Saltar o menú de navegación e ir ao contido

EROSKI CONSUMER, o diario do consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa >

Os datos, informacións, interpretacións e cualificacións que aparecen nesta información corresponden exclusivamente ao momento en que se realizaron e teñen, polo tanto, unha vixencia limitada.

Cen cámpings de todo o país, analizados : Un de cada tres suspende o exame

Estudiáronse o equipamento, a relación deste co prezo dos cámpings, e a seguridade das instalacións

Seguridade: pode mellorar moito e táboa comparativa

Tódolos centros estudiados aseguran cumpri-la normativa nesta materia. Asesorados por especialistas en seguridade, técnicos de CONSUMER efectuaron unha consulta nos 99 cámpings, que tivo como resultado que en Araba, en Navarra, en Valencia e na Coruña todos, nas dúas primeiras, e todos agás un nas dúas restantes, contaban cun plan de emerxencia (nunha media xeral, só o teñen implantado o 57% destes recintos). O resultado foi pouco satisfactorio en Guipúscoa e na Rioxa (ningún dos cámpings o tiña), e en Madrid, Cantabria e Biscaia (un de cada tres en Madrid e un de cada dous en Cantabria e Biscaia dispón dun plan de emerxencia). É máis tranquilizador o número de cámpings que contan cun plan de evacuación (74% do total), destacando os de Valencia e Araba como os máis previsores neste sentido xa que a totalidade dos estudiados nestas dúas zonas despregan este plan, mentres que en Murcia, Barcelona, Alacante, A Coruña e Madrid se comprobou nunha proporción de entre o 88% e o 83%. A nota negativa póñena os cámpings de Málaga e Guipúscoa, onde seis de cada dez non son previsores neste sentido e os de Cantabria, onde tan só a metade elaboraron un plan de evacuación.

Se se produce un incendio, extintores (habíaos en tódolos cámpings, agás nun de Cantabria onde se viron tan só na zona de aseos) e tomas de auga facilitan o labor dos bombeiros. Tódolos de Navarra e Araba contan con tomas de auga, e hainas en tres de cada catro centros do resto das zonas, coa excepción de Alacante, Cantabria, Barcelona e da Rioxa (onde se poden ver en dous de cada tres campamentos) e Valencia, Murcia, Navarra e A Coruña, onde as tomas de auga están visibles en só a metade dos cámpings visitados. Por outra banda, a iluminación de emerxencia tórnase importante cando o problema de seguridade se produce de noite. O 14% dos cámpings carece deste sistema de prevención. Xa noutros aspectos examinados, dous cámpings de Navarra, e un en Murcia, Barcelona, Alacante e Cantabria non estaban pechados en todo o seu perímetro aínda que o obrigue a norma, e só un de Guipúscoa e dous de Cantabria non ofrecen servicio de vixilancia. E unicamente no 66% dos cámpings os usuarios son informados das medidas para casos de urxencia ou alarma. Xa no positivo, no 95% dos cámpings viuse a instalación eléctrica soterrada, tal e como procede.

Ficha técnica

Analizáronse 99 cámpings (29 de 1ª categoría, 49 de 2ª categoría e 21 de 3ª categoría) en trece provincias:

  • oito en Madrid (tres de 1ª e cinco de 2ª)
  • sete en Navarra (un de 1ª, cinco de 2ª e un de 3ª)
  • catro en Biscaia (un de 1ª, un de 2ª e dous de 3ª)
  • nove en Murcia (dous de 1ª categoría e sete de 2ª)
  • 13 en Barcelona (catro de 1ª, tres de 2ª e 6 de 3ª)
  • nove en Valencia (tres de 1ª e seis de 2ª)
  • sete en Guipúscoa (un de 1ª, tres de 2ª e tres de 3ª)
  • tres na Rioxa (un de 1ª, outro de 2ª e outro de 3ª)
  • dous en Araba (un de 2ª e outro de 3ª)
  • sete en Málaga (dous de 1ª, catro de 2ª e un de 3ª)
  • 12 en Alacante (catro de 1ª e oito de 2ª)
  • 12 en Cantabria (cinco de 1ª, catro de 2ª e dous de 3ª)
  • e seis na Coruña (dous de 1ª, un de 2ª e tres de 3ª categoría)

Paxinación dentro deste contido

Pódeche interesar:

Infografía | Fotografías | Investigacións