Hortzetako pasta zuritzaileak eta konbentzionalak

Onak, baina miraririk gabeak

Hortzetako pasta zuritzaileak eraginkorrak dira plakari erantsitako orbanak garbitzeko, baina hortzaren berezko tonalitatea aldaraz dezakete
1 ekaina de 2006
Img analisis

Onak, baina miraririk gabeak

/imgs/20060601/img.analisisb.01.jpg Larruazal guztiak tonu berberekoak ez diren bezala, gizaki bakoitzaren hortzak ere kolore desberdinetakoak dira. Horitik hasita, boli eta perlan barrena griseraino doan kolore horrek iluntzerako joera agertzen du, pertsonak adinean aurrera egin ahala. Koloreztapen horren jatorria genetikan bertan bilatu beharra dago eta hainbat arrazoirengatik alda daiteke: elgorri edo kukutx-eztul bortitzak nozitzearren, belaunaldi bateko kideen hortz-haginak ilundu zituzten botikak (zazpigarren hamarkadan umeei eman zitzaizkien tetraziklinadun antibiotikoak, adibidez) irenstearren edo kafea, ardoa, tea zein tabakoa era jarraian kontsumitzeagatik, substantzia hauek iluntze-prozesu naturala azkartu egiten baitute. Publizitateak irribarre guztiz zuria erakustea eskaintzen digu beste marka bateko dentifriko jakin bat aukeratzearen truk baina, egia aitortzeko, pasta horiek esmaltearen azaleran eta dentinaren parte batean itsatsitako orbanak kentzeko (hots, aipatu berri ditugun substantzia kaltegarri horiek eraginiko iluntzeen kontra) bakarrik dira eraginkorrak. Dentinaren barnealdeko geruzetan eta mamian datzan zikinkeriaren aurka, berriz, produktu horiek inongo eraginkortasunik ez dutenez, espezialistek bakarrik aplika ditzaketen tratamendu korapilotsu eta bortitzetara jotzea beste erremediorik ez dago.

Hortz-haginen kanpoaldea zuritzeko gauza direla dioten hortzetako pasta horien eraginkortasuna egiaztatzeko xedez laborategira eraman eta hirurogei kontsumitzailerekin probatu genituen zortzi pasta: horietako lau zuritzaileak dira eta beste laurak, berriz, konbentzionalak. Batenaz beste zuritzaileak garestiagoak badira ere (%25, ia), xehetasunez azaltzen diren datuak ez dira horren zorrotzak. Pasta zuritzailerik merkeena Licor del Polo da (16,93 euro kostatzen da, litroko), konbentzionalik merkeenaren parekoa (Licor del Polo klorofiladuna, 16,67 euro litroko), kasik. Bestetik, zuritzailerik garestiena (Binaca aquafresh) dezente gehiago kostatzen da: 32,77 euro litroko. Hamaika proba sakon egin ondotik, kalitatea eta prezioaren arteko erlaziorik egokiena Signal markako biek ematen dute (bistan denez, zuritzailea egokiagoa da efektu horren bila doanarentzat): biek daukate materia aktibo ugari (fluorra, agente urragarri eta tentsioaktibo anionikoak), hortzetako mukosak erraz toleratzen ditu eta erabilera proban kontsumitzaileei atsegin gertatu zitzaien.

Hortzaren azala

Pasta zuritzaileek hortzen kolorea argitzen dute, kaltzio-karbonato, dikaltzio-karbonato, aluminio-oxido, silize hidratatu eta antzeko agente urragarriei esker hortzen azaleran dautzan metaketa eta orbanak konbentzionalek baino eraginkortasun handiagoz suntsitzen dituztelako.

Zortzi laginetan ere osagai ugariena ura delarik, ondotik datoz agente urragarriak, substantzia humektanteak (pasta lehortzea galarazten, trinkotasunaz janzten eta egonkortasun mikrobiologikoa bermatzen dutenak, hain zuzen), lodigarriak (substantzia urragarriak metatzea galarazten dutenak), opazifikatzaileak eta koloratzaileak, tensioaktiboak (plakaren kontrako egintza) eta zapore alorreko agenteak (osagairik garestienetako batzuk dira hauek).

Agente urratzaileek berebiziko eragina dute hortzak zuritzean eta, gainera, orbanak eta plakak desegiten laguntzen dute: eskuilatzeak beroriei esker leuntzen ditu hortzak. Esmaltea ez higatzeko, dentifrikoek ez dute sobera agente urratzaile: horregatik aholkatzen da honelako pastak eta bestelakoak txandaka erabiltzea.

Agente urratzaileak

Osagaien artean, zortzi laginek (bai zuritzaileek, bai klasikoek) silizea daukate agente urratzaile behinena, baina horren proportzioa pasta batetik bestera dezente aldatzen da: eduki osoaren %1,7tik (Signal oinarrizkoa) %24raino (Colgate zuritzailea). Signal markako bi pastek, ordea, kaltzio-karbonatoa (agente urragarri leuna) daukate ugariena (%41 zuritzaileak eta %36 normalak); karbonato hori bera agertzen da Colgate zuritzailean ere, baina askoz ere urriago (%2,4).

Hortzetako pastek dituzten agente urratzaileetako batzuk fosfatoak dira; agente urragarri izateaz gainera, dena den, fosfatoen beste eginkizun garrantzitsu bat lertzoa suntsitzea da. Osaketan presentzia urria dute: %0,2 (Licor del Polo) eta %4,8 artean (Binaca zuritzailea). Amaitzeko, adieraz dezagun aluminioa geroz eta gutxiago baliatzen da funtzio hori betetzeko: Licor del Polo zuritzaileak bakarrik dauka hori bere formulan (%0,35).

CONSUMER EROSKI-ko teknikarien iritziz dentifrikoaren osaketan substantzia urragarriek %25 bete behar dutenez, %19ra iritsi ez direnek ez dute proba gainditu. Atal honetako hoberenak Signal markako biak dira (%46 zuritzaileak eta %39 konbentzionalak) eta urrutitik Colgate zuritzailea datorkie (%27). Licor del Polo eta Colgate konbentzionalak ez dira gutxieneko mugara iristen. Harritzekoa bada ere, Signal oinarrizkoaren urratze-ahalmena (beraz, zuritze-ahalmena) Binaca eta Licor del Polo zuritzaileena baino eraginkorragoa da.

Aho osasuntsu bateko listuaren pH-a 7 inguruan ohi dagoenez, hortzetako pasta bat hobea izango da 6,9 eta 8 bitartean badabil. Hiru dentifriko soilik (Binaca, Signal eta Colgate marketako zuritzaileak) 7ko neutraltasun horretatik urrundu eta 9ra gerturatu dira.

Trinkotasun zehatza

Pastaren ukitua likidoegiak produktuaren dosifikazioa zaildu egiten du eta dentsitate handiak, aitzitik, dentifrikoa ontzitik ateratzea eragozten du. Pastaren itxura eta trinkotasunean eragina duen sorbitol izeneko agente humektantea zortzi laginek baliatu dute, %10etik (Licor del Polo zuritzailea) %35eraino (Colgate jele). Glizerola ere substantzia humektantea da baina Colgate markako bi dentifrikoetan eta Binaca eta Licor del Polo marketako zuritzaileetan baizik ez zen atzeman. Licor del Polok eta Binaca Aquafresh oinarrizkoak agertu dute trinkotasun egokiena. Dentifrikorik diluituena Colgate oinarrizkoa da baina ontzian bertan adierazten du produktua ez dela pasta, jelea baizik.

Fluorrak txantxarra prebenitzen du, bakterioen erasoen aurrean esmaltearen erresistentzia areagotzen du eta azido organikoak (azido laktikoak) esmalte disolbatzea galarazten du. Hortaz, fluorra biziki onuragarria denez, dentifriko guztiek sartu dute osaketan. Europako legeriak gehienez ere onartzen duen edukia %0,15 da. Bistan da laginek parametro horretara hurreratu behar dutela, gainditu gabe, noski. Colgate oinarrizkoak bete-betean jo du (%0,15), Colgate eta Signal zuritzaileak ehuneneko batera geratu dira eta Signal kariearen aurkakoa eta Licor del Polo zuritzailea, bi ehunenekotara. Licor del Polo klorofiladuna (%0,10) eta Binaca biak (%0,11), aitzitik, atal honetako kaskarrenak dira.

Plakaren aurka

Zortzi laginek laurik edo sodio-sulfatoa daukate: proteinak desnaturalizatzeko ahalmen handiko tensioaktibo anioniko honek eraginkortasun handia erakusten du plakaren kontrako egintzan. Denetan hoberenak Signal biak eta Binaca zuritzailea (hirurak ere, %1,7) eta Licor de Polo oinarrizkoa (%1,5) dira. Binaca (%1,2) eta Colgate (%1,3) marketako oinarrizkoak, berriz, substantzia horretatik gutxien baliatu dutenak.

Hortzetako pasta baten eraginkortasuna balioztatzeko unean nabarmentzen den aspektuetako bat eskuilatzean aparra sortzeko ahalmena da. Ahalmen hori neurtu nahi izanik, 40 gramo dentifriko litro bat uretan (50ºC-ko tenperaturan) diluitu eta hiru minutuz astindu zen likidoa (aholkatzen den batez besteko eskuilatzeak irauten duen denbora, alegia), aparrak egokitzat jotzen den 300 mililitroko muga gainditzen ote duen egiaztatzeko. Colgate jele fluorduna gertatu zen apartsuena eta apar hori egonkorrena, gainera.

Dentifrikoak narritadurarik eragiten duen jakiteko, in vitro berrosaturiko ahoko mukosetako zelulekin kontaktuan jarri ziren laginak. Proba egindakoan zenbat eta zelula gehiagok bizirik iraun, hainbat eta hobea da dentifrikoa. Proba hau gainditu gabe lagin bakar batek utzi ez bazuen ere, Binaca markako bi pastak, Signal markako biak eta Colgate oinarrizkoa gainerakoak baino hobeak dira.

Osoko kalitatea

Hortzetako pastaren osoko kalitatea entsegu analitiko guztietako kalifikazioen batez besteko ponderatuak ematen du. Proba nagusia aho-tolerantziari dagokiona da (%30); ondotik, agente urratzaileen eta fluorraren presentziak adierazten dute (%20na. Trinkotasunak eta aparra sortzeko ahalmenak guztirako kalifikazioaren hamarren bana puntuatzen dute eta, azkenean, pH-a eta substantzia anionikoak osotasunaren %5.

Kalkuluak eginik, oso onak dira Signal markako biak, aho-tolerantzia onekoak direlako eta, gainera, agente urratzaile ugari eta fluor asko dutelako.

Badauka beste agente urratzaile bat, oraino: kaltzio-karbonatoa, beste gainontzekoek daukaten silizea baino leunagoa. Signal konbentzionalak, bere aldetik, kaltzio-ekarpen oparoa eskaintzen du, kaltzio glukonato gisa gorpuztua. Binaca markako biak, Colgate eta Licor del Polo zuritzailea onak dira. Aurreneko biak ez dira bikaintasunera iritsi fluor gutxi daukatelako (dena den, Binaca konbentzionalak proprietate bakterizidak dituen bradosol produktua dauka): Colgate konbentzionala, agente urragarri gutxiegi dauzkalako eta beste biak, ahoko mukosa lagin hoberenak bezain ongi “tratatzen” ez dutelako. Licor del Polo konbentzionala da onargarri huts agertu dena; triklosan (bakterioen kontrako substantzia bat) edukitzea bakarrik du alderdi azpimarragarria.

Erabiltzaileen iritzia

Laborategiko proba sakon horiek eginarazteaz gainera, CONSUMER EROSKI-k horrelako hortzetako pasten kontsumitzaileek nolako iritzia duten jakin nahi zuen. Xede horrekin lagin guztiak hirurogei erabiltzailek probatu zituzten eta hainbat ezaugarriz beren aburua erakutsi zuten. Erabiltzaileei gehien gustatu zitzaizkienak Colgate zuritzailea eta Signal karieen kontrakoa izan ziren; beste muturrean, Licor del Polo klorofiladuna eta Binaca plakaren kontrakoa. Gainerako laginak tarteko puntuazioak bildu zituzten.

Eragin zuritzailea ohiko erabileran atzematen den egiaztatzeko, berriz, kontsumitzailek zortzi laginak probatu zituzten, zuritzaileak zein ziren jakin gabe. Eta erabiltzailek hauteman zuten zein ziren: denetan Colgate zuritzailea hautatu zuten. Freskotasun sentsazio hoberena Colgate zuritzaileak utzi zuen eta atal honetan distira gutxien agertu zutenak Licor del Polo klorofiladuna eta Binaca plakaren kontrakoa izan ziren. Sorturiko aparrari dagokiola, Signal karieen kontrakoak gainditu zuen Licor del Polo klorofiladuna eta Binaca plakaren kontrakoa. Colgate zuritzailea da errazen aplikatzen dena.

Erabiltzaileei egunero erabiltzeko zein erosiko zuten galdetuta, lau zuritzaileak aukeratu zituzten. Lagin denetan kalifikazio urriena eraman duena Licor del Polo klorofiladuna izan zen. Gainerako hiru erreferentzia klasikoak tartean geratu ziren.

Konparaketako taula

Laburbilduz

  • 75 mililitroko edukieradun tutu malguan merkaturatzen diren zortzi dentifriko aztertu dira oraingoan: horietako lau, beren burua zuritzailetzat agertzen dute eta beste lauak konbentzionalak dira. Azterlaneko bi dentifriko merkeenak Licor del Polo markako biak dira (ia 17 euro litroko), denetan garestiena Binaca Aquafresh zuritzailea izaki (33 euro litroko).
  • Laborategian eginiko probetan “oso ongi” kalifikazioa lortu dute Signal markako bi laginek. Binaca-ko biek, Colgate-ko biek eta Licor del Polo zuritzailea “ongi” daude. Licor del Polo klorofiladuna “onargarri” baino ez da.
  • Lau dentifriko zuritzaileek substantzia urragarri gehiago daukate. Berariaz zuritzaile ez den Signal lagina bigarren tokian agertzen da, agente zuritzaileen edukiari dagokionean, horrelako ezaugarria dutela adierazten duten laginen (Binaca, Colgate eta Licor del Polo) oso gainetik.
  • Erabilera proban Colgate zuritzailea eta Signal konbentzionala gertatu dira gustukoenak; gutxien gustatu direnak, aitzitik, Licor del Polo klorofiladuna eta Binaca plakaren aurkakoa izan dira.
  • Kalitatea eta prezioaren arteko erlazio egokiena, bai hortzetako pasta konbentzionaletan, bai zuritzaileetan ere, Signal laginek ematen dute: osoko kalitate on-onekoak izaki, prezio ertaina dute biek: oinarrizkoa 17,43 euro eta zuritzailea 20,43 euro, litroko.

Dentifriko konbentzionalak

Signal Colgate Licor del Polo Binaca Aquafresh
Tipoa Hortzetako pasta Txantxarraren babesa
fluor eta kaltzioa
Hortzetako jelea
fluorduna
fluordunaHortzetako pasta, klorofila berezko freskotasuna
antiseptiko fluorduna
Hortzetako pasta Fluorra+Bradosola
Prezioa (euro litroko) 17,43 19,23 16,67 23,16
Formatua (ml) 75 75 75 75
pH-a 8,0 7,2 7,3 6,9
Trinkotasuna 37 51 16 29
Materia aktiOnaak (%)
Substantzia anionikoak
1,7
LS de sodio
1,3
LS de sodio
1,5
LS de sodio
1,2
LS de sodio
Fluorra (%) 0,13 0,15 0,10 0,11
Agente urragarriak:
Kaltzio-karOnanatoa (%) 36,3 Ez dago Ez dago Ez dago
Silizea (%) 1,7 18,6 17,7 19,9
Fosfatoa (%) 0,6 0,4 0,2 0,5
Aluminioa (%) Ez dago Ez dago Ez dago Ez dago
Agente humektanteak:
Sorbitol (%) 19,2 11,5 10,3 13,8
Glicerol (%) Ez dago 8,4 21,1 10,2
Aparra egiteko ahalmena (ml):
30 segundotara 357 423 405 388
3 minututara 350 401 370 349
Mukosaren tolerantzia
(% bideragarritasuna)
89,3 95,5 84,5 98,8
Erabilera proba (1 – 9) 7,2 6,8 6,3 6,5
Zuritzeko eraginkortasuna 6,6 6,3 6,2 6,3
Osoko kalitatea Oso ona Ona Onargarria Ona

Dentifriko zuritzaileak

Signal Colgate Licor del Polo Binaca Aquafresh
Tipoa Hortzetako pasta zuritzeko sistema Hortzetako pasta sensation zuritzailea Hortzetako pasta
Muturreko freskotasuna
Hortzetako pasta Fluorra+Triclene zuritzailea
Prezioa (euro litroko) 20,43 25,97 16,93 32,77
Formatua (ml) 75 75 75 75
pH 9,2 9,0 7,5 8,9
Trinkotasuna 39 31 10 33
Materia aktiOnaak (%)
Substantzia anionikoak
1,7
LS de sodio
1,4
LS de sodio
1,4
LS de sodio
1,7
LS de sodio
Fluorra (%) 0,14 0.14 0,13 0,11
Agente urragarriak:
Kaltzio-karOnanatoa (%) 40,5 2,4 Ez dago Ez dago
Silizea (%) 4,4 24,1 21,4 18,9
Fosfatoa (%) 0,9 Ez dago 0,4 4,8
Aluminioa (%) Ez dago Ez dago 0,35 Ez dago
Agente humektanteak:
Sorbitol (%) 19,2 11,5 10,3 13,8
Glicerol (%) Ez dago 8,4 21,1 10,2
Aparra egiteko ahalmena (ml):
30 segundotara 359 366 375 358
a 3 minuts 337 338 355 345
Mukosaren tolerantzia %viabilidad) 95,4 79,3 72,4 97,5
Erabilera proba (1 – 9) 7,0 7,3 7,0 7,0
Zuritzeko eraginkortasuna 7,0 7,1 6,8 7,0
Osoko kalitatea Oso ona Ona Ona Ona

Banan-banan

Zortzi dentifrikoak, banan-banan

Signal

/imgs/20060601/singal_uno.jpgDentifrikoa, karieen kontra babesten duena, fluorra eta kaltzioa dauzkana
17,43 euro litroko. Osoko kalitatea: oso ona.
Azterketa honetako kalitatea eta prezioaren arteko erlazio egokiena.
Alderdi sendoak: pH neutroa (8), plakaren kontrako agenteen presentzia (%1,7), fluorraren portzentajea (%0,13), agente zuritzaileen edukieran bigarrena (%39) eta hortzetako mukosaren tolerantzia ona.
Erabilera proba: 7,2 puntu; hoberenetako bat.

Colgate

/imgs/20060601/colgate_uno.jpgJele dentifrikoa, fluorra daukana
19,23 euro litroko. Osoko kalitatea: ona.
Alderdi sendoak: pH neutroa (7,2), fluor asko (%1,5) eta aparra sortzeko ahalmen handia.
Alderdi ahulak: denetan likidoena (jele gisa iragartzen da) eta agente urragarrietan bigarren urriena (%19).
Erabilera proba: 6,8 puntu.

Licor del Polo

/imgs/20060601/licor_uno.jpgKlorofiladun dentifrikoa, freskotasun natural antiseptikokoa
16,67 euro litroko (denetan merkeena). Osoko kalitatea: onargarria.
Alderdi sendoak: pH neutroa (7,3), trinkoa eta plakaren kontrako agenteez hornitua (%1,5).
Alderdi ahulak: fluor (%0,10) eta agente zuritzaile (%18) gutxien dauzkan lagina.
Erabilera proba: 6,3 puntu; gutxien gustatu den laginetako bat. Zaporea ezetsi zaio.

Binaca Aquafresh

/imgs/20060601/binaca_uno.jpgFluor eta bradosolaz hornituriko dentifrikoa
23,16 euro litroko (klasiko denetan garestiena). Osoko kalitatea: ona.
Alderdi sendoak: pH neutroa (6,9), trinkoa eta hortzetako mukosak toleratua.
Alderdi ahulak: fluor gutxi (%0,11) eta plakaren aurkako agente gutxien (%1,2) dituena.
Erabilera proba: 6,5 puntu, gutxien gustatu den laginetako bat. Zapore bizi-bizia.

Signal

/imgs/20060601/singal_dos.jpgHortzak zuritzeko sistemadun dentifrikoa
20,43 euro litroko. Osoko kalitatea: oso ona.
Dentifriko zuritzaileetan, kalitatea eta prezioaren arteko erlazio egokiena.
Alderdi sendoak: plakaren aurkako agenteak (%1,7), fluorra (%0,14), hobekien zuritzen duena eta hortzetako mukosak ongi toleratzen duena.
Alderdi ahulak: bere pH faktorea neutraltasunetik gehien urruntzen dena da.
Erabilera proba: 7 puntu. Eraginkorra izatearren eta freskotasun sentsazioa uzten duelako gustatu da.

Colgate

/imgs/20060601/colgate_dos.jpgDentifriko “sensation” zuritzailea
25,97 euro. Osoko kalitatea: ona.
Alderdi sendoak: fluor (%0,14) eta agente urragarri ugari (%27).
Alderdi ahulak: pH neutrotik urrutien dabilenetako bat da.
Erabilera proba: 7,3 puntu, gehien gustatu direnen artean. Freskotasun sentsazio ona.

Licor del Polo

/imgs/20060601/licor_dos.jpgFluordun dentifriko zuritzaile aurreratua, muturreko freskotasuna
16,93 euro litroko, merkeenetako bat. Osoko kalitatea: ona.
Alderdi sendoak: pH neutroa (7,5), trinkoa, fluor edukia (%0,13).
Alderdi ahulak: gai urragarri gisa, aluminioa daukan bakarra (%0,35).
Erabilera proba: 7 puntu. Eraginkorra izatearren eta freskotasun sentsazio ona uzten duelako gustatu da.

Binaca Aquafresh

/imgs/20060601/binaca_dos.jpgDentifrikoa, fluor gehi triklene zuritzailez osatua
32,77 euro litroko, denetan garestiena. Osoko kalitatea: ona.
Alderdi sendoak: plakaren kontrako agente ugari (%1,7) eta hortzetako mukosaren tolerantzia on-ona.
Alderdi ahulak: fluor gutxi (%0,11).
Erabilera proba: 7 puntu. Freskotasun sentsazioagatik gustatu da.