Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Economía Doméstica

Λ

Grandes beneficios para grandes familias

Os organismos públicos, así como algunhas empresas, bonifican os fogares de máis de tres fillos con descontos e axudas sociais

  As familias numerosas deben afrontar, na maioría dos casos, unhas cargas económicas superiores á media dos fogares. Con tres ou máis nenos na casa, chegar a fin de mes pode ser moi difícil en España. Compras por xunto, organización extrema e plans de lecer baratos son algúns dos hábitos necesarios, aínda que non sempre son suficientes. Conscientes desta realidade, moitos organismos públicos, así como algunhas entidades privadas, bonifican a este colectivo de fogares extensos con diferentes beneficios sociais, axudas e descontos especiais.

Existen 487.354 familias numerosas oficiais en España, é dicir, que teñan o título de Familia Numerosa, segundo os últimos datos do Ministerio de Emprego e Seguridade Social. Estes fogares poden acceder a axudas estatais de carácter xeral, recollidas na Lei 40/2003, de protección ás familias numerosas. Pero, ademais, as casas con máis de tres fillos poden beneficiarse de descontos e vantaxes que ofrecen empresas de distintos sectores, a través do programa denominado Plan+Familia. Para iso é necesario pertencer a algunhas das preto de 80 asociacións locais, provinciais ou autonómicas que forman parte da Federación Española de Familias Numerosas.

EROSKI CONSUMER seleccionou algúns dos descontos e axudas máis interesantes aos que teñen acceso estas familias:

Vivenda e gastos do fogar

  • Acceso á vivenda e IBI: os concellos dos municipios españois benefician as familias numerosas cunha bonificación sobre a cota íntegra do imposto anual que deben aboar pola súa vivenda habitual. Os descontos son diferentes en cada cidade e -en función da renda, número de fillos e do valor catastral da vivenda- poden ser ata o 90%. En calquera caso, é recomendable consultalo antes no concello e solicitalo con tempo. Ademais, as familias con tres fillos ou máis teñen preferencia na adquisición de vivendas de protección oficial (Lei 40/2003, de protección ás familias numerosas).
  • Axuda no fogar: estas familias contan cunha bonificación do 45% das cotas á Seguridade Social se contratan unha persoa para o coidado dos fillos e da casa. Para que as familias con tres ou catro fillos obteñan este beneficio é imprescindible que os dous proxenitores traballen fóra da casa. Aos fogares de categoría especial, a partir de cinco fillos, non se lles esixe ese requisito recollido na Orde da cotización para 2012, do Ministerio de Emprego e Seguridade Social.
  • Bono social na tarifa da electricidade: desde xullo de 2009, as familias numerosas poden solicitar ás distribuidoras de luz e enerxía -coas que teñan contratada unha subministración coa tarifa de último recurso, é dicir, unha potencia máxima de 10 kW- o denominado bono social para consumidores máis desprotexidos. O bono social protexe fronte a futuras subidas da luz, xa que conxela a tarifa.

Educación

  • Universidades: todos os membros de familias numerosas benefícianse dun 50% (xeral) ou 100% (especial) de bonificación na matrícula de estudos de grao e posgrao nas universidades públicas do noso país; así como noutras taxas e servizos académicos, como na matrícula do exame de acceso (selectividade).
  • Acceso a centros públicos ou concertados: a condición de familia numerosa adoita terse en conta entre os criterios que puntúan para a admisión de alumnos. En calquera caso, as normas e os baremos adoitan cambiar cada ano nas distintas comunidades autónomas.

Por iso, convén consultar a información actualizada nas distintas asociacións de familias numerosas rexionais.

  • Escolas oficiais de idiomas: a rede española deste tipo de escola permite os estudantes membros de familias numerosas de categoría xeral beneficiarse dun desconto do 50% nos prezos de matrícula e do 100% en caso de categoría especial.
  • Escolas municipais e conservatorios: a maioría dos concellos españois aplican un desconto do 50% (xeral) e 100% (especial) aos membros de familias numerosas inscritos nas distintas actividades deportivas ou artísticas que se imparten nas diferentes escolas municipais ou conservatorios.

Viaxes e transportes

  •   Trens: Renfe aplica un desconto oficial do 20% para os integrantes de familia numerosa xeral, e do 50% para os de categoría especial en todos os seus servizos de AVE, longa distancia, media distancia, Avant e proximidades. Estas reducións son acumulables con outras bonificacións, coma as habituais rebaixas nos billetes de ida e volta. Unha reivindicación que foi reclamada (e acadada) nos tribunais pola Federación Española de Familias Numerosas.
  • Avións: as compañías aéreas que operan no noso país deben ofrecer unha rebaixa no prezo para voos nacionais do 5% ás familias numerosas de categoría xeral e do 10% para as de categoría especial. En calquera caso, cómpre informarse antes dos requisitos e que o usuario o solicite con antelación á compañía.
  • Autocares: as empresas de autocares de media e longa distancia fan descontos do 20% para familias numerosas de categoría xeral e do 50% para as de categoría especial. Aquí, coma no tren, os descontos son acumulables con outras promocións.

Cultura e ocio familiar

  • Centros de ocio: os zoolóxicos, parques de atraccións e outros lugares de entretemento destinados ao público infantil ofrecen, en ocasións, interesantes descontos para as familias numerosas. O Parque Warner (entre o 10% e o 18% de bonificación), o Zoo de Madrid (entre o 40% ao 50%) ou a Cidade das Artes e as Ciencias (15%) son algúns exemplos destacados.
  • Museos: os membros de familias numerosas poden acceder gratis a determinados museos, como os estatais -segundo o recolle a Lei 40/2003, de protección ás familias numerosas-, entre eles, o Museo Arqueolóxico Nacional, o Centro de Arte Reina Sofía e o Museo do Prado, aínda que neste último é necesario que acuda á visita o grupo familiar composto por, polo menos, un adulto e tres descendentes. No museo Thyssen de Madrid, Picasso de Barcelona, Nacional de Arte de Cataluña e o Museo da Ciencia de Valladolid (de xestión privada) pódense obter descontos de entre o 30% e o 40%.

Plan + Familia

  • Hoteis e axencias de viaxe. O Plan+Familia, da Federación Española de Familias Numerosas, ten en conta outros descontos, acordados con distintas entidades privadas: desde marcas de roupa e compañías de telefonía ata aseguradoras. Dentro desta iniciativa, distintas cadeas hoteleiras rebaixan os seus prezos (entre un 10% e un 15%) aos fogares inscritos nunha das asociacións de familias numerosas do país. Polo mesmo procedemento, algunhas axencias de viaxes deseñan paquetes especiais para as familias máis extensas.

Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto