Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

: ‘Veggie’ den guztia ez da osasungarria

HAMAR HERRITARRETATIK BATEK BAZTERTU EGITEN DITU, MODU BATEAN EDO BESTEAN, ANIMALIA JATORRIKO ELIKAGAIAK ESPAINIAKO ESTATUAN, ETA BERE BURUA ZAINTZEKO HELBURUZ EGITEN DU. BEGETALETAN OINARRITZEN DIREN DIETEK DOHAIN ASKO DUTE, BAINA HOR SARTZEN DIREN PRODUKTU GUZTIAK EZ DIRA BETI OSASUNGARRIAK. AZTERTU EGIN BEHAR DA HORIEN OSAERA, HORRELA JAKINGO BAITUGU ZEIN DIREN JAKI OSASUNGAITZ HORIEK, ETA EZ DA FIDATU BEHAR OSAGAI GALARAZIAK ORDEZKATZEKO DISEINATU DIREN ULTRAPROZESATUEKIN.

Haragi ‘burger’-a eta begetala aurrez aurre

2019ko apirilean, Europako Parlamentuko Nekazaritza Batzordeak erabaki zuen ezingo zaiela hanburgesa, saltxitxa edo burger izena jarri haragiz eginda ez dauden produktuei. Ontzietan ezingo da iragarri, adibidez, “sojazko hanburgesak” dituela, baina bai “disko begetarianoak”. Neurri horren helburua da kontsumitzaileek argi eta garbi jakin dezaten zer ari diren jaten. Haragiz egindako produktu bat eta haren bertsio begetarianoa itxuraz antzekoak izanik ere, bien nutrizio balioa desberdina izaten da ia beti. Jaki begetal batek, adibidez, hanburgesa batek adina kaloria ematen du, karbohidrato gehiago eta gantz gutxiago (eta dituenak, saturatugabeak), baina baita proteina gutxiago eta kalitate apalagokoak ere. Kaloria kopuruan berdintsu ibiliko dira biak, nahiz eta prestakin beganoen gantz mota hobea den bihotzhodietako osasunerako. 

Zein da hobea nutrizioaren ikuspegitik? Osagaien kalitateak erabakiko du hori. Haragi hanburgesak kalitatezko lehengaiekin eginak badaude eta hanburgesa begetalek palma olioa eta almidoiak badaramatzate lodigarri gisa, haragizkoa hobea izango da. Aldiz, kalitate txarreko haragiarekin, almidoiekin eta azukreekin egina badago, eta begetalak, berriz, berenjena, soja testurizatua eta oliba olio badaramatza, azken hori hobea izango da. 

Dena den, haragiaren behin betiko ordezkoa bilatzeko lasterketa honetan ez dugu ahaztu behar inguruan hainbat elikagai begetariano daukagula, prozesatu gabe jan ditzakegunak. Berdurak, frutak eta lekaleak dira, beganoek ez ezik, gainerakoek ere lehentasunez hautatu behar lituzketenak.

Eta haragia jateko modua izango bagenu animaliarik hil gabe?

Animalien sufrimenduaren inguruko kontzientzia duten kontsumitzaileen beharrizanak asetzeko, batzuek beste pauso bat eman nahi dute haragiaren ordezkoak ekoiztetik harago. Ikertzaileak gai izan dira elikagai hori bera lortzeko – ez ordezkoak– ama zelulak erabiliz. Aurrerapen horri esker, aukera izango genuke xerra batek nutrizioaren ikuspegitik dituen osagaik lortzeko baina izaki bizidunik hil gabe. 

Urte batzuen buruan, ez litzateke harritzekoa izango supermerkatuan haragi artifiziala saltzea, eta horrek beste eztabaida bat sortzen du: begetarianoek jango al lukete produktu hori? Komunitatean denetarik dago: batzuek baztertu egiten dute elikagai hori, datorren lekutik datorrela, eta beste batzuk jateko prest egongo lirateke animalien ongizatea bermatuz gero. Oraingoz, bi multzoek itxaron egin beharko dute, asmakuntza horren kostuak oso garestiak baitira gaurgaurkoz. Preziorik apalena 74 eurokoa da kiloarentzat eta horrek ez du zerikusirik egun merkatuan saltzen den haragiaren prezioarekin: 3 eta 15 euro artean dabil kiloa, baldin eta ez bada gourmet erakoa. 

Bestalde, ez daiteke esan produktu hori beganoa denik, zelula horiek hazteko bitaminak, aminoazidoak eta beste mantenugai batzuk behar baitira, eta gaur egun abelgorrien gazur fetaletik eskuratzen dira. Osagai funtsezkoa da zelulak hazi daitezen, eta oraingoz, beraz, prozesua ez daiteke aldatu. Gainera, organismo mikroskopiko horiek egituratu daitezen, animalia jatorriko beste elementu bat ere behar dute, abelgorrien kolagenoa, zeinak euskarri gisa jokatzen duen. Sistemak, hortaz, animalia jatorriko bigarren elementu bat ere erabiliko luke. Nahiz eta erritmo onean ari den aurreratzen haragi futuristaren diseinua, zientzialariek erronka handiak dituzte aurretik; adibidez, ukitu hezea eta zapore gustagarria ematea, oraindik ez baitute lortu. Gai izango al dira azpizun baten zaporea duen ‘zerbait’ sortzeko luze gabe?

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak