Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

Mugikorrekin doan erabiltzeko 16 aplikazio aztertu ditugu, pisua kontrolatzearekin eta elikadura arloko ohiturekin zerikusia dutenak : Pisua kontrolatzeko aplikazioak: baliagarriak dira eguneroko dieta zehazteko, baina ez jarraibide dietetikoak emateko

Tresna lagungarritzat hartu behar dira, baina ezIN dezakete ordezkatu nutrizionisten edo endokrinoen lan profesionala

Motibazioa eta aholkuak

Argaldu nahi duenak aldatu egin behar izaten ditu elikatzeko ohitura batzuk, eta bizimoduan ere aldaketa batzuk egin behar izaten ditu. Eta hori egiteko, motibazioa behar izaten da, ahalegin handia eskatzen du-eta. Atal honetan, hiru aplikazio hauek gailendu zaizkie gainerakoei: Diet Point·Español ( 8,6 puntu), Calorie Counter-MyFitness Pal ( 7,9 puntu) eta Fitbit (6,4 puntu). Beste hauek ere gainditu dute 5 puntuen langa: Calorie Counter by CalorieCount.com, Dieta Asistente-Perder Peso eta Noom Weight Loss (5,7 puntu). Gainerakoak 5 puntuen azpitik ibili dira, eta 40·30·30 izenekoak ez du lantzen alderdi hau.

Aztertu ditugun 16 aplikazioetatik 7k mezu motibatzaileak ematen dituzte: Weigh What Matters, Calorie Counter by CalorieCount.com, Calorie counter-MyFitness Pal, Fitbit, Diet Point·Español, DailyBurn Tracker eta Noom Weight Loss. Lehenbizikoak eta azkenekoak zorion-mezuak ematen dituzte eta adoretsuak. Calorie Counter by CalorieCount.com eta Fitbit-ek puntu- eta intsignia-sistema bat dute, eta Calorie Counter-MyFitness Pal, Diet Point·Español eta DailyBurn Tracker-ek erabiltzaile-komunitate bateko kide izatera animatzen dute erabiltzailea. Eta, gainera, aztertu ditugun 10 aplikaziok zenbait tresna eskaintzen dituzte zerbitzu sozialetatik laguntza jasotzeko: gizarte-sareetatik (9k), aplikazioaren beraren komunitate edo txat-etatik (6k) edo foroetatik (3k soilik).

Azkenik, 16 aplikazioetako 6k aholkuak ere ematen dituzte elikadura arloko jarraibideen inguruan. Informazio hori guztiz baliagarria da erabiltzaileentzat, gidatu egiten ditu elikadura arloko ohitura egokiak finkatzeko: pisuari dagozkion helburu errealistak jartzea gomendatzen dute, egunean 5 fruta- eta berdura-atal jatea, janari osasungarria erostea edota arraina astean hirutan jatea.

Osasuna ez da jolasean aritzeko

Urteko sasoi jakin batzuetan, argaltzeko erronka jartzen diogu gizakiok geure buruari. Hala gertatzen da uda aurrean, Eguberrien ostean… Urtetik urtera, milioika dieta, liburu eta metodo iraultzaile agertzen dira bazterretan. Baina argaltzea ez da kontu hutsala. Ohartu egin behar dugu gure elikadurari eragiten diola eta, beraz, gure osasunari ere bai. Eta elikaduraz eta osasunaz arduratzen hasita, oso garrantzitsua da ohartzea zaindu egin behar dugula zer jaten dugun eta ordena jarri behar dugula elikaduraren arloan sumatzen den kaosean. Horretarako, errealistak izan behar dugu eta jarraibide koherente batzuk aintzat hartu pisu osasungarria lortzeko helburuz.

  • Egunean lau edo bost otordu egin behar dira. Saihestu egin behar dira otordutik otordurako mokadutxoak.
  • Mantso jatea komeni da elikagaien digestioa hobeki egiteko.
  • Egunean bi litro ur edatea komeni da, gutxienez.
  • Ariketa fisikoa maiz egin behar da (badira horretan laguntzen duten aplikazioak ere)
  • Ez da erre behar eta ez da alkoholik edan behar.

Argaltzeko erabakia hartzen dugunean, lehenik eta behin medikutara joatea da egokiena, eta hark esango digu zer-nolako dieta egin behar dugun, jarduera fisikoak nolakoa izan behar duen, bizimodua zenbateraino aldatu behar dugun, eta tratamendua hasita, pisuaren bilakaera kontrolatuko digu aldian behin.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak