Saltar o menú de navegación e ir ao contido

EROSKI CONSUMER, o diario do consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa >

Os datos, informacións, interpretacións e cualificacións que aparecen nesta información corresponden exclusivamente ao momento en que se realizaron e teñen, polo tanto, unha vixencia limitada.

Centros de día : Calidade asistencial mellorable e carencia de prazas

Os equipamentos de atención diúrna de persoas dependentes logran unha cualificación notable, pero o 60% teñen listas de espera e dous de cada dez suspende

Transporte adaptado: un investimento caro pero preciso

/imgs/20070101/img.tema-portada.05.jpg No 2002 a metade dos centros de día consultados carecían de servizo de transporte propio, pero neste estudo púidose constatar que o 13% dos centros non contan con transporte adaptado (mediante elevadores, guindastres, ramplas, etc.), un elemento básico para persoas con problemas de mobilidade reducida, como é o caso dos maiores dependentes. Ademais, en case un de cada catro centros con transporte, os maiores van nos autobuses só co chofer, sen persoal sanitario ou doutra índole que os acompañe nos seus desprazamentos.

No tocante aos custos de transporte, cómpre salientar que dous de cada tres centros inclúen as tarifas do transporte na mensualidade, mentres que o resto o cobran á parte. O prezo medio rexistrado nos centros privados consultados é de 125 euros ao mes: as medias máis caras, en Madrid (260 euros), Barcelona (240 euros) e Cantabria (220 euros ao mes) e as máis baratas en Valencia e Valladolid (60 euros ao mes), Zaragoza (70 euros mensuais).

Podoloxía e salón de peiteado

/imgs/20070101/img.tema-portada.06.jpg A podoloxía e o salón de peiteado son os servizos “estrela” dos centros de día. No caso particular da podoloxía, son moitos os maiores e familiares que lle conceden grande importancia a esta prestación, debido aos frecuentes problemas relacionados cos pés que sofren as persoas de avanzada idade. Uns servizos que normalmente se cobran á parte, nun 85% dos centros no caso do servizo de podoloxía, e nun 94% no caso do salón de peiteado. Os prezos medios oscilan entre os 8 euros por un servizo de salón de peiteado e os 12 euros polo de podoloxía, sen que se aprecien diferenzas significativas entre os públicos, privados e concertados. Así e todo, atopáronse centros onde, por exemplo, o servizo de salón de peiteado chega a custar ata 23 euros, como nalgún centro de día de Navarra e ata 50 euros en Málaga polo servizo de podoloxía.

Accesi- bilidad e, mellorable

Case todos os centros contan con baños xeriátricos, cunha media de tres baños por centro. Ademais, o 94% dos centros de día están ben adaptados (pódese acceder ao centro cunha cadeira de rodas, escaleiras salvadas por ramplas, etc.). Non obstante, catro de cada dez centros visitados non posúen accesos ben habilitados nas diferentes dependencias do complexo que así o requiren (ramplas ou ascensores no interior do edificio). Ademais, só no 54% dos centros se atoparon barras para asirse distribuídas por todo o recinto, moi importantes para evitar caídas non desexables. Ademais, un 6% dos centros visitados non dispuñan de aseos adaptados debidamente sinalizados.

Valoración global

En xeral, as notas finais, baseadas nos resultados recollidos polos técnicos de CONSUMER EROSKI na súa análise in situ e pola información facilitada polos responsables dos centros, son bastante satisfactorias (oscilan entre ben e moi ben), aínda que se observan diferenzas entre provincias. No apartado de servizos a media é de ben-moi ben, aínda que os centros da provincia de Granada suspenden. O eido no que peores cualificacións se rexistran é na atención asistencial: a valoración media non pasa dun aprobado. As provincias que non aproban son A Coruña, Cantabria, Guipúscoa, Sevilla e Zaragoza, que deben conformarse cun regular. Os mellor dotados a nivel asistencial son os de Madrid, Murcia, Navarra e Valladolid (valoración de moi ben). No tocante ao estado de limpeza e conservación dos centros, todas as provincias reciben valoracións moi positivas, agás A Coruña e Granada, que se conforman cun aceptable por mor das carencias atopadas nalgún centro de día visitado (mobiliario vello, asentos escasos e gastados polo uso, chans e paredes lixadas, etc.).

En definitiva, os centros que mellor parados saen son os de Álava, Alacante, Madrid, Murcia, Navarra e Valladolid (media de moi ben).

Canto custan os centros de día?

/imgs/20070101/img.tema-portada.07.jpgA media mensual sitúase nos 508 euros por usuario. Nos centros privados a media ascendeu a 638 euros, case o dobre do que cobran de media os centros de titularidade pública (336 euros). Algo menos cobran os concertados: 473 euros. Pódese concluír que os centros de día na actualidade son relativamente caros en comparación cos prezos das residencias, xa que, segundo publicou CONSUMER EROSKI no 2005 (ver estudo de Residencias da Terceira Idade), a media do que hai que pagar en residencias privadas foi de 1.342 euros ao mes, mentres que nas públicas foi de 956 euros mensuais. Ademais, no caso dos centros de día, como se viu anteriormente, os prezos de servizos como podoloxía ou salón de peiteado e o transporte nos centros privados non están incluídos na tarifa mensual, polo que o gasto para as familias é aínda maior. Cómpre mencionar os casos particulares dos centros privados de día situados en Guipúscoa (un centro), Navarra (un centro), Málaga (dous centros) e Barcelona (catro centros) que cobraban arredor de 900 euros ao mes, case como unha residencia, chegando a duplicar a media do estudo.

Paxinación dentro deste contido

Pódeche interesar:

Infografía | Fotografías | Investigacións