Pikillo piperrak

Lodosa jatorri izendapendun piperrak atseginago gertatu bai, baina askoz ere garestiagoak dira

Zortzi laginetako bik bakarrik dute etiketa zuzen; lagin batek, adierazitako kopuruaren %75 baizik ez du ematen
1 otsaila de 2007
Img analisis listado 147

Lodosa jatorri izendapendun piperrak atseginago gertatu bai, baina askoz ere garestiagoak dira

/imgs/20070201/img.analisis1.01.jpg Pikillo piperra barietate berariazko eta bakarra da, Ebro ertzeko lursailetan bakarrik ematen dena. Nafarroan “Lodosako piperra” Jatorrizko Izendapena (JI) dute, kalitate-zehaztapen zorrotzagoak barne. Pikillo piperraren ezaugarri bereizgarriak hauek dira: mamiaren gorritasun intentsua, tamaina txikia, ukitu haragitsu fina eta zapore gozo eta, aldi berean, mina, pittin bat bada ere. Piperrak, behar bezala hautaturik, ura daukan tobera batean sartzen dira, zikinkerietatik ikuzteko. Ondoren labera eraman eta bertan erretzen dira 700º C-tik gorako tenperaturan. Jarraian, azala, zuztarra eta haziak erauzten zaizkie. Lodosako J.I. duten piperrak direnean, eragiketa hauetan piperrak urez bustitzerik edo soluzio kimikoak erabiltzerik ez da onartzen.

Ontziratzea hiru kategoria komertzialen arabera egiten da: estra kategoriako piperrek gorri kolore biziko azala dute ezaugarria dute eta kiskalitako proportzioa ez da, ehun gramo bakoitzeko, zentimetro karratu bat baino handiagorik.

Lodosako J.I. duten piperrei ezin zaie erantsi gatz, azukre eta garraztasunaren erregulatzaileez gainetiko beste ezer. Jatorrizko Izendapen horretatik kanpokoei, berriz, ura eranstea onartzen da.

Azterketa

/imgs/20070201/img.analisis1.03.jpg Oraingoan, estra kategoriako zortzi pikillo piper lagin aztertu eta dastatu dira; horietako hiru Lodosa jatorrizko izendapenekoak dira. Bik bakarrik (Carasusan eta Señorío de Sarriá) errespetatu dute etiketatzeari buruzko araudia: lautan ez da adierazten osasun erregistroaren zenbakia, batean ez da agertzen informazio osoa ikuspen eremu berean eta beste baten pisu garbia eta pisu xukatua, adierazitakoak baino %25 txikiagoak dira. Kasu honetan, hain zuzen, irregulartasuna balizko akats baten ondorio izan liteke, adierazitako 320 gramo baino dezente txikiagoa baitzen ontziaren edukiera. Kalitate aldetik, irregulartasun bakarra: Señorío de Sarriá izeneko piperren azal kiskaliaren proportzioa estra kalitateari baimentzen zaiona baino pittin bat handixeagoa zen.

Bestetik, piperrik handienak J. Vela, Carretilla eta Señorío de Sarria laginetakoak dira (25 gramo inguru, aleko) eta txikienak (18 gramo inguru), Carasusan eta El Navarrico markakoak. Gazienak Carasusan (edukiaren %1,3 dute gatza) eta Carretilla (%1) baina ez nabarmenki: elikagai batek gatz gehiegi daukala esaten da, %1,8tik gora doanean. Gatzik ez duten piper bakarrak J. Vela laginekoak dira (edukiaren %0,1 baino gutxiago dute).

Lodosako J.I., dastatzean hobeak

Lodosako J.I. duten pikillo piperrak zaporetsuagoak dira, kontsumitzailearen itxaropen organoleptikoak hobeki asetzen dituelako: Lodosa J.I. duten hiru laginak besteak baino hobeak izan ziren dastatzaileek azterturiko parametro denetan: kolorea, usaina, zaporea, murtxikatzeko sentsazioa eta bukaera. Halaz ere, kalitatea eta prezioaren arteko erlazio egokiena Carasusan pikillo piperrek erakutsi dute: kalitate onekoak izaki oso prezio lehiakorrean daude salgai (denetan merkeenak dira). Lodosa J.I. dutenak garesti dira: kilo garbiko 14,63 eta 16 euro kostatzen dira; izendapen hori gabekoak 6,38 eta 11,34 euro artean kostatzen dira, kiloko. Lodosa J.I. duten piperren kalitate eta prezioaren arteko erlazio egokiena Pedro Luis laginak ematen du, 14,63 euro baizik ez baita kostatzen, kiloko.

Piperrak eta nutrizioa

Piperrak produktuaren %94 ura du, karbohidratoak ez dira %4ra iristen eta proteinak %1 inguru dabiltza; gantz edukia, berriz, hutsaren hurrena. Osaketa horri erreparatuta, aise ulertzen da, ehun gramoko, piperrak 20 kaloria baizik ez izatea. Piperretan ugari dauden karotenoei eta C bitaminari esker, barazki hauek antioxidatzaile asko dituzte eta, hortaz, endekapen.-gaixotasunen prebentzioaren eragile eraginkorrak dira.

/imgs/20070201/img.analisis1.04.jpg Pikillo piperrak mintasun-izpi bat daukate; digestio-aparatuko mukosa narritatzen du urdaileko zukuak: horrek digestioaren hobekuntzarekin lotura izan badezake ere, urdain delikatua, gastritisa edo ultzera nozitzen duten pertsonen kasuan arazo bihur daiteke. Piperren digestioa, dena dela, zaila da (frijituak kontsumitzen direnean, batez ere), olio asko hurrupatzen baitute paderan.

Salbuespen txiki horiek aintzat hartuta, piperrak eskuarki kontsumitzea komenigarria da, egoki-egokia gehiegizko pisua (zaporetsuak eta kaloria urrikoak baitira), giltzurrunetan kalkuluak eta likidoen atxikipena nozitzen dituzten pertsonentzat, potasio ugari eta sodio gutxi daukatenez, diuretikoak direlako. Bestetik, beren zapore intentsuari esker, gatzik erantsi gabe kontsumi daitezke pikillo piperrak: hortaz balia daitezke hipertentsioa, giltzurrunetako patologiak edo gaitz kardiobaskularrak nozitzen dituztenak, dieta hiposodikoak betetzen baitituzte eskuarki.

Pikillo piperren kategoria komertziala

Estra kategoriako pikillo piperren kalitate adierazgarri behinenak hauek dira: piperraren kolorea, alea osorik agertzea, azal kiskalidun proportzioa (Araudiak xedatutakoa), materia edo gai arraroen presentziarik ez izatea eta hautsitako piperren kopurua. Zortzi laginek ere piper helduari berez dagokion kolore gorri uniformea erakutsi zuten, alderdi horirik gabe, Araudiak agindu bezala. Lagin denetan piperrak osorik zeuden, Araudiak poto bakoitzeko puska bana egotea baimendua badu ere, pisu xukatua osatzeko. Kiskalitako azalik lagin guztiek agertu zuten arren, Señorío de Sarriá laginak bakarrik (1,1 zentimetro karratu ehun gramoko) gainditu zuen Estra kategoriako piperrei dagokien goiko muga (1 cm2 100 gramoko, alegia). Lehen kalitatekoek, gogoan izan, 1,5 zentimetro karratu kiskali eduki dezake 100 gramoko. Beste alderdi batez ari garela, flasko bakar batean ez zen atzeman gai edo materia arrarorik; hazi kopuruari dagokionez, Lodosa J.I. duten piperrek gainerako laginek baino hazi gutxiago zeukaten.

Laburbilduz eta Konparaketako taula

Laburbilduz

  • Estra kategoriako zortzi pikillo piper lagin aztertu eta dastatu dira; horietako hiru Lodosa jatorrizko izendapenekoak dira, gainerakoak baino askoz ere garestiagoak (piper kiloaren prezioa 14,63 euro eta 16 euro artean dabil Lodosakoa eta 6,38 eta 11,34 euro artean gainerakoak).
  • Osasunarentzat on-ona izaki, piperrak C bitamina eta karoteno (endekapen-gaixotasunak prebenitzen dituzten antioxidatzaileak) ugari dauzka baina kaloria gutxi (20 kal. 100 gramoko). Obesitatea, hipertentsioa, giltzurrunetan kalkuluak eta likidoen atxikipena nozitzen dituzten pertsonek kezkarik gabe kontsumi dezakete.
  • Piper gutxi (edo bat ere ez) hartu behar dute digestio-alorreko arazorik nozitzen dutenek: gastritisa, ultzera eta antzekoak.
  • Arauaren araberako etiketa bi laginek bakarrik daukate. Lautan ez da adierazten enpresaren osasun erregistroa, beste batean ez da agertzen ikuspen-eremu berean informazio osoa eta beste batean, azkenik, egiazko pisua adierazitakoa baino askozaz ere txikiagoa da.
  • Señorío de Sarriá (Lodosa J.I.) lagineko piperrek, Estra kalitateari Arauak baimentzen diona baino azal kiskali gehixeago daukate. Beste bi lagin ere mugatik gertu-gertu dabiltza.
  • Lodosa J.I. daukaten hiru laginak gainerako bostak baino inondik ere hobeak izan dira dastatzen proban, gehiago gustatu zaizkie dastatzaileei.
  • Kalitatea eta prezioaren arteko erlazio egokiena Carasusan laginak agertu du: kalitate oneko pikillo piperra ematen du prezio lehiakorrean (6,38 euro kiloko). Lodosa jatorrizko izendapena dutenen artetik, kalitatea eta prezioaren arteko erlazio egokiena Pedro Luis da, baina lagin hauen prezioa 14,63 euro da, kiloko.
Azterketa alderatuak: Pikillo piperrak
Marka Carausan Pedro Luis Bonduelle Carretilla
Izendapena Pikillo piper osoak, estra Lodosako pikillo piperra Pikillo piper osoak, estra Pikillo piper osoak, estra
Prezioa (euro kiloko, pisu xukatuari dagokionez) 6,38 14,63 7,61 10,06
Etiketa Zuzen Ez dago Ez dago Ez dago
Adierazitako pisu garbia (g) 1 290 215 290 290
Adierazitako pisu xukatua (g) 2 190 205 225 225
Pisu garbi neurtua (g)1 302,5 232,1 298,6 301,2
Pisu xukatu neurtua (g)2 257,2 209,8 242,5 234,5
Aleak 14,4 10,6 11,2 9,6
Pisua, unitateko (g) 17,9 19,8 21,7 24,5
Gatza (%) 1,3 0,7 0,6 1
pH-a 4,4 4,5 4,5 4
Azal kiskalia (cm2/100 g)3 0,9 0,9 0,5 0,3
Dastatze proba (1 – 9) 6,0 6,9 5,1 5,9
Marka J. Vela La Lodosana Señorío de Sarria El Navarrico
Izendapena Pimientos del Piquillo Extra Pikillo piper osoak, estra Lodosako pikillo piper osoa, estra Lodosako pikillo piper osoak, estra
Prezioa (euro kiloko, pisu xukatuari dagokionez) 10,98 11,34 16,01 15,81
Etiketa Ez dago Ez dago Zuzen Ez dago
Adierazitako pisu garbia (g)1 290 450 220 320
Adierazitako pisu xukatua (g)2 250 400 180 300
Pisu garbi neurtua (g)1 280,1 446,4 233,2 241,7
Pisu xukatu neurtua (g)2 254,3 396,2 209,8 227
Aleak 10,2 18 8,8 12,8
Pisua, unitateko (g) 24,9 22 23,8 17,7
Gatza (%) 0,1 0,6 0,8 0,7
pH-a 4,3 4,4 4,2 4,3
Azal kiskalia (cm2/100 g)3 0,4 0,4 1,1 0,9
Dastatze proba (1 – 9) 4,6 5,9 6,6 6,9

(1) Pisu garbia: ontzian dauden osagai denen (hau da, piperrak eta likidoa) guztirako pisua da.

(2) Pisu xukatua: likidoa erauziz gero, ontzian dauden piperren pisua da.

(3) Azal kiskalia:estra kalitateko kontserbako piperrei Araudiak 1 cm2 azal kiskali baizik ez du baimentzen produktuaren 100 gramo bakoitzeko. Señorío de Sarriá markako piperrek bakarrik gainditu dute muga hori, ozta-ozta gainditu ere.

Banan-banan

Pikillo piperren zortzi laginak, banan-banan

Carasusan

  • /imgs/20070201/img.pimientos.01.jpg
  • “Pikillo piper osoak, Estra”
  • 290 gramoko kristalezko flaskoa.
  • Pisu xukatuaren prezioa: 6,38 euro kiloko (denetan merkeenak)
  • Kalitatea eta prezioaren arteko erlazio egokiena. Piperrik txikien eta gazienetakoen artekoak.
  • Dastatze proban, 6 puntu: aldekoak: “zukutsua”; aurkakoak: “mikatz samarra” eta “hazi asko”.

Pedro Luis

  • /imgs/20070201/img.pimientos.02.jpg
  • “Lodosako pikillo piper osoak, Estra”
  • 215 gramoko kristalezko flaskoa.
  • Pisu xukatuaren prezioa: 14,63 euro kiloko. Lodosa J.I. duten azterketako laginetan aukerarik politena. Etiketa-araua urratzen du: ez du adierazten enpresaren osasun erregistroa (R.S.I.).
  • Dastatze proban, 6,9 puntuz, gehien gustatu zaizkienen artean: aldekoak: “samurra”, “zukutsua”, “kolorea”; aurkakoak: “itxura” eta “hazi asko”.

Carretilla

  • /imgs/20070201/img.pimientos.03.jpg
  • “Pikillo piper osoak, Estra”.
  • Pisu xukatuaren prezioa: 10,06 euro kiloko.
  • 290 gramoko kristalezko flaskoa. Etiketa-araua urratzen du: ez du adierazten enpresaren osasun erregistroa (R.S.I.). Piperrik handien (ia 25 gramoko aleak, batez beste) eta gazienetakoen artekoak. Azalera kiskali gutxien daukatenak.
  • Dastatze proban, 5,9 puntu: aldekoak: “zukutsua”, “zaporea”, “itxura”; aurkakoak: “gogor samarra” eta “zapore motel samarra”.

Bonduelle

  • /imgs/20070201/img.pimientos.04.jpg
  • “Pikillo piper osoak, Estra”
  • Pisu xukatuaren prezioa: 7,61 euro kiloko.
  • 290 gramoko kristalezko flaskoa. Etiketa-araua urratzen du: ez du adierazten enpresaren osasun erregistroa (R.S.I.).
  • Dastatze proban, 5,1 puntu: aldekoak: “kolorea”, “mamitsutasuna”; aurkakoak: “geza”, “gogor samarra” eta “hazi asko”.

J. Vela

  • /imgs/20070201/img.pimientos.05.jpg
  • “Egurrez erretako pikillo piperrak, Estra”
  • Pisu xukatuaren prezioa: 10,98 euro kiloko.
  • 290 gramoko kristalezko flaskoa. Etiketa-araua urratzen du: ez du adierazten ikuspen-eremu berean informazio osoa. Piperrik handien (25 gramoko alea, batez beste) eta ez gatzik, ez azido zitrikorik ez daukaten bakarrak.
  • Dastatze proban, 4,6 puntu: aldekoak: “itxura”, “zukutsua” eta “zaporea”; aurkakoak: “geza”, “mina” eta “gogorra”.

La Lodosana

  • /imgs/20070201/img.pimientos.06.jpg
  • “Egurrez erretako pikillo piperrak, Estra”
  • Pisu xukatuaren prezioa: 10,98 euro kiloko.
  • 290 gramoko kristalezko flaskoa. Etiketa-araua urratzen du: ez du adierazten ikuspen-eremu berean informazio osoa. Piperrik handien (25 gramoko alea, batez beste) eta ez gatzik, ez azido zitrikorik ez daukaten bakarrak.
  • Dastatze proban, 4,6 puntu: aldekoak: “itxura”, “zukutsua” eta “zaporea”; aurkakoak: “geza”, “mina” eta “gogorra”.

Señorío de Sarriá

  • /imgs/20070201/img.pimientos.07.jpg
  • “Pikillo piper osoak, Estra”
  • Pisu xukatuaren prezioa: 11,34 euro kiloko.
  • 450 gramoko kristalezko flaskoa. Etiketa-araua urratzen du: ez du adierazten enpresaren osasun erregistroa (R.S.I.).
  • Dastatze proban, 5,9 puntu: aldekoak: “suabea”, “zukutsua”, “zaporetsua”, “kolorea”, “mina”; aurkakoak: “gogorra” eta “geza”.

El Navarrico

  • /imgs/20070201/img.pimientos.08.jpg
  • “Lodosako pikillo piper osoak, Estra”
  • Pisu xukatuaren prezioa: 16,01 euro kiloko (denetan garestienak).
  • 220 gramoko kristalezko flaskoa. Etiketa-araua ozta-ozta urratzen du: azal kiskaliaren proportzioa legezkoa baino handiagoa da (zentimetro karratu bat ehun gramoko). Dastatze proban, 6,6 puntu (gogokoenetako bat): aldekoak: “min samarra”, “zukutsua”, “kolorea”; aurkakoak: “mina” eta “tanto beltzak”.