50 caídas). As garantías dos dous Nokia, Sony Ericsson e Samsung Z520i non son correctas.
- O móbil máis voluminoso e pesado é o Samsung ZV10, e os máis pequenos e lixeiros son o Sharp GX17 e o Motorola L6. As pantallas máis grandes son as de Sharp GX17 e Motorola U6, e as máis pequenas as de Sony Ericsson e Nokia 6130. A batería que menos tarda en cargar é a de Nokia 6230i (1,5 h) e a que máis a de Alcatel ELLE (3h). En espera, a batería máis duradeira é a de Nokia 6103. En uso duraron máis Motorola L6 e Samsung ZV10 e menos Nokia 6103.
- Cos oito pódense facer chamadas desde o estranxeiro (son tribanda), e contan todos con cámara de fotos e de vídeo. Os dous Nokia son os que inclúen máis funcións, e os máis parcos Alcatel ELLE e Sharp GX17. Alcatel só ofrece conexión por infravermellos; o resto, os máis modernos Bluetooth, USB ou ambas as dúas.
- Na proba de uso todos foron ben valorados. O que máis gustou foi Samsung ZV10 (8,5 puntos de 10), e os máis discretos, Sharp GX17 (7,4), Alcatel ELLE (7,5) e o Motorola L6 (7,6).
- A mellor relación calidade-prezo é Nokia 6103 (200 euros, libre), un dos que conta con máis funcións. Outra opción interesante é Sharp GX17, o máis barato (91 euros, subvencionado): un móbil que cobre de sobra as necesidades da maioría dos usuarios.
| Marca/Modelo | Nokia 6103 | Sharp GX17 | Nokia 6230i | Motorola L6 | |
|---|---|---|---|---|---|
| Prezo (euros) | 202,33 | 91,25 | 256,67 | 145,67 | |
| Peso (gramos) | 99,2 | 84,3 | 97,5 | 88,8 | |
| Dimensións (mm) (Alto x Ancho x Profundidade) | 94 x 45,1 x 24,1 | 106,4 x 45,8 x 17,3 | 103,3 x 44,1 x 20,2 | 112,8 x 50,1 x 11,5 | |
| Bandas de frecuencia | EGSM 900, GSM 900, 1800, 1900 | EGSM, GSM 900, 1800, 1900 | EGSM 900,GSM 1800, 1900 | GSM, 900, 1800, 1900 | |
| Tecnoloxía | GSM, GPRS | GSM, GPRS | GSM, GPRS | GSM, GPRS | |
| SAR (W/Kg) | 0,7 al oído | 0,813 al oído | 0,7 al oído | 1,33 al oído | |
| Antena interna ou externa | Externa | Interna | Interna | Interna | |
| Características de batería | |||||
| Composición de la batería | Li-ion | Li-ion | Li-ion | Li-ion | |
| Tempo de carga | 2h | 2h | 1h 30″ | 2h 26″ | |
| AuTonmía en espera (horas) | 320 | 245 | 275 | 215 | |
| AuTonmía en chamada | 2h 10″ | 3h 30″ | 3h 4″” | 4h 20″ | |
| AuTonmía en uso | 10 h | 15 h | 15h 50″ | 19h 10″ | |
| Funcións de chamada | |||||
| Marcación rápida | SI | SI | SI | SI | |
| Marcación fixa | SI | NON | SI | SI | |
| Calquera tecla responde | SI | SI | SI | SI | |
| Rexistro de chamadas | Nº chamadas realizadas | 20 | 10 | 20 | 10 |
| Nº chamadas recibidas | 20 | 10 | 20 | 10 | |
| Nº chamadas perdidas | 20 | 10 | 20 | 10 | |
| Pantalla principal | Dimensións (mm) | 27×20,2 | 30,1×39,7 | 30,4×30,4 | 29×35,8 |
| Resolución (pixeles) | 20.480 | 19.200 | 43.264 | 20.480 | |
| Nº cores | 65K | 65K | 65K | 65K | |
| Tipo pantalla | TFT | TFT | TFT | CSTN | |
| Visualización hora/día | Hora | Ambos | Hora | Hora | |
| Pantalla secundaria | Resolución | 6.240 | NA | NA | NA |
| Nº cores | 4096 | NA | NA | NA | |
| Tipo pantalla | NI | NA | NA | NA | |
| Visualización hora/día | Hora | NA | NA | NA | |
| Memoria | |||||
| capacidade memoria interna (MB) | 4,2 | 1,4 | 32 | 10 | |
| Tarxeta memoria Externa | NA | NA | SI hasta 512 | NA | |
| Datos | |||||
| Conectividad Serie / USB | SI | SI | SI | SI | |
| Bluetooth | SI | SI | SI | SI | |
| Infrarrojos | SI | SI | SI | NON | |
| UMTS | NON | NON | NON | NON | |
| PTT | SI | NON | SI | SI | |
| Mensaxería | |||||
| SMS | Informe de entrega | SI | SI | SI | SI |
| Dicionarios preditivos ou métodos de escritura | SI | SI | SI | SI | |
| Modelos de mensaxes | SI | SI | SI | SI | |
| EMS (o SMS con imaxes) | SI | NON | SI | SI | |
| MMS | Informe de entrega | SI | SI | SI | SI |
| Envíos de vídeos, fotos, imaxes e sons | SI (todos) | SI (todos) | SI (todos) | SI (todos) | |
| Presentación en diapositivas | SI | SI | SI | SI | |
| capacidade multimedia | |||||
| Cámara | |||||
| Cámara | SI | SI | SI | SI | |
| Resolución | VGA | VGA | 1,3 megap | VGA | |
| Tamano máximo de la imaxes | 640×48 | 640×480 | 1280×960 | 640×480 | |
| Zoom / Número de aumentos | NON | SI/4x | SI/3x | SI/4x | |
| Vídeo | |||||
| Gravación de vídeo | SI | SI | SI | SI | |
| Reproducción de vídeo | SI | SI | SI | SI | |
| Streaming video (en tempo real) | NON | NON | SI | NON | |
| Vídeo-conferencia | NON | NON | NON | NON | |
| Audio | |||||
| Tipo de timbres (tons) | Polifónicos e reais | Polifónicos e reais | Polifónicos e reais | Polifónicos e reais | |
| Radio FM | SI | NON | SI | NON | |
| Reproductor de MP3-2 | NON | NON | SI | NON | |
| Grabación voz/tempo (indicado) | SI/5 min. | SI/30s | SI/1h | NON | |
| Comandos de voz | SI | NON | SI | SI | |
| Marcación por voz | SI | NON | SI | SI | |
| Altofalante mans libres | SI | NON | SI | SI | |
| Outras funcionalidades | |||||
| Contactos na axenda | 500 | NI | 1000 | 500 | |
| Bloc de notas | SI | NON | SI | NON | |
| Lista de tarefas | SI | NON | SI | NON | |
| Bloqueo teclado | SI | SI | SI | SI | |
| Alarma de batería baixa | SI | SI | SI | SI | |
| Conversor de moedas | SI | SI | SI | SI | |
| Cronometro | SI | NON | SI | NON | |
| Temporizador | SI | NON | SI | NON | |
| Xogos / Número de Xogos | SI/3 | SI/3 | SI/3 | SI/3 | |
| Carcasas intercambiables | NON | NON | SI | NON | |
| Calidade de comunicación | |||||
| Cobertura Alta | Nitidez | 8 | 8 | 8 | 8 |
| Ruido | 8 | 8 | 7 | 8 | |
| Cobertura Media | Nitidez | 8 | 8 | 8 | 8 |
| Ruido | 8 | 8 | 8 | 8 | |
| Cobertura baixa | Nitidez | 8 | 7 | 8 | 6 |
| Ruido | 8 | 8 | 7 | 7 | |
| Nivel Cobertura | |||||
| Media (%) | 75 | 50 | 57,14 | 80 | |
| baixa (%) | 25 | 25 | 28,57 | 20 | |
| Son | |||||
| Ton (db) | 78,1 | 60,4 | 71 | 75,4 | |
| Vibración (db) | 31,2 | 42 | 37,2 | 44,6 | |
| Proba de uso (1 a 10) | 8,2 | 7,4 | 8 | 7,6 | |
| Marca/Modelo | Sony Ericsson Z520i | Samsung ZV10 | Alcatel GlamPhone ELLE | Motorola U6 | |
|---|---|---|---|---|---|
| Prezo (euros) | 204 | 201,33 | 159 | 294 | |
| Peso (gramos) | 96,2 | 116,9 | 92,8 | 111,1 | |
| Dimensións (mm) (Alto x Ancho x Profundidade) | 100,6 x 46,1 x 25,1 | 103,5 x 47,2 x 26,5 | 92,4 x 46,6 x 23,2 | 87,3 x 49 x 22,4 | |
| Bandas de frecuencia | GSM 850,900, 1800, 1900 | GSM 1900,900, 1800 | GSM 900, 1800, 1900 | GSM 850,900, 1800,1900 | |
| Tecnoloxía | GSM, GPRS | UMTS, GSM, GPRS | GSM, GPRS | GSM, GPRS | |
| SAR (W/Kg) | 0,962 al oído | 0,77 al oído, 0,659 al cuerpo | 0,72 al oído, 1,06 al cuerpo | 0,8 al oído, 0,51 al cuerpo | |
| Antena interna ou externa | Interna | Externa | Interna | Interna | |
| Características de batería | |||||
| Composición de la batería | Li-Polymer | Li-ion | Li-ion | Li-ion | |
| Tempo de carga | 2h 23″ | 2 h | 2h 52″ | 2h 10″ | |
| AuTonmía en espera (horas) | 218 | 280 | 195 | 270 | |
| AuTonmía en chamada | 2h 50″ | 4h 30″ | 4h | 3h 50″ | |
| AuTonmía en uso | 11h 40″ | 20 h | 17h 30″ | 16h 40″ | |
| Funcións de chamada | |||||
| Marcación rápida | SI | SI | NON | SI | |
| Marcación fixa | SI | SI | SI | SI | |
| Calquera tecla responde | NON | SI | SI | SI | |
| Rexistro de chamadas | Nº chamadas realizadas | 30 a repartir entre las 3 opciones | 30 | 5 | 10 |
| Nº chamadas recibidas | 30 | 5 | 10 | ||
| Nº chamadas perdidas | 30 | 5 | 10 | ||
| Pantalla principal | Dimensións (mm) | 17,5×21,2 | 28,7×35,5 | 27,9×35,1 | 31×38,1 |
| Resolución (pixeles) | 20.480 | 38.720 | 20.480 | 38.720 | |
| Nº cores | 65K | 256K | 65K | 256K | |
| Tipo pantalla | TFT | TFT | CSTN | TFT | |
| Visualización hora/día | Ambos | Ambos | Ambos | Ambos | |
| Pantalla secundaria | Resolución | 8.080 | 5.120 | 20.480 | 5 |
| Nº cores | 4096 | 65K | NI | NA | |
| Tipo pantalla | CSTN | OLED | NI | SI | |
| Visualización hora/día | Ambos | Hora | Hora | NA | |
| Memoria | |||||
| Capacidade memoria interna (MB) | 16 | 50 | 3 | 10 | |
| Tarxeta memoria Externa | NA | NA | NA | NA | |
| Datos | |||||
| Conectividad Serie / USB | SI | SI | NON | SI | |
| Bluetooth | SI | SI | NON | SI | |
| Infrarrojos | SI | SI | SI | NON | |
| UMTS | NON | SI | NON | NON | |
| PTT | NON | NON | NON | NON | |
| Mensaxería | |||||
| SMS | Informe de entrega | SI | SI | SI | SI |
| Dicionarios preditivos ou métodos de escritura | SI | SI | SI | SI | |
| Modelos de mensaxes | SI | SI | SI | SI | |
| EMS (o SMS con imaxes) | SI | NON | NON | SI | |
| MMS | Informe de entrega | SI | SI | SI | SI |
| Envíos de vídeos, fotos, imaxes e sons | SI (todos) | SI (todos) | SI (todos) | SI (todos) | |
| Presentación en diapositivas | SI | SI | SI | SI | |
| Capacidade multimedia | |||||
| Cámara | |||||
| Cámara | SI | SI | SI | SI | |
| Resolución | VGA | VGA | VGA | VGA | |
| Tamano máximo de la imaxes | 1280×960 | 640×480 | 640×480 | 640×480 | |
| Zoom / Número de aumentos | SI/4x | SI | SI | SI/4x | |
| Vídeo | |||||
| Gravación de vídeo | SI | SI | SI | SI | |
| Reproducción de vídeo | SI | SI | SI | SI | |
| Streaming video (en tempo real) | SI | SI | NON | NON | |
| Videoconferencia | NON | SI | NON | NON | |
| Audio | |||||
| Tipo de timbres (tipo-tons) | Polifónicos e reais | Polifónicos e reais | Polifónicos e reais | Polifónicos e reais | |
| Radio FM | NON | NON | NON | NON | |
| Reproductor de MP3 | SI | SI | NON | NON | |
| Grabación voz/tempo (indicado) | SI/20 min. | SI/1 h. | SI/NI | SI/NI | |
| Comandos de voz | SI | NON | SI | SI | |
| Marcación por voz | SI | NON | NON | SI | |
| Altofalante mans libres | SI | SI | SI | SI | |
| Outras funcionalidades | |||||
| Contactos na axenda | 500 | 1000 | 500 | 1000 | |
| Bloc de notas | SI | NON | NON | SI | |
| Lista de tarefas | SI | SI | NON | NON | |
| Bloqueo teclado | NON | NON | NON | SI | |
| Alarma de batería baixa | SI | SI | SI | SI | |
| Conversor de moedas | NON | SI | SI | NON | |
| Cronometro | SI | NON | NON | NON | |
| Temporizador | SI | NON | NON | NON | |
| Xogos / Número de Xogos | SI/3 | SI/6 | SI/0 | SI/1 | |
| Carcasas intercambiables | NON | NON | NON | NON | |
| Calidade de comunicación | |||||
| Cobertura Alta | Nitidez | 8 | 8 | 7 | 9 |
| Ruido | 8 | 8 | 7 | 9 | |
| Cobertura Media | Nitidez | 8 | 8 | 8 | 9 |
| Ruido | 8 | 7 | 8 | 9 | |
| Cobertura Baixa | Nitidez | 8 | 8 | 8 | 9 |
| Ruido | 8 | 8 | 8 | 9 | |
| Nivel Cobertura | |||||
| Media (%) | 80 | 50 | 60 | 80 | |
| Baixa (%) | 20 | 516,7 | 20 | 20 | |
| Son | |||||
| Ton (db) | 77,2 | 72,3 | 68,1 | 68,3 | |
| Vibración (db) | 34,8 | 35,8 | 37 | 32 | |
| Proba de uso (1 a 10) | 8,2 | 8,5 | 7,5 | 8 | |
Un por un
Un por un
NOKIA 6103
/imgs/20061001/img.analisis2-movil1.jpg - 202,33 euros.
- Libre.
- A mellor relación calidade-prezo.
- Garantía incorrecta por lle dar só un ano aos accesorios e non dous. Con antena externa. Unha das pantallas principais máis pequenas. A maior autonomía en espera (320 h), pero a menor en uso (12 h). Moi completo en funcións. O timbre máis sonoro (78 dB) e a vibración máis silenciosa (31 dB).
- Proba de uso: 8,2 puntos de 10, a segunda mellor valoración.
SHARP GX17
/imgs/20061001/img.analisis2-movil2.jpg - 91,25 euros, o máis barato. Subvencionado.
- Outra opción interesante para quen non busque excesivas funcións. O mais lixeiro e dos máis pequenos. A pantalla principal máis grande, pero de baixa resolución.
- A memoria interna de menor capacidade (1,4 MB). Dos timbres máis baixos (60,4 dB) e co vibrador máis ruidoso (42 dB).
- Proba de uso: 7,4 puntos de 10, a valoración máis baixa. O peor en deseño, dimensións de teclado e pouca facilidade para cambiar a batería e a tarxeta SIM.
NOKIA 6230I
/imgs/20061001/img.analisis2-movil3.jpg - 256,7 euros, o segundo máis caro. Libre.
- Garantía incorrecta, ao lles dar só un ano aos accesorios, e non dous. O que menor tempo de carga precisa (1h 30min). A pantalla e a cámara de fotos (1,3 megapíxeles) de maior resolución. O único con tarxeta de memoria externa (de ata 512 MB). Con radio e lector de mp3.
- Proba de uso: 8 puntos de 10.
MOTOROLA L6
/imgs/20061001/img.analisis2-movil4.jpg - 145,67 euros. Libre.
- O máis pequeno, un dos máis lixeiros, e ademais moi delgado. O segundo con máis autonomía en uso.
- Dos timbres máis altos e co vibrador máis ruidoso (45 dB).
- Proba de uso: 7,6 puntos de 10, dos peores.
SONY ERICSSON Z520I
/imgs/20061001/img.analisis2-movil5.jpg - 204 euros. Libre.
- Garantía incorrecta, ao lles dar só un ano aos accesorios e non dous. A pantalla máis pequena. A única batería de Li-Polymer (mellor). Un dos timbres máis sonoros (77 dB). Con reprodutor de mp3.
- Proba de uso: 8,2 puntos de 10, a segunda mellor.
SAMSUNG SGH-ZV10
/imgs/20061001/img.analisis2-movil6.jpg - 201,33 euros. Subvencionado.
- Garantía incorrecta, ao lle dar só un ano ao equipo e seis meses á garantía, no canto de dous anos. O único con tecnoloxía UMTS (3X), polo que é tamén o único con videoconferencia, e o que ten unha transferencia de datos máis rápida. O máis pesado e grande. Antena externa. O de maior autonomía en uso. A segunda mellor resolución de pantalla e dos que amosan máis cores. A memoria interna de maior capacidade (50 Mb).
- Reprodutor mp3.
- Proba de uso: 8,5 puntos de 10, o mellor polas súas funcións e pola facilidade de uso.
ALCATEL GLAMPHONE ELLE
/imgs/20061001/img.analisis2-movil7.jpg - 159 euros. Subvencionado.
- A batería que máis tarda en cargar e a que ofrece a menor autonomía en espera. Sen conector USB nin Bluetooth (só infravermellos). O de menos funcións.
- Proba de uso: 7,5 puntos de 10, dos peores pola súa pantalla-espello, que resulta incómoda.
MOTOROLA U6
/imgs/20061001/img.analisis2-movil8.jpg - 294 euros, o máis caro. Libre.
- Dos máis pesados (111,1 g). Das pantallas máis grandes, con mellor resolución e co maior número de cores. O único que destaca positivamente pola calidade da comunicación.
- O ruído do seu vibrador é dos máis baixos (32 dB).
- Proba de uso: 8 puntos de 10.