Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Informazio honetan agertzen diren datu, informazio, interpretazio eta kalifikazioak haiek egin ziren uneari dagozkio, eta, beraz, denbora mugatuz daude indarrean.

Segurtasuna ikastetxeetan: Espainia osoko 208 ikastegi aztertu dira : Lau ikastetxetik batek ez du segurtasun proba gainditu

Suteak atzematea eta larrialdi planak, ahulgune. Azterturiko ikastetxeen erdiek segurtasun azterketako probaren bat gainditu gabe utzi dute baina, dena den, bost urteotan egoera hobetu egin da

Larrialdi plana eta simulakroak: gabeziak, oraino

Botikina zentro guztiek daukate baina erizaindegia %12k soilik dute (Bilbon bisitatu direnak, nabarmentzekoak: %92k du erizaindegia). Hori baino kezkagarriagoa, inondik ere: indarrean dagoen Araudiak xedaturiko segurtasun. larrialdi edota ebakuazio planik ere ikastetxeen %6k ez dutela aitortu dute (2003 urtean %21 izan zenez, hobetu egin da). Horren helburua, egoera arriskutsu bati (suteari, uholdeari, gas edo erregaien ihesari, etxearen eraispenari), aurre egiteko urratsak finkatzea da, gizakiek eta ondasunek ahalik eta kalte gutxien jasan dezaten. Plan horretan, alarma edo larrialdirik gertatzekotan nola jardun behar den finkatzen duten aginduak sartzen dira. Alacanten azterturiko lau ikastetxetik batean ez zegoen idatzirik larrialdi plan hori eta Valentzian proportzioa %17raino iristen zen.

Plana berrikusteari dagokiola, ikastegien %87k 2007 urtean egina zeukala esan zuen eta %6k, berriz, 2006 urtean. Dena den, zentroen %7k onartu zuen: azken hiru urteetan, gutxienez, ez zuen horrelakorik egin. Horri gehitu behar zaio zentroen %5ek (Iruñekoen hirutik batek, Kordobakoen %18k eta Madrilgoen %14k) diotenez, beren larrialdi plana zaharkitua dago eta ez dagokio egungo instalazio edo ezaugarriei. Segurtasun-politika zuzen batean sartzen da, ikasturtean behin, gutxienez, larrialdietako ebakuazio-ariketa bat egitea, tokia ebakuatzeko arauak eta bideak gogoratzeko eta, gainera, ikasturte bakoitzean zentro horretan larrialdi plana inondik ere ezagutzen ez duten ikasle eta irakasleak sartzen direlako. Horrenbestez, simulakroak lehen hiruhilekoan egitea komeni da.

Zentroen %13 onartu zuen sute eta bestelako larrialdien simulakrotik egiten ez dutela; egoera kezkagarria bada ere, 2003 urtekoaren aldean hobetu egin da: orduan irregulartasun horretan bizi zirela ikastegien %37k onartzen zuen. Horiek ez ezik, sei zentrotik batek aitortu zuen ebakuazio-ariketa planifikatzeko, arduradunen artean aurretiazko bilerarik egin gabe zegoela; hamar zentrotik bederatzik, baina, bete beharreko argibideak idatziz ematen dizkiete ikasleei (2003an proportzio hori hamarretik hiru baino ez zen). Ikastegien %5ek (2003 urtean, %10) ez dituzte sartu langile guztiak larrialdi edo ebakuazio planean.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak