Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

Etxeko fakturak : Araudia errespetatzen dute, baina erabiltzailearengan pentsatu gabe

Etxeko gastuak ahal den neurrian murriztea erabakitzen dugunean, horietan zenbait menderaezin direla ohartzen gara, adibidez elektrizitate, ur, gas eta telefoniarena

Ura

Etxeko uraren hornidurak oso prezio desberdinak ditu hiri batetik bestera. Erabiltzailearen hiriko enpresaren arabera izaten dira prezioak eta bezeroak ezin du hornitzailea aukeratu. Horrenbestez, hiruhileko faktura honetan aurreztu ahal izateko, ura arretaz eta zentzu erabili beharra dago.

Inbertsio kuota: estolderia edo azpiegitura hidraulikoen mantentze-lanetarako.

Uraren fakturaren gure analisia Aljarafesa (Sevilla)

Araudia betetzen du. Bezeroaren arretarako zerbitzua, 9:00-21:00. Fakturak ez dira erakargarria, monotonoak baizik, ez baitute kolore eta kontrasterik. Fakturazioa xehetasunez desglosaturik dago, baina zenbateko bat ere ez da ageri eurotan. Fakturatu diren kontzeptuei buruzko azalpena falta da. Argitasun gutxi eta fakturaren beheko zatian letra txiki-txikia. Web gunerik eta e-mailik ez. Ez da ageri inongo epealditako batez besteko kontsumorik. Ez dago azken urteetako kontsumoaren historiala jasotzen duen grafikorik.

Aigües de Barcelona Araudia betetzen du. Faktura xehetasunez desglosaturik, baina azken zenbatekoa bakarrik ageri da eurotan. Bezeroaren arretarako telefonoaren ordutegia: 8:00-20:00, baina matxuren telefonoak 24 orduz funtzionatzen du. Bezeroaren arretari buruzko informazioa fakturaren atzeko aldean dakar. Diseinua ez da oso erakargarria, ez baitarabil kolorerik eta kontzeptuak bereizteko koadrorik. Ez du fakturatzen diren kontzeptuei buruzko informazio eta azalpenik ematen. Web gunerik eta e-mailik ez. Ez du eskaintzen epealdiren bateko batez besteko kontsumorik eta kontsumoaren historiala biltzen duen grafikorik.

Emalgesa (Algeciras) Araudia betetzen du. Faktura xehetasunez desglosaturik, baina azken zenbatekoa bakarrik ageri da eurotan. Atzeko aldean, ordainketari buruzko informazioa eta kontadoreari buruzko aholkuak. Diseinua ez da oso erakargarria. Letra txikia eta irakurtzeko zaila. Fakturatu diren kontzeptuei buruzko azalpena falta da. Web gunerik eta e-mailik ez. Ez du eskaintzen epealdiren bateko batez besteko kontsumorik eta kontsumoaren historiala biltzen duen grafikorik. Faktura ez da oso erakargarria. Bezeroaren arretarako zerbitzuari buruzko informaziorik ez.

Kostua kalkulatzeko

Bi tarifa mota daude: etxekoa eta industriala. Aztertu dugun fakturan etxeko tarifa ageri da eta bloketan bereizten da. Uraren prezioak gora egiten du bloke bakoitza gainditu ahala eta ur larregi erabiltzea zigortu egiten da.

  • Zerbitzu kuota: kopuru finkoa, etxebizitzara ura daraman hodi nagusiaren kalibrearen (diametroaren) arabera. Kasu honetan, bereiztu egin dira hornidura (etxean sartzen den ura) eta saneamendua (hustubidetik doan ura). Hornidura: 2.538 pta. Saneamendua: 2.106 pta.
  • Kontsumo kuota: kontsumoaren araberakoa. Zatituta ager daiteke: hornidura eta saneamendua.
  • Hornidura: I blokea; 20 m3 (kontsumitu den kopurua) x 33 pta. (m3-ren prezioa, enpresak finkatzen duena) = 660 pta. II. blokea: 13 m3 (I. blokean onartutako kopurua gainditzen duena) x 100,5 pta. (II. blokeko m3-aren prezioa) =1.307 pta.
  • Saneamendua: I blokea; 20 m3 (kontsumitu den kopurua) x 23,5 pta. (m3-aren prezioa, enpresa hornitzailea finkatzen duena) = 470 pta. II. blokea: 13 m3 (I. blokean onarturiko kopurua gainditzen duena) x 73,5 pta. (II. Blokeko m3-aren prezioa) = 949 pta.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak