Saltar o menú de navegación e ir ao contido

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Actualidade e lecer > Tema de portada

^

Os datos, informacións, interpretacións e cualificacións que aparecen nesta información corresponden exclusivamente ao momento en que se realizaron e teñen, xa que logo, unha vixencia limitada.

Análise documental para coñecer a situación da fame no mundo e como lles afecta aos nenos: Unha de cada nove persoas no noso planeta ten fame

No mundo hai 795 millóns de persoas que non contan con suficientes alimentos para levaren unha vida saudable e activa, 216 millóns menos ca en 1990

Balance: compromisos e realidade

Compromisos internacionais

 

Neste ano 2015 farase balance e comprobarase se se cumpriron os dous compromisos internacionais na loita contra a fame.

O primeiro concretouse en 1996 en Roma, no Cume Mundial sobre a Alimentación (CMA). Representantes de 182 gobernos comprometéronse a "erradicar a fame en todos os países, co obxectivo inmediato de reducir á metade o número de persoas desnutridas, non máis tarde do ano 2015".

O segundo refírese ao primeiro obxectivo de desenvolvemento do milenio (ODM 1), acordado en 2000 por 189 nacións. Entre as súas metas estaba a de "reducir á metade a proporción de persoas que padecen fame para o ano 2015".

Obxectivos incumpridos

Arredor de 795 millóns de persoas no mundo non contan con suficientes alimentos para levaren unha vida saudable e activa. Isto significa que unha de cada nove persoas pasa fame no noso planeta. Velaquí unha das conclusións principais do informe "Estado da inseguridade alimentaria no mundo 2015", publicado pola FAO, a WFP e a FIDA (Fondo Internacional de Desenvolvemento Agrícola).

En liñas xerais, non se cumpriron os obxectivos internacionais establecidos. No ano 1990, había máis de 1000 millóns de persoas que pasaban fame, e esta cifra diminuíu en 216 millóns. Ademais, se se deixa a un lado o dato bruto e se se ten en conta a porcentaxe, a proporción de persoas subalimentadas respecto da poboación (o que chaman prevalencia da subalimentación) reduciuse do 19 % en 1990 ata o 11 % das estimacións entre 2014 e 2016.

Os factores que, segundo o informe, impediron uns resultados mellores teñen que ver con cuestións económicas (a volatilidade dos prezos dos produtos, o encarecemento xeral dos alimentos e da enerxía, as crecentes taxas de desemprego e as recesións económicas globais de finais da década de 1990 e dos anos posteriores a 2008), climáticas (fenómenos meteorolóxicos extremos e catástrofes naturais cada vez máis habituais) e políticas (a inestabilidade política e os conflitos civís provocaron un aumento sen precedentes de persoas desprazadas).

Aínda así, hai que ter en conta que, a pesar do aumento da poboación mundial en 1900 millóns de persoas, a prevalencia da subalimentación reduciuse un 42 % en todo o mundo e un 45 % nos países en desenvolvemento.

Neste sentido, merecen unha mención destacada a China e a India, como países grandes e moi poboados. Por si sós, representan o 81 % da redución total do número de persoas subalimentadas das rexións en desenvolvemento entre 1990 e 2015. E só a China supón case dous terzos do total, xa que pasou dos 289 millóns de persoas famentas entre 1990 e 1992 aos preto de 134 millóns das estimacións entre 2014 e 2015.

Mapa da fame no mundo, 2015

TÁBOA COMPARATIVA

NÚMERO E PROPORCIÓN DE PERSOAS CON FAME
2014-2016
Número de persoas subalimentadas (millóns) Proporción de poboación total subalimentadas (%)
REXIÓNS/PAÍSES 2014-16 2014-16
TODO O MUNDO 794,6 10,9
REXIÓNS DESENVOLVIDAS 14,7 < 5,0
REXIÓNS EN DESENVOLVIDAS 779,9 12,9
ÁFRICA 232,5 20,0
AMÉRICA LATINA E O CARIBE 34,3 5,5
ASIA 511,7 12,1
OCEANÍA 1,4 14,2
FONTE: Elaboración propia con datos do informe ?O estado da inseguridade alimentaria no mundo 2015?

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto