Saltatu nabigazio-menua eta joan edukira

EROSKI CONSUMER, kontsumitzailearen egunkaria

Bilatzailea

Fundazioaren logotipoa

EROSKI CONSUMERen kanalak


Kokaleku honetan zaude: Azala > Papereko argitalpena >

Los datos, informaciones, interpretaciones y calificaciones que aparecen en esta información corresponden exclusivamente al momento en que se realizaron y tienen, por tanto, una vigencia limitada.

Inkesta egin diegu 1.600 jatetxeri baino gehiagori, alergikoentzat menu berezirik prestatzen duten edo ez jakiteko : Alergikoentzako menuak: jatetxeen % 7ak soilik eskaintzen dituzte

Gehienetan, zeliakoentzako platerak eskaintzen dituzte, eta lautik batek baino ez alergikoentzat (batik bat, arrautza edo itsaskia jan ezin dutenentzat)

Informazio urria

Funtsezkoa da jatetxeek informazioa eman dezaten eta bezeroei jakinaraz diezaieten era horretako menuak izaten dituztela. Beste zenbait arrazoiren artean, informazio falta da, hain zuzen, menu berezi horiek kontsumitzeko aukera murrizten duen alderdietako bat. Informaziorik ezean, jendeak etxean prestatuta eraman ohi du otordua norabait joaten denean, edo menu mugatuak eskaintzen dituzten lekuetara joaten dira (sagardotegiak, garagardotegiak…), non errazago kontrola baitaiteke zer jaten den.

Informazioa beti ez da eskuragarri egoten, eta ageri denean ere, ez da izaten guztiz argia, zeren menu guztiek ez baitute zerrendatzen zer-nolako osagaiak dituzten edo zer markatako produktuak erabili dituzten. EROSKI CONSUMERek ikusi du jatetxeek ez dutela behar adina informazio ematen. Inkesta egiterakoan, arduradunei galdetu zaie non azaltzen ote diren menu berezien xehetasunak. Bestetik, jatetxeen % 52tan adierazi dute karta orokorrean daudela, % 22k nabarmendu dute karta berezi bat daukatela horientzat eta % 11k esan dute web-orrian eskura daitekeela menu edo plater berezi horien inguruko informazioa. Inkestan parte hartu duten jatetxeen % 5etan, aldiz, inon ez dute ematen menu berezi horien zehaztapenik, eta % 4k jakinarazi dute ahoz azaltzen dietela bezeroei. Azkenik, % 24k soilik jartzen dute ohar bat edo informazio-orriren bat establezimenduaren kanpoaldean.

Neurri zorrotzak hartu behar dira

Alergiak edo intolerantziak dituzten pertsonentzako otorduak prestatzerakoan, arreta berezia jarri beharra dago prozesu guztian. Profesionalek hainbat jarraibide dituzte eskura gaur egun, erraz eta seguru lan egiteko, eta etor daitezkeen arriskuen jakitun izateko. Menu bereziak prestatzeko prozesuak nolakoak izaten diren jakiteko, EROSKI CONSUMERek oinarrizko hiru galdera egin dizkie jatetxe horietako arduradunei. Lehenik eta behin, galdekatu ditugun jatetxeen % 86ek adierazi dute alergenoen inguruko oharrak edo aipamenak dituzten elikagaiak erosten dituztela. Balear uharteetan eta Nafarroan dago hedatuen joera hori (jatetxe guztiek egiten dute hala). Soilik 13 jatetxetan ez dituzte erosten gisa horretakoak.

Biltegiratzeari dagokionez, elikagaia bereziak gainerakoetatik bereizita gordetzen ote dituzten galdetu dugu jatetxeetan, gomendio hori funtsezkoa delako kutsadura gurutzatua saihesteko (adibidez, glutenik gabeko elikagaiak ez daitezen kutsatu ogi-birrinarekin edo irinarekin). Jatetxeen % 92k adierazi dute halaxe egiten dutela (Andaluzian, Katalunian eta Nafarroan galdekatu ditugun guztiek). Zazpitan soilik ez dituzte bereizten (Galiziako hirutan, Valentziako Erkidegoko bitan eta Balear uharteetako eta Euskal Autonomia Erkidegoko banatan); beste bitan, berriz, ez diote erantzun galdera horri.

Azkenik, elikagaiak non prestatzen dituzten ere galdetu zaie, menu bereziak ez baitira gainerako platerekin batera prestatzekoak, ezta tresna berak erabilita ere. Jatetxeen % 93k ziurtatu dute gainerako jakietatik bereizita manipulatzen dituztela (hala egiten dute Andaluzian, Balearretan, Katalunian eta Valentziako Erkidegoan erantzun diguten guztiek). Prestatu ere aparteko plantxa eta parrilletan egiten dituzte % 92k, aparteko ontziteria eta tresnak erabiliz.

Jokabide egokiak

EROSKI CONSUMERek 12 jatetxe bisitatu ditu, eta bertatik bertara ikusi du nola lan egiten duten elikadura-alergiak edo -intolerantziak dituzten pertsonentzako menu edo plater bereziak eskaintzen dituzten jatetxe horiek. Arreta bereziz aztertu dugu ea aintzat hartzen dituzten Elikadura Arloko Kataluniako Agentziak egindako eskuliburuan ageri diren aholku eta oharrak (“Los alérgenos alimentarios en la restauración colectiva” izena du lan horrek) eta Alergiak eta intolerantziak izeneko dokumentuak ematen dituenak (Espainiako Hezkuntza, Gizarte Politika eta Kiroletako Ministerioak egina da, Europako Gizarte Funtsarekin batera).

Menua

  • Menu bereziak planifikatu: bisitatu ditugun sei jatetxek zeliakoentzako modukoak eskaintzen dituzte; hiruk laktosarekiko intolerantzia dutenentzat; beste hiruk fruitu lehorrak jan ezin dituztenentzat; eta beste bik, arrautzak, itsaskiak eta lekaleak jan ezin dituztenentzat. Bost jatetxek adierazi dute karta edo menuak egokitu edo moldatu egiten dituztela.
  • Jaki bakoitzaren fitxa eduki, osagaien zerrendarekin: 6 jatetxek soilik frogatu dute dokumentu hori daukatela.

Lehengaien hornitzaileak eta biltegiratzea

  • Galdetu hornitzaileei produktuek alergenorik baduten: erdiek soilik adierazi dute beti eskatzen dutela informazioa, baina bakar batek ere ez du eskatzen alergenorik ez dagoela ziurtatzen duen agiri idatzia.
  • Egiaztatu produktu bakoitzaren etiketa: Aztertu ditugun 11 jatetxek egiten dute beti, osagai alergenorik baden edo ez jakiteko.
  • Gainerako jakietatik bereiz gorde alergiak edo intolerantziak dituztenentzako produktuak, ontzi itxietan: bisitatu ditugun jatetxeen erdiek soilik daukate leku berezi bat horiek gordetzeko, nahiz eta hamarrek sartzen dituzten ontzi itxietan.
  • Etiketa bereizgarri bat jarri, ez nahasteko: Bederatzi jatetxek egiten dute.

Platerak prestatu eta zerbitzatu

  • Gainazal bereizietan manipulatu menu berezietarako jakiak: Halaxe egiten dute aztertu ditugun zortzi jatetxek. Gainerakoek baieztatu dutenez, garbitu eta desinfektatu egiten dituzte gainazalak erabili aurretik, baina gainerako jakiak prestatzen dituzten une berean prestatzen dituzte menu bereziak ere.
  • Aparteko tresnak eduki, kutsadura gurutzatua saihesteko: Era horretan jokatzen dute aztertu ditugun zortzi jatetxek; beste laurek ez dute tresna espezifikorik erabiltzen, baina oso ongi garbitzen dituzte erabili aurretik.
  • Gatzaren eta espezien ontziak ez daitezela izan eskua sartzeko aukera ematen dutenak: Bisitatu ditugunetatik, zortzik betetzen dute aholku hori.
  • Ez ukitu beste elikagai batzuk elikadura-alergia edo -intolerantzia duen norbaitentzako platera prestatu bitartean: Guztiek egiten dute.
  • Ez frijitu edo egosi elikagaiak lehendik beste jaki batzuk frijitzeko edo egosteko erabili den oliotan edo uretan: Guztiek egiten dute.
  • Prest dagoenean, platera babestu egin behar da eta seinale bereizgarriren bat jarri: prestatu eta berehala zerbitzatzen dutela esan digute hamar jatetxetan.
  • Arduradun bat eduki, plater berezia behar duen bezeroarengana iritsi dela egiaztatzeko, inolako hutsegiterik gabe: Bisitatu ditugunetatik, zortzik eduki dute.

Eduki honen barruko orrialdekatzea

Hau interesa dakizuke:

Infografiak | Argazkiak | Ikerketak