Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Alimentación

Λ

Os máis famosos do mar

  Unha dieta sa e equilibrada require gran variedade de alimentos, entre os que debe estar presente o peixe. De feito, para a dieta mediterránea constitúe unha peza imprescindible. A súa composición nutritiva e o seu valor enerxético difiren segundo o peixe. Polo xeral, o seu consumo contribúe a previr enfermidades, a súa achega calorífica adoita ser moderada e é apto para todas as idades. A auga, as proteínas e as graxas son os nutrientes máis abundantes.

Bacallau

Trátase dun peixe branco e, polo tanto, pouco graxo. A súa carne é rica en proteínas de alto valor biolóxico e, ademais, posúe unha ampla variedade de vitaminas e minerais. No mercado, pode atoparse de diferentes maneiras: fresco, salgado, afumado ou conxelado. As posibilidades de preparar o bacallau son innumerables e tan variadas como a rexión na que se cociñe. Os lombos ou os filetes de bacallau cociñados ao vapor, no microondas, ao forno, frito ou á grella permiten gozar do sabor deste nutritivo peixe. Ademais, admite diferentes salsas de acompañamento e a súa carne ou as partes sobrantes pódense empregar para encher pementos, saborosas croquetas, chulas ou albóndegas. Pode ser un ingrediente para elaborar orixinais ensaladas ou para preparar paella de peixe.

Peixe sapo ou rabada

As especies máis frecuentes son o branco e o avermellado. Tamén é un peixe branco que contén proteínas de alto valor biolóxico. A súa carne é consistente, firme e saborosa e os seus lombos apenas teñen espiñas. O seu sabor é moi apreciado, e pode prepararse á prancha, asado ao forno e ao vapor. As súas posibilidades culinarias son tan amplas como deliciosas e son poucos os alimentos que non encaixan co sabor do peixe sapo, polo que se pode acompañar de calquera gornición.

As colas de peixe sapo son talvez a parte do peixe de maior calidade.

Pescada

Sempre foi un dos peixes preferidos polos consumidores. Trátase dun peixe branco con contido graxo, que achega poucas calorías, moitas proteínas e diferentes vitaminas e minerais.

As súas espiñas retíranse con facilidade e a súa carne é branda, suave e saborosa. Consómese frita, asada ao forno ou á grella, á prancha ou guisada. A cocción ao vapor tamén dá lugar a pratos moi suxestivos. De calquera xeito, a pescada acepta un bo número de acompañamentos, como unhas patacas panadeiras, pementos, cebola, champiñóns, espárragos e moi distintos tipos de salsas, que van dende a salsa verde ata a maionesa. A pescada conxelada, sobre todo en forma de filetes, lombos ou toros, é un produto de grande aceptación, que ofrece excelentes resultados culinarios sempre e cando a desconxelación se realice do modo axeitado (na parte menos fría da neveira).

Mariscos

A sabedoría popular vincúlaos a grandes cantidades de colesterol e, en efecto, é así, pero con matices, porque dentro dos mariscos existen diferenzas. Os moluscos de cuncha (mexillóns, ameixas, navallas...) concentran unha cantidade similar de colesterol ca os peixes, mentres que os crustáceos, incluídas as luras e similares, mostran un contido nada desprezable desta substancia. Non obstante, a capacidade dos mariscos de aumentar o nivel do colesterol sanguíneo é moi inferior á doutros alimentos. A mellor receita para este tipo de alimentos é aquela que conserva o sabor a mar, o sabor real do marisco. Polo tanto, non hai que esconder este delicioso alimento detrás de salsas e refritos. O ideal é gozar do marisco e cociñalo da forma máis natural posible; é dicir, cocido ou á prancha.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto