Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Alimentación

Λ

Guía de compra legumes: Legumes: un luxo no prato

Malia ser económicos, saborosos e fundamentais para unha dieta equilibrada, o seu consumo está lonxe do recomendado

  De alimento indispensable a prescindible. Este é o camiño que percorreron os legumes ao longo das últimas décadas. Durante moitos anos, feixóns, lentellas e fabas eran as raíñas indiscutibles na cociña da maioría dos fogares. O seu módico prezo e a inestimable achega enerxética que proporcionaban -suficiente mesmo para convertelos en prato único- eran os seus principais atributos.

O eterno sambenito de que comer de culler engorda, a fase previa de "remollo" que esixe a súa elaboración e os molestos gases que producen tras a súa inxestión foron os culpables de acabar co seu reinado. Mentres que na década dos sesenta no noso país se consumían 40 gramos diarios de legumes, nos noventa o consumo caía á metade (20 gramos/día) e na actualidade apenas supera os 12 gramos/día, moi lonxe do recomendado: 30 gramos ao día. Como anécdota, segundo a Fundación Española da Nutrición (FEN) a poboación española consume máis enerxía a partir de bebidas alcohólicas (5%) que de legumes (1,4%). Algo inexplicable nun país que ao longo da súa historia foi un gran consumidor deste alimento.

Para desterrar vellos mitos e malas reputacións inmerecidas os expertos en nutrición recordan que para ter unha dieta equilibrada os legumes son indispensables no menú semanal. Son alimentos que lle proporcionan ao organismo proteínas e hidratos de carbono, a enerxía que necesita o corpo para vivir. O seu consumo frecuente (entre 2 e 4 veces á semana) consegue previr enfermidades cardiovasculares, certos tipos de cancro e diabete.

Os seus beneficios

  Hai un lugar onde os legumes, malia os vaivéns que sufriu o seu consumo, mantiveron o seu reinado intacto: a pirámide da alimentación saudable. Ocupan xunto a cereais, pasta e patacas, unha posición de liderado, a súa base. O motivo? Os seus numerosos beneficios. A súa riqueza en fibra favorece a sensación de saciedade e tamén o tránsito intestinal. Aumentar a sensación de saciedade fai que o control do peso corporal sexa unha tarefa máis doada. A Asociación Americana do Corazón considera que os legumes poden axudar a controlar o peso grazas ao seu efecto saciable. As melloras no tránsito intestinal, pola súa parte preveñen moitas doenzas dixestivas. Pero os beneficios da fibra dietética a partir de alimentos como legumes van máis alá da saciedade ou dos beneficios intestinais. Reducen o risco de que padezamos enfermidades cardiovasculares mediante diferentes mecanismos como a diminución do colesterol. Aínda que hai máis: o Fondo Mundial para a Investigación do Cancro acaba de actualizar as súas recomendacións dietéticas, para afirmar que a fibra dietética prevén o cancro de colon "de xeito convincente". Un rigoroso estudo publicado na revista científica American Journal of Clinical Nutrition en setembro de 2011 concluíu que cada incremento de 10 gramos diarios na inxestión dietética reduce un 7% o risco de cancro de mama (un prato de lentellas ten uns 17 gramos de fibra).

A fibra non é o único nutriente destacable dos legumes: conteñen moi poucas graxas saturadas e moi pouco sodio, son ricos en vitaminas, minerais, proteínas vexetais e substancias antioxidantes. A sinerxía entre estes nutrientes (que gozan de moi boa fama polos seus probados beneficios na saúde) é o que converte os legumes nun dos alimentos con mellor prestixio no ámbito da nutrición humana.

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto