Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

Igerilekuak : Segurtasuna, bainulariaren esku ere

Alde handiak daude erkidego batetik bestera, sorosle eta monitore kontuetan. Bainu-garaia hasia da: Espainiak gozatzen duen eguzki-ordu ugaria medio, igerilekua berton erabiltzen da gehien: horren froga, Europako bigarren estatua da hau eraikitako igerilekuen kopuruan.

Jolas arriskutsuak

arabera, Espainian urtero-urtero 100 tetraplegia gertatzen dira uretan buruzka murgiltzearen ondorioz. Pertsona askok -haur eta gazteak, batez ere- uretara altuera handitik edo era guztietako itzulipurdikoak eginez pulunpa egiteko duen zaletasunak istripu larri asko ez ezik, heriotzak ere eragiten ditu uda guztietan, hondoaren kontra jotzea, sarri askotan ur sakonera kontutan hartu ez duelako jauzilariak edo, bestela, oztoporen batekin tupust (igerilekuaren ertza, beste pertsona bat, etc.) egiten duelako.

Igerilekuan itsasoan baino itotzeko arriskua arinagoa den arren, horrelakoak (“erabateko itotzeak” edo “ia erabateko itotzeak”) eta bestelako ezbeharrak ere jazo daitezke hustubideetara gerturatzean, bertan xurgatze-indar bizi-biziak gorputz atalen bat edo ilea harrapatu eta burua urpean utz dezake. Igerilekuetako itotze kasuen beste arrazoietako bat, uretara pulunpa buruz egin eta inpaktuagatik konorte galtzea izaten da. Ura uher dagoenean oso litekeena da urpeko igerilariak edo objektuak nekez ikustea: horrek, uretan istripua izateko aukerak ugaldu egiten ditu.

Arau orokorrak

  • Uretako txanoa erabili behar dugu, ile luzeko jendeak, batez ere. Instalazio zenbaitetan jantzi hori derrigorrez jarri behar da.
  • Zoldura edo kutsatzeko moduko gaixotasuna nozitzen duenak zeharo debekatua du horrelako instalazioetan sartzea.
  • Jan-edanak, horretarako toki egokietan bakarrik har daiteke.
  • Zeinahi igerilekutako uretan sartu aurretik dutxa hartzea derrigorrezkoa da, germen eta partikulak (kremak, ileak, etab) suntsitzeko. Dutxa ez ezik, igerilekuan sartu aurretik zanpatzen den ur-tokitik pasatzea ere partikula eta germen horiek desagerrarazteko bide eraginkorra da.
  • Igerileku gehienetan -estalietan batik bat- oinetakoak jantzirik edo kaleko arroparekin sartzea debekatuta dago.
  • Erorikoak edo labainketak gerta ez daitezen, ez dago baimendua igerilekuko urtegi inguruan korrika ibiltzea.
  • Igerileku publikoetako urtegian ez dago onartua urpean igeri egiteko ekipamendua: hegatsak, hodiak, etc.
  • Igerilekuetan animaliarik ezin da sartu, itsuen txakurrak izan ezik.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak