Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Informazio honetan agertzen diren datu, informazio, interpretazio eta kalifikazioak haiek egin ziren uneari dagozkio, eta, beraz, denbora mugatuz daude indarrean.

Espainiako 18 hiritako 133 igerileku estali aztertu dira : Kopuruz, eskas; erabiltzailearentzako informazioa, dezente hobetu beharrekoa

Maila orokorra ona bada ere, lau igerilekutako batean ez zaio igerilariari jakinarazten uraren egoera eta kalitatearen berri

Tarifak: Sevilla eta Malaga, gainerakoetatik urrun

Hiri guztietako -Malaga eta Sevillakoak izan ezik- titulartasun publikoko igerileku estalkietarako erabilera bakarreko txartela dute. Horren prezioa, ordea, biziki eskuragarria ez denez (lau euro kostatzen da, batez beste), merkeago gertatzen da erabilera-abonuak hartzea (eguneko sartze edo bainu kopuruaren araberakoak). Eguneko sarreren prezioaz ari garela, igerileku ekonomikoenak Oviedo, Valentzia eta Gasteizkoak dira (txartelaren prezioa hiru eurotik beherakoa da). Bartzelonan, aldiz, udal igerilekuetarako eguneko sarreren batez besteko prezioa 8 euroraino doa (horrelaxe kostatu zitzaien CONSUMER EROSKI-ko kolaboratzaileei, erabiltzaile gisa, bisitaturiko hamar udal igerilekuetara sartzea).

Hileko bonoak (30 erabilerakoak) ohikoagoak direnez, erabiltzaileari ia 50 euroko aurrezkia eragiten diote, batez beste: hortaz, eguneko bainua 1,7 euro inguru kostatzen da. Aldeak doaz 83,3 (Valladolid), 80 (Granada) eta ia 60 euroetatik (Valentzia) 27,5 euro eskasetaraino (Murtzia).

Oinarrizko higienea igerilekuan

  • Bai igerilekuan bertan, bai aldagelan ere, erabil itzazu beti gomazko zapatila edo txankletak, birus eta onddoen bidezko infekzioak edota larruazaleko alterazioak prebenitzeko.
  • Erabil ezazu beti bainu-txanoa, ile luzea baldin badaukazu, batik bat (toki askotan erabiltzea derrigorrezkoa da). Konjuntibitisik ez nozitzeko, egokiena uretan betaurrekoak erabiltzea.
  • Bainatu aurretik eta ondoren dutxa hartzeak germenak eta partikulak (kremak, ileak, izerdia, etab.) suntsitzen laguntzen du. Horiek horrela, organismoa tenperatura berrira egokitu behar dugu. Bainatu aurretik dutxatzea arautegi gehientsuenek xedatua dute; bainu ondoan dutxa askotxok aholkatzen dute.
  • Uretatik irtetean saia zaitez ongi lehortzen, behatzen arteko tarteak eta larruazalaren tolesturak bereziki zainduz. Otitisik ez izateko, berriz, lehortu ongi-ongi belarriak bainatu ondoren.
  • Txankletak, toallak eta bainu-txanoa pertsonal-pertsonalak direnez, nork berea bakarrik baliatu behar du beti.
  • Igerilekuan zorabioak eta digestio-etenak maiz nozitzen direnez, zerbait jan ondoren edo ariketa bizi-bizian jardun ondotik hobe da tarte bat egotea uretan sartu gabe eta zuhurtziaz jokatzea.
  • Ez irentsi igerilekuko urik, ezta ahoan daukazuna ere.
  • Azkenik, ez ahaztu: igerilekuetako baldintza higieniko-sanitarioak bertako erabiltzaileek baldintzatzen dituzte. Hortaz, izan zaitez arduratsu, bete itzazu arauak.

Seguruago senti zaitez…

  • Argi ibili pulunpekin:</ egiaztatu, pulunpa egin aurretik, toki horretako sakonera eta uretan beste norbait dabilen.
  • Ez utzi behin ere umeak bakarrik, ez galdu bistatik, igerian badakite ere. Igerian ez badakite, beren adinera egokitutako dispositiboa (flotagailua, mahukak, etc.) eduki behar dute, segurtasun neurriak betetzen dituena. Ez utzi korrika ibiltzen ur ertzean, eror edo labain ez daitezen.
  • Igerian ongi ez badakizu ez zaitez sar gerritik goragoko uretan. Bete zorrotz neurri guztiak.
  • Umeentzako igerilekuak eta helduentzakoak bereiz egon behar dute, toki desberdinetan, umeak helduen igerilekuan nahita edo ezustean sar ez daitezen.
  • Kontuz umeei gerrian ipintzen zaizkien “ahate” moduko flotagailuekin: baliteke irauli eta umeak buelta ematen ez asmatzea. Egiazta ezazu material guztia Batasun Europarrak homologatua dagoela eta umearen adinari egokitua.
  • Izan zaitez zorrotz igerilekuko egoera higieniko-sanitarioarekin: atzeman dezakezun zeinahi anomalia jakinaraz iezaiezu arduradunei.
  • Bete itzazu igerilekua erabiltzeko arauak, obeditu sorosleen aginduak.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak