Gama ertaineko telefono mugikorrak

Funtzio gehiegi ote?

Deiak egin eta mezuak igortzean, denek antzeko funtzionamendua agertu dute; erantsitako funtzionen kopuru eta kalitateak konpratatzean azaldu dira batetik besterako aldeak
1 urria de 2006
Img analisis 2 listado 152

Funtzio gehiegi ote?

Espainian telefono mugikorrak pertsonak baino ugariagoak dira. Biztanle bakoitzeko zelular bat izaki, urte gutxiren bueltan herritar gehienek mugikor berria erosteko erronka dute aurrean eta aukeraketa, izan, ez da lan erraza: kontsumitzailea itotzen duten aukera teknologikoetako asko seguruenik ez ziren existitu ere egiten aurreko aparatua erosi zuenean. Egungo mugikorrak benetako esku-ordenagailuak dira, geroz eta funtzio gehiago dituzte, gehienetan horien berri ez badugu eta, esan beharrik ez, erabiltzen ez baditugu ere.

/imgs/20061001/img.analisis2.01.jpg Azterketa honetan gama ertaineko zortzi terminal ikusi ditugu; hauek, gama altukoak bezala, deiak egin eta mezuak bidaltzea aski duenarentzat ez dira egokiak. Aurrerakuntzaren bila dabilenak, berriz, geroz eta prezio txikiagoan ditu merkatuan argazki eta bideo-kameraz hornitutako terminalak, MP3 moduan musika erreproduzitzeko gauza direnak, irratidunak, agenda eta egutegiak, kalitate handiko jokoak eta beste hamaika osagarriz hornituak: telefonoz hitz egitea, hitz batez, bigarren mailako funtzioa da horrelakoez.

Gama ertaineko GSM motako (bigarren generazioko) zazpi telefono mugikor eta, GSM ez ezik, UMTS ere (hirugarren generaziokoa) den beste bat ere aztertu dira oraingoan. Horien prezioak 91 euroetatik (Sharp GX17) 294 euroetara doaz (Motorola U6). Kontsumitzailea dendan eros dezake telefono librea (beste zeinahi etxetresna elektrikoren antzera), aurre-ordaintzeko txartelduna (operadoreak subentzionatua dagoenez, konpainia horrekin bakarrik erabil dezake) edo kontratu bidezkoa (operadoreak subentzio handiagoa ematen dio erabiltzaileari baina, ordainetan, honek bertan hainbat hilabetez iraun behar du gutxieneko kontsumo jakin bat eginez). Sharp GX17, Alcatel GlamPhone ELLE eta Samsung ZV10 laginek operadorearen subentzioa dute (aurre-ordaintzeko txartela). Aztertu diren mugikor libre denetan merkeena Motorola L6 da (146 euro).

Kalitatea eta prezioaren arteko erlaziorik egokiena Nokia 6103 laginak ematen du: 200 euro kostatzen delarik, funtzio gehien eta hoberenak eskaintzen dituenetako bat da baina, horregatik beharbada, autonomia motzena dutenetako bat ere bera da. Merkeena, Sharp GX17 (91 euro, subentzionatua) aski da (are gehiegi ere) oinarrizko funtzioak bakarrik baliatzen dituenarentzat.

Zortzi mugikor hauek bere kargadore eta bateriaz hornituak daude salgai. Bestetik, Motorola L6 laginak izan ezik, denek dauzkate guztiz osagarri baliagarriak, hala nola “eskuak libre” kita (Nokia eta Samsung), beste karkasa bat (Sony Ericsson), kanpoko memoria-txartela (Nokia 6230i), uhala (Motorola U6, Alcatel eta Samsung) eta ordenagailuarekin konektatzeko kablea (Motorola U6 eta Samsung). Osagarri gehien dituen mugikorra Samsung SGH-ZV10 da.

Egun osoan aldean eramaten den objektuak arin eta txikia behar du izan. Motorola L6 da denetan txikiena (112,8×50,1×11,5 mm) eta arinenetako bat (88,8 g); horrez gainera, oso laua denez, patrikan erosotasun handiz eramaten da. Sharp GX17 aurrekoa baino %30 handi eta arinxeagoa da (84 g). Samsung SGH-ZV10, aldiz, denetan astunena (117g) eta handiena da (txikienaren bi halako). Erabiltzaile askok ez dute nahi antena-muturrik kanpoan agertzea: aztertu ditugun zortzietatik, Nokia 6103 eta Samsung SGH-ZV10 laginek bakarrik daukate kanpoko antena.

Ia mundu osoan

Zortzi mugikor hauek hiru bandadun dira, hots, Espainian erabiltzen diren 900 MHz eta 1.800 MHz-tako frekuentzi bandetan ez ezik, 1.900 MHz (ohikoa beste hainbat herrialdetan, hala nola AEB-n) bandan ere funtziona dezakete. Horri esker, GSM azpiegitura (mundu osoan gehien zabaldua dagoen telefonia mugikorreko estandarra) duen zeinahi herrialdetan erabil ditzakegu denak.

Zazpi aparaturen bateriak ion-litioz osatuak daude baina Sony Ericsson Z520i laginak LI-Polymer-ezkoa da (hobea, printzipioz). Kargatzeko zenbat denbora behar duten egiaztatzeko, beteria guztiak erabat deskargaturik (aurretiaz bitan kargatu eta deskargatu ziren) eta pantailan “karga osatua” esakunea agertu arteko denbora kronometratu zen. Gutxienez ordu eta erdia behar izan zuen lagin batek (Nokia 6230i) eta ia hiru ordu beste batek (Alcatel ELLE). Itxarote-autonomiari dagokiola, bateriak kargaturik, mugikor guztiak piztuta utzi ziren, inolako funtziorik egin gabe, itzali arte. Denetan hoberena Nokia 6103 izan zen (320 ordu) eta gutxien iraun zuena Alcatel (195 ordu). Bestela ere neurtu zen autonomia: ziklo arrunt bat simulatuz, alegia, hamar minutuko deia egin, SMS bat bidali eta 50 minutuko itxaronaldia egin zen. Itxarotean gutxien irauten duenak (Nokia 6103) 12 orduko erabilera baizik ez du; ondotik Sony Ericsson datorkio (14 ordu eta erdi). Samsung (24 ordu eta erdi) eta Motorola L6 (23 ordu eta erdi) laginek iraun zuten gehien. Gainerakoak 20 ordu inguruan ibili ziren.

Mugikor hauen pantailak koloretakoak dira (horregatik ere dute energia-kontsumo handia). Nokia 6103, Sony Ericsson Z520i, Motorola U6, Alcatel ELLE eta Samsung SGH-ZV10 laginen pantailak estalkia daukatenez, lagin hauek beste pantaila bat ere badaukate kanpoan, bertan oinarrizko datuak soilik agertzen direlarik: bateriaren egoera, ordua, data, etab. Barneko pantailez ari garela, Alcatel eta Motorola L6 laginenak CSTN ziren (txarragoak) eta gainerakoak TFT. Pantailaren tamaina funtsezko faktorea da, aparatuak, telefonoz hitz egiteaz gainera, ematen dituen aukera anitzak gogoan izaki: Interneten nabigatzea, jolasean ibiltzea, agenda kudeatzea& Denetan handienak Sharp eta Motorola U6 laginenak dira; dena dela, Sharp-ena handiena bada ere, zehazmen urrienekoa da eta bertan agertzen den irudia ez da ikusten gainerakoetan bezain garbi. Zehazmen hobereneko pantaila Nokia 6230i laginarena da, ondotik Motorola U6 eta Samsung ZV10 datozkiola (azken bi hauek bakarrik dira gauza 256.000 kolore erakusteko; gainerakoek 65.000 baino ez dute agertzen).

Barne-memoria

Zortzi mugikorrek daukaten barne-memorian gorde daitezke agendako kontaktuak, soinuak, argazkiak eta bideoak. Edukiera handiena Samsung laginarenak dauka (50Mb). Ondotik Nokia 6230i datorkio, 32 Mb-rekin, baina bera da 512 Mb-ko edukierako MMC memoriaren kanpo-txartela sartzeko arrakala daukan bakarra. Gainerakoen memoriak 16 Mb-etatik (Sony Ericsson) 1,4 Mb-era doaz (Sharp): horixe da antzinako diskete batek zeukan edukiera.

Mugikorren artean artxiboak (agendako kontaktuak, irudiak, doinuak, bideoak&) trukatzeko edota terminala ordenagailuari eransteko gauza dira egun hainbat teknologia. Alcatel ELLE laginak infragorriak bakarrik dauzka (teknologia zaharkitu eta deserosoa). Nokia markako biak, Sony Ericsson, Sharp eta Samsung laginek, infragorriez gainera, USB ere ematen dute, ordenagailuarekin konektatzeko (horrela egin daiteke gure informazioaren segurtasun-kopia baliagarria, terminala galduko den beldurrez), eta Bluetooth (irrati-uhin bidezko sistema honek metro batzuetarako helmena du eta era guztietako dispositiboak konektatzeko balio du. Motorola U6 USB eta Bluetooth bidez konektatzen da (infragorri bidez, ez).

Nokia markako biek eta Motorola L6-k Push To Talk (PTT, “hitz egiteko, sakatzea”) bideratzen dute. Sistema hori esker, mugikor sareen bidez dei egin daiteke, hilean kopuru finko bat ordainduta (tarifa laua) walky-talkie batekin arituko balitz bezala. Arazoa: metodo hori beste herrialde batzuetan ohi-ohikoa den arren, Espainian operatzaile bakar batek ez dio zerbitzu hori eskaintzen erabiltzaile domestikoari.

Argazki kamera

Nokia 6230i-k dauka hoberena, 1,3 megapixelekoa; gainerakoen zehazmenak ez du 0,3 megapixel. Bideoa, berriz, zortzi mugikorrek egin eta erreproduzi dezakete baina Sony Ericsson, Nokia 6230i eta Samsung bakarrik dira gauza streaming egiteko (deskargatzen ari den bitartean bideoa erreproduzitzea, alegia: horrek esan nahiko luke, praktikan, telebista saioak ikus litezkeela, operatzaileak bide emango balu). Samsung-ek bideokonferentzia eskaintzen du; gogoan izan dezagun berau dela hirugarren generazioko (UMTS) aparatu bakarra: horren bertute nabarmenena datuak transmititzeko abiadura itzela da (bideokonferentziaz aritzeko, ezinbestekoa).

Audioaz ari garela, zazpi laginetan graba daiteke ahotsa (ez, horrela, Motorola L6-n); Nokia 6230i-k FM irratia eta MP3-erako musika erreproduktorea dauka. MP3 sisteman doinuak erreproduzitzeko aukera Samsung eta Sony Ericson-ek ere badaukate. Sharp da eskuak libre sistema ez daukan bakarra. Aurikularrak, berriz, zortziekin erabil daitezke baina horien konektoreak, tamalez, ez dira estandarrak.

Aparatuek aparteko funtzio mordoxka bat daukate: jokoak, alarmak, erlojua, egutegia, birdeitze automatikoa, dei-murrizketak& Ia denak dauzkate zortziek ere. Funtzio horien guztien zerrenda ikusteko, jo www.consumer.es orrira.

Funtzio behinena, komunikazioa

Zona baten estaldura-gradua antena emisoretik bertara dagoen distantziaren arabera aldatzen bada ere, mugikor guztiek gune jakin batean estaldura baliagarria berdin-berdin aprobetxatzen al dute? Datu hori neurtzeko mugikor guztiak estaldura ertaineko gune batean eta estaldura urriko beste batean probatu ziren, denetan operatzaile berarekin arituz. Toki berean Motorola markako biek, Nokia 6103 eta Sony Ericsson Z520i laginek gainerakoek baino estaldura hobea zeukatela adierazi zuten; Samsung eta Sharp-ek gutxixeago adierazi zuten.

Adierazitako estaldura-graduan agertzen diren alde horiek, ordea, ez dute esan nahi komunikazioa kalitate hobe edo okerragokoa izango den. Hasteko, deia eginez gero, komunikazioa eten ez dela egiten egiaztatu zen (zelular guztiek “bikain” nota eraman zuten); ondoren, estaldura handi, ertain eta txikiko tokietan soinuaren garbitasuna eta hotsa neurtu ziren. Motorola U6 da positiboki nabarmendu den lagin bakarra, komunikazio-kalitate hobea daukalako gainerakoek baino. Beste mugikorrek antzeko emaitzak agertu zituzten, on-onak denek.

Deia ia aditzen ez dutelako kexu dabiltza erabiltzaile asko. Hortaz, ozenago jotzen duten aparatua nahiago izaten dute. Lagin hauetan tonua erregula daiteke. Nokia 6103 da txirrin ozenena daukana (78 dB), ondotik Sony Ericsson Z520i (77 dB) eta Motorola L6 (75 dB) datozkiola. Sharp 60 dB-etan geratu da, ozenenetik urruti samar (dezibelioen eskala logaritmikoa denez, 20 dB ez da 10 dB-ren bikoa, hamar aldiz gehiago baizik). Zortziek erreproduzitzen dituzte tonu polifoniko eta errealak.

Mugikorraren txirrina entzun behar ez denean (zineman, adibidez) deia jasotzeko bibragailua aukeratu ohi du erabiltzaileak baina funtzio hori egiaz isila ote da? Ez dirudi oso isila denik, izan ere: mugikor guztiek, bibrazioan, marmarra baino hots handiagoa egiten dute (30 dB). Bibragailurik isilena Nokia 6103 da (31 dB), ondotik Motorola U6 (32 dB) datorkiola. Ozenenak, aldiz, Motorola L6 (45 dB) eta Sharp GX17 (42 dB). Paradoxa bat dugu hemen: Nokia 6103 laginak dauka txirrinik ozenena eta bibragailurik isilena; Sharp-ek, aldiz, tonurik apalena baino bibrazio ozenenetako bat.

Erabilera proba

/imgs/20061001/img.analisis2.02.jpg Laborategiko balorazio objektiboez haratago, ekipo horietaz erabiltzaileek nolako iritzia zuten ezagutzea zen helburuetako bat. Horretarako, sei erabiltzaile adituk mugikor bakoitzaren hogei bat ezaugarri baloratu zituzten, 1etik 10era arte. Zelular guztiak gustatu bazitzaizkien ere, bazen batetik besterako alderik. Denetan hoberena Samsung ZV10 (hirugarren generazioko bakarra) izan zenez, 8,5 puntu eman zitzaizkion; ondoren Nokia 6103 eta Sony Ericsson Z520i zetozen (8,2na puntuz). Zortzi puntuetara iritsi ez ziren Sharp GX17 (7,4), Alcatel ELLE (7,5) eta Motorola L6 (7,6).

Ezaugarririk konbentzionalenetan (deitzea eta mezu normal zein multimedia igortzea, alegia) zortziei eman zitzaizkien antzeko kalifikazioak. Aparteko funtzioen kopuru eta kalitateagatik (jokoak, irudiaren kalitatea, etc.) Samsung nabarmendu zen. Alcatel laginak eraman zuen kalifikazio apal samarraren errua (7,5 puntu) pantailaren berritasunean datza, itzalita dagoenean ispilua baita. Ezaugarri hori bihurtu zen erabiltzaileen kritiken bilgunea. Itzalita dagoenean, tarteka, hondoko argitasun urdinxka higuingarria ematen du. Sharp GX17 lagina ez zitzaien gustatu bere kanpoko itxura eta bukaeragatik (6,8 puntu), teklatuaren neurriagatik (6,7 puntu) eta bateria eta SIM txartela aldatzeko erraztasunagatik (6,8 puntu). Gainerako ekipoen balorazioak uniforme eta egokiak izan ziren (7 eta 8,5 puntu bitartekoak).

Zortzi aparatuek dauzkate argibide liburua eta egin beharreko segurtasuneko ohartarazpenak baina haien erdien bermeak ez daude zuzen, bi urte eskaintzen ez dituztelako: Nokia markako biek eta Sony Ericsson-ek, pieza osagarrien bermea urtebete baizik ez dela diote; Samsung-ek, berriz, urtebetea ematen du ekipoarentzat eta sei hilabete bateriarentzat. Berme-agiriek diotena gorabehera, ekipo, bateria eta pieza osagarri guztiek bi urteko bermea dute; dena den, aurreneko sei hilabeteak igarotakoan, aparatu jatorriz akastuna zela erosleak frogatu beharko du.

Erresistentziaz eta segurtasunaz

Telefono mugikorra ere erori egin daitekeenez, laborategiak aparatu bakoitza iraulketa-upelean sartu zuen eta, bertan, eguneroko bizimoduan gerta daitezkeen pareko berrogeita hamar eroriko simulatu ziren. Lagin bakar bat ere ez zen hondatu.

Energia-maila arriskutsua denean ere, karga elektrikoa duten atalak behar bezain ongi isolatuak daudela erakutsi zuten aparatuek. Berotze anormala pairatu ondorengo funtzionamendu-testa ere gainditu zuten, ez sukartu ziren eta ez ziren erabiltzaileentzat arriskutsu bihurtu ere. Kargadoreen plastikoaren kalitatea behar bezain ona denez, beroaren aurrean erresistente dira (hori beharrezkoa dute, funtzioak hala aginduta).

Areago, kargadoreak haritzezko azalera lau baten kontra hirutan jaurti ziren baina ez zen kalterik gertatu. Era berean, erabiltzaileak kontaktuz edo aire bidez (ekaitza denean, adibidez) elektrizitate estatikoaren deskarga probokatzen duenean ere komunikazioa ez da eteten eta ekipoek ez dute kalte iraunkor edo iragankorrik nozitzen.

Emititzen duten erradiazioaz, berriz, arauak baimentzen duen energia-xurgatze espezifikoaren indize altuena 2,0 W/kg da; parametro horrek, gorputz-ehunaren masa unitateko xurgatzen den energi kopurua neurtzen du. Lagin denek gainditu zuten proba, arauak onetsitako gehieneko horretara gerturatu gabe baina Nokia markako biak, Alcatel ELLE eta Samsung (0,7W/Kg) gainerakoak baino hobeak dira, frogatu bezala.

Laburbilduz eta Konparaketako taula

Laburbilduz

  • Gama ertaineko GSM motako zazpi telefono mugikor eta, GSM ez ezik, UMTS ere (hirugarren generaziokoa) den beste bat ere aztertu dira oraingoan. Horien prezioak 91 euroetatik (Sharp GX17) 294 euroetara doaz (Motorola U6). Sharp GX17, Alcatel ELLE eta Samsung ZV10 (azterlaneko UMTS bakarra) operatzaileak subentzionatuta daude.
  • Zortzi laginetan komunikazioaren kalitatea antzekoa da, egokia, baina Motorola U6 laginean hobea. Txirrinik altuena eta bibragailurik isilena Nokia 6103-k dauzka; txirrinik isilena eta bibraziorik onenenetako bat, berriz, Sharp GX17-k.
  • Segurtasun-probak (50 eroriko nozitu ondoren ere hondamenik ez dutela egiaztatu zen) zortzi ekipoek eta hauen kargadoreek gainditu zituzten. Nokia markako bien, Sony Ericsson-en eta Samsung Z520i-ren bermeak ez daude zuzen.
  • Mugikorrik handien eta astunena Samsung ZV10 da; txikien eta arinenak, aldiz, Sharp GX17 eta Motolora L6. Pantaila handienak Sharp GX17 eta Motorola U6 laginenak eta txikienak Sony Ericsson eta Nokia 6103-enak. Kargatzeko denbora gutxien behar duen bateria Nokia 6230i (90 min) eta gehien behar duena Alcatel ELLE (180 min). Itxarote moduan gehien irauten duen bateria Nokia 6103 laginarena da. Erabileran, Motorola L6 eta Samsung ZV10-ek gehiago iraun zuten eta Nokia 610-k gutxiago.
  • Zortziekin ere egin daitezke deiak atzerritik (hiru bandadunak dira) eta argazkiak eta bideo egiteko kamera daukate denek. Nokia markako biek dauzkate funtzio gehien; gutxien dauzkatenak, berriz, Alcatel ELLE eta Sharp GX17. Alcaltel-ek infragorri bidezko konexioa baizik ez du eskaintzen; gainerakoek, Bluetooth, USB edo biak.
  • Erabilera proban denak ongi baloratu dira. Gehien gustatu dena Samsung ZV10 da (8,5 puntu, 10ekiko) eta apalenak Sharp GX17 (7,4), Alcatel ELLE (7,5) eta Motorola L6 (7,6).
  • Kalitatea eta prezioaren arteko erlazio egokiena Nokia 6103 (200 euro, librea) laginak ematen du. Beste aukera polit bat da Sharp GX17, denetan merkeena (91 euro, subentzionatua), erabiltzaile gehienen premiak ederki asetzen ditu-eta mugikor honek.
Marka/Modeloa Nokia 6103 Sharp GX17 Nokia 6230i Motorola L6
Prezioa (euro) 202,33 91,25 256,67 145,67
Pisua (g) 99,2 84,3 97,5 88,8
Neurriak (mm) (altuera x zabalera x sakonera) 94 x 45,1 x 24,1 106,4 x 45,8 x 17,3 103,3 x 44,1 x 20,2 112,8 x 50,1 x 11,5
Frekuentzi bandak EGSM 900, GSM 900, 1800, 1900 EGSM, GSM 900, 1800, 1900 EGSM 900,GSM 1800, 1900 GSM, 900, 1800, 1900
Teknologia GSM, GPRS GSM, GPRS GSM, GPRS GSM, GPRS
SAR (W/Kg) 0,7 belarrira 0,813 belarrira 0,7 belarrira 1,33 belarrira
Kanpo ala barne-antena Kanpokoa Barrukoa Barrukoa Barrukoa
Bateriaren ezaugarriak
Bateriaren osaketa Li-ion Li-ion Li-ion Li-ion
Kargatzeko denbora 2h 2 h 1h 30″ 2h 26″
Autonuamia itxarotean (orduak) 320 245 275 215
Autonuamia deian 2h 10″ 3h 30″ 3h 40″ 4h 20″
Autonomoa erabileran 10 h 15 h 15h 50″ 19h 10″
Deitze-funtzioak
Markatze azkarra BAI BAI BAI BAI
Markatze finkoa BAI EZ BAI BAI
Zeinahi teklak erantzun BAI BAI BAI BAI
Dei-erregistroa Eginiko dei kopurua 20 10 20 10
Jasotako dei kopurua 20 10 20 10
Galdutako dei kopurua 20 10 20 10
Pantaila nagusia Neurriak (mm) 27×20,2 30,1×39,7 30,4×30,4 29×35,8
Zehazmena (pixeles) 20.480 19.200 43.264 20.480
Kolore kopurua 65K 65K 65K 65K
Pantaila mota TFT TFT TFT CSTN
Ordua eta eguna ikusterik Ordua Biak Ordua Ordua
Bigarren pantaila zehazmena 6.240 NA NA NA
Kolore kopurua 4096 NA NA NA
Pantaila mota NI NA NA NA
Ordua eta eguna ikusterik Ordua NA NA NA
Memoria
Barne-memoriaren edukiera (MB) 4,2 1,4 32 10
Kanpo-memoria txartela NA NA NA NA
Datuak
Konektibitatea Serie / USB BAI BAI BAI BAI
Bluetooth BAI BAI BAI BAI
Infragorriak BAI BAI BAI EZ
UMTS EZ EZ EZ EZ
PTT BAI EZ BAI BAI
Mezularitza
SMS Entrega-txostenak BAI BAI BAI BAI
Hiztegi prediktibo edo idazketa-metodoak BAI BAI BAI BAI
Mezu-txantiloiak BAI BAI BAI BAI
EMS (edo SMS irudiekin) BAI EZ BAI BAI
MMS Entrega-txostena BAI BAI BAI BAI
Bideo, argazki, irudi eta soinuak igortzerik BAI (denak) BAI (denak) BAI (denak) BAI (denak)
Bideo, argazki, irudi eta soinuak igortzerik BAI BAI BAI BAI
Multiertaina edukiera
Kamera
Kamera BAI BAI BAI BAI
Zehazmena VGA VGA 1,3 megap VGA
Irudiaren gehieneko tamaina 640×48 640×480 1280×960 640×480
Zooma / Handipen-kopurua EZ BAI/4x BAI/3x BAI/4x
Bideoa
Bideoa grabatzea BAI BAI BAI BAI
Bideoa erreproduzitzea BAI BAI BAI BAI
Streaming bideoa (egiazko denboran) EZ EZ BAI EZ
Bideoa-conferencia EZ EZ EZ EZ
Audioa
Txirrin motak (tonuak) Polifonikoak eta errealak Polifonikoak eta errealak Polifonikoak eta errealak Polifonikoak eta errealak
FM irratia BAI EZ BAI EZ
MP3 erreproduzigailua -2 EZ EZ BAI EZ
Ahotsa / denbora grabatzea (adierazia) BAI/5 min. BAI/30 s BAI/1 h. EZ
Ahotsezko komandoak BAI EZ BAI BAI
Ahotsezko markatzea BAI EZ BAI BAI
Eskuak libre bozgorailua BAI EZ BAI BAI
Bestelako prestazioak
Agendako kontaktuak 500 NI 1000 500
Ohar-bloka BAI EZ BAI EZ
Zereginen zerrenda BAI EZ BAI EZ
Teklatua blokeatzea BAI BAI BAI BAI
Bateria gastatuaren alarma BAI BAI BAI BAI
Moneta-bihurgailua BAI BAI BAI BAI
Kronometroa BAI EZ BAI EZ
Tenporizadorea BAI EZ BAI EZ
Jolasak / Jolas kopurua BAI/3 BAI/3 BAI/3 BAI/3
Karkasa trukagarriak EZ EZ BAI EZ
Komunikazioaren kalitatea
Estaldura altuan Garbitasuna 8 8 8 8
Hotsa 8 8 7 8
Estaldura ertainean Garbitasuna 8 8 8 8
Hotsa 8 8 8 8
Estaldura apalean Garbitasuna 8 7 8 6
Hotsa 8 8 7 7
Estaldura maila
Ertaina (%) 75 50 57,14 80
Apala (%) 25 25 28,57 20
Soinua
Tonua (db) 78,1 60,4 71 75,4
Bibrazioa (db) 31,2 42 37,2 44,6
Erabilera proba (1 – 10) 8,2 7,4 8 7,6
Marka/Modeloa Sony Ericsson Z520i Samsung ZV10 Alcatel GlamPhone ELLE Motorola U6
Prezioa (euro) 204 201,33 159 294
Pisua (gramos) 96,2 116,9 92,8 111,1
Neurriak (mm) (altuera x zabalera x sakonera) 100,6 x 46,1 x 25,1 103,5 x 47,2 x 26,5 92,4 x 46,6 x 23,2 87,3 x 49 x 22,4
Frekuentzi bandak GSM 850,900, 1800, 1900 GSM 1900,900, 1800 GSM 900, 1800, 1900 GSM 850,900, 1800,1900
Teknologia GSM, GPRS UMTS, GSM, GPRS GSM, GPRS GSM, GPRS
SAR (W/Kg) 0,962 belarrira 0,77 belarrira, 0,659 soinera 0,72 belarrira, 1,06 soinera 0,8 belarrira, 0,51 soinera
Kanpo ala barne-antena Barrukoa Kanpokoa Barrukoa Barrukoa
Bateriaren ezaugarriak
Bateriaren osaketa Li-Polymer Li-ion Li-ion Li-ion
Kargatzeko denbora 2h 23″ 2 h 2h 52″ 2h 10″
Autonuamia itxarotean (orduak) 218 280 195 270
Autonuamia deian Autonuamia itxarotean 2h 50″ 4h 30″ 4h 3h 50″
Autonomoa erabileran 11h 40″ 20 h 17h 30″ 16h 40″
Deitze-funtzioak
Markatze azkarra BAI BAI EZ BAI
Markatze finkoa BAI BAI BAI BAI
Zeinahi teklak erantzun EZ BAI BAI BAI
Dei-erregistroa Nº llamadas neurriak 30, hiruren artean 30 5 10
Pantaila nagusia 30 5 10
Kolore kopurua 30 5 10
Pantaila nagusia Neurriak (mm) 17,5×21,2 28,7×35,5 27,9×35,1 31×38,1
zehazmena (pixeles) 20.480 38.720 20.480 38.720
Kolore kopurua 65K 256K 65K 256K
Pantaila mota TFT TFT CSTN TFT
Ordua eta eguna ikusterik? Biak Biak Biak Biak
Bigarren pantaila zehazmena 8.080 5.120 20.480 5
Kolore kopurua 4096 65K NI NA
Pantaila mota CSTN OLED NI BAI
Ordua eta eguna ikusterik Biak Ordua Ordua NA
Memoria
Barne-memoriaren edukiera (MB) 16 50 3 10
Kanpo-memoria txartela NA NA NA NA
Datuak
Konektibitatea Serie / USB BAI BAI EZ BAI
Bluetooth BAI BAI EZ BAI
Infragorriak BAI BAI BAI EZ
UMTS EZ BAI EZ EZ
PTT EZ EZ EZ EZ
Mezularitza
SMS Entrega-txostenak BAI BAI BAI BAI
Hiztegi prediktibo edo idazketa-metodoak BAI BAI BAI BAI
Mezu-txantiloiak BAI BAI BAI BAI
EMS (edo SMS irudiekin) BAI EZ EZ BAI
MMS Entrega-txostena BAI BAI BAI BAI
Bideo, argazki, irudi eta soinuak igortzerik BAI (denak) BAI (denak) BAI (denak) BAI (denak)
DiapoBAItiba gisa aurkezterik BAI BAI BAI BAI
Multiertaina edukiera
Kamera
Kamera BAI BAI BAI BAI
zehazmena VGA VGA VGA VGA
Irudiaren gehieneko tamaina 1280×960 640×480 640×480 640×480
Zooma / Handipen-kopurua BAI/4x BAI BAI BAI/4x
Bideoa
Bideoa grabatzea BAI BAI BAI BAI
Bideoa erreproduzitzea BAI BAI BAI BAI
Streaming bideoa (egiazko denboran) BAI BAI EZ EZ
Bideokonferentzia EZ BAI EZ EZ
Audioa
Txirrin motak (tonuak) Polifonikoak eta errealak Polifonikoak eta errealak Polifonikoak eta errealak Polifonikoak eta errealak
FM irratia EZ EZ EZ EZ
MP3 erreproduzigailua BAI BAI EZ EZ
Ahotsa / denbora grabatzea (adierazia) BAI/20 min. BAI/1 h. BAI/NI BAI/NI
Ahotsezko komandoak BAI EZ BAI BAI
Ahotsezko markatzea BAI EZ EZ BAI
Eskuak libre bozgorailua BAI BAI BAI BAI
Bestelako prestazioak
Agendako kontaktuak 500 1000 500 1000
Ohar-bloka BAI EZ EZ BAI
Zereginen zerrenda BAI BAI EZ EZ
Teklatua blokeatzea EZ EZ EZ BAI
Bateria gastatuaren alarma BAI BAI BAI BAI
Moneta-bihurgailua EZ BAI BAI EZ
Kronometroa BAI EZ EZ EZ
Tenporizadorea BAI EZ EZ EZ
Jolasak / Jolas kopurua BAI/3 BAI/6 BAI/0 BAI/1
Karkasa trukagarriak EZ EZ EZ EZ
Komunikazioaren kalitatea

Estaldura altuan

Garbitasuna 8 8 7 9
Hotsa 8 8 7 9
Estaldura ertainean Garbitasuna 8 8 8 9
Hotsa 8 7 8 9
Estaldura apalean Garbitasuna 8 8 8 9
Hotsa 8 8 8 9
Estaldura maila
Ertaina (%) 80 50 60 80
Apala (%) 20 516,7 20 20
Soinua
Tonua (db) 77,2 72,3 68,1 68,3
Bibrazioa (db) 34,8 35,8 37 32
Erabilera proba (1 – 10) 8,2 8,5 7,5 8

Banan-banan

Banan-banan

NOKIA 6103

/imgs/20061001/img.analisis2-movil1.jpg
202,33 euro.
Librea.
Kalitatea eta prezioaren arteko erlazio egokiena.
Bermea ez dago zuzen, pieza osagarrientzat urtebetea ematen baitu, legezko bien ordez. Kanpoko antena. Pantaila nagusi txikienetako bat. Itxarote-autonomia luzeena (320 ordu) baina laburrena erabileran (12 ordu). Ongi osatua funtzioen aldetik. Txirrinik ozenena (78 dB) eta bibraziorik isilena (31 dB).
Erabilera proba: 8,2 puntu 10ekiko; hoberenetan bigarrena.

SHARP GX17

/imgs/20061001/img.analisis2-movil2.jpg
91,25 euro, denetan merkeena. Subentzionatua.
Aukera polita, honakoa ere, funtzio gehiegiren bila ez doanarentzat. Denetan arinena eta txikienetako bat. Pantaila nagusi handiena baina bereizmen urrikoa.
Edukiera txikieneko barne-memoria (1,4 MB). Txirrinik isilenetako bat (60,4 db) eta bibragailurik ozenena (42 dB).
Erabilera proba: 7,4 puntu, 10ekiko: balorazio kaskarrena. Diseinua eta teklatuaren neurririk txarrenak; bateria eta SIM txartela aldatzeko erraztasun eskasa.

NOKIA 6230i

/imgs/20061001/img.analisis2-movil3.jpg
256,7 euro, bigarren garestiena. Librea.
Bermea ez dago zuzen, pieza osagarrientzat urtebetea ematen baitu, legezko bien ordez. Kargatzeko denbora gutxien behar duena (90 min).
Bereizmen handieneko pantaila eta argazki kamera (1,3 megapixel). Kanpoko memoria-txartela daukan bakarra (512 MB-rainokoa). Irratia eta MP3-erako irakurgailuaz hornitua.
Erabilera proba: 8 puntu, 10ekiko.

MOTOROLA L6

/imgs/20061001/img.analisis2-movil4.jpg
145,67 euro. Librea.
Denetan txikiena, arinenetako bat mehe-mehea. Erabilera-autonomia luzeenetan bigarrena.
Txirrinik ozenenetako bat eta bibragailurik ozenena (45 dB).
Erabilera proba: 7,6 puntu, 10ekiko; txarrenetako bat.

SONY ERICSSON Z520i

/imgs/20061001/img.analisis2-movil5.jpg
204 euro. Librea.
Bermea ez dago zuzen, pieza osagarrientzat urtebetea ematen baitu, legezko bien ordez. Pantailarik txikiena. Li-Polymer-ezko bateria daukan bakarra (hoberena). Txirrinik ozenenetako bat (77 dB). Badauka MP3erako erreproduzigailua.
Erabilera proba: 8,2 puntu, 10ekiko, bigarren hoberena.

SAMSUNG SGH-ZV10

/imgs/20061001/img.analisis2-movil6.jpg
201,33 euro. Subentzionatua.
Bermea ez dago zuzen, ekipoarentzat urtebetea eta bateriarentzat sei hilabete ematen baitu, legezko bien ordez. UMTS (3G) teknologia daukan bakarra; beraz, bideokonferentzia daukan bakarra eta datu-transferentzia azkarrena egitea ahalbideratzen duena. denetan astun eta handiena. Kanpo-antena. Erabileran autonomia luzeenekoa. Pantailako bereizmen hoberenetan bigarrena, kolore gehien erakusten dituztenetako bat. Edukiera handieneko barne-memoria (50 Mm). MP3 erreproduzigailua.
Erabilera proba: 8,5 puntu, 10ekiko: funtzioengatik eta erabiltzeko erraztasunagatik, hoberena.

ALCATEL GLAMPHONE ELLE

/imgs/20061001/img.analisis2-movil7.jpg
159 euro. Subentzionatua.
Kargatzeko denbora gehien behar duen bateria eta itxarotean autonomia laburrena ematen duena. Ez du USB konektorea, ezta Bluetooth ere (infragorriak baizik ez). Funtzio gutxien dauzkana.
Erabilera proba: 7,5 puntu, 10ekiko; txarrenetako bat bere ispiludun pantailagatik, arras deserosoa baita.

MOTOROLA U6

/imgs/20061001/img.analisis2-movil8.jpg
294 euro, denetan garestiena. Librea.
Astunenetako bat (111,1 g). Pantailarik handienetako bat, bereizmen hoberenekoa eta kolore gehien agertzen dituena. Komunikazioaren kalitate onagatik nabarmentzen den bakarra. Bibragailuaren hotsa motelenetako bat da (32 dB).
Erabilera proba: 8 puntu, 10ekiko.