Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Entrevista

Λ

Jaime del Val, Voceiro da Coordinadora Cidadá en Defensa do Territorio: "A construción é a maior hecatombe ambiental de España"

 Durante o 'boom urbanístico' en España construíronse ao ano tantas vivendas coma en Alemaña, Francia e Gran Bretaña, unha superficie similar a 50.000 campos de fútbol. Velaquí algúns dos datos que ofrece Jaime del Val, voceiro da Coordinadora Cidadá en Defensa do Territorio, o primeiro movemento antiespeculación a nivel estatal. Este polifacético artista madrileño lidera varias organizacións cidadás neste sentido, como Salvemos Mojácar, que contribuíu a paralizar o famoso hotel El Algarrobico en Almería. Del Val denunciou o problema no Parlamento Europeo, onde se sinalou a gravidade das súas consecuencias. Malia a crise, asegura, apóstase polo mesmo modelo "insostible, que pagaremos entre todos co tempo". Por iso, apela á concienciación e á mobilización dos consumidores.

Como afectou a construción e a obra civil ao medio natural en España?

É a maior hecatombe ambiental vivida en España e posiblemente en Europa.

Que datos salientaría?

Nos anos do 'boom' urbanizouse unha superficie equivalente a 50.000 campos de fútbol ao ano, cunha taxa de construción 500% máis alta ca no resto de Europa. Construíronse tantas vivendas ao ano como en Alemaña, Francia e Gran Bretaña xuntas.

Cales son as zonas máis afectadas?

Málaga, Valencia, Alacante, Murcia, a costa catalá, as illas Baleares e a Comunidade de Madrid son os casos máis extremos, pero non se salva ningunha zona. Toda a costa está enladrillada e no interior hai casos ben coñecidos, como Ávila, onde se planificaban megaurbanizacións para 40.000 habitantes, ou enormes parques temáticos como o do deserto dos Monegros, cun efecto "Las Vegas" por todo o territorio.

Tras a crise, reduciuse este impacto?

Non, o estrago é irreversible. No canto de apostar por diversificar a produción séguese o mesmo modelo insostible: medidas como a desgravación por compra, a rebaixa no IVE pola compra de vivenda nova ou milleiros de plans urbanísticos en tramitación por todo o territorio así nolo indican. Prepáraselle o terreo a millóns de novas vivendas cando quedan máis de tres millóns baleiras e millóns aprobadas e pendentes de construír. Un modelo suicida que, amais do estrago ambiental, é a orixe dos problemas asociados á vivenda, a corrupción, a crise económica e o paro.

Coñece algún impacto ambiental concreto?

En Playa Macenas (Mojácar) exterminouse a especie endémica da planta Limonium Estevei co macroproxecto 'Macenas Med Group', posiblemente o máis desvastador da provincia: 1.400 vivendas, dous campos de golf en funcionamento e regados ilegalmente dende hai seis anos e varios hoteis en chan protexido. Está case rematado, aínda que paralizado pola crise. Os recursos que interpuxemos aínda non deron lugar a unha suspensión cautelar.

Vostede estivo no Parlamento Europeo para denunciar este asunto. Que lle responderon?

Tras varios anos aprobouse o informe Auken, que expón os efectos do urbanismo salvaxe en España en todas as súas dimensións. Reflicte boa parte da información que lle enviamos ao Comité de Peticións. É o texto máis contundente que coñezo redactado por unha institución así sobre un país europeo. Chega a suxerir a retirada de fondos de cohesión a España.

Serviu para algo este informe?

Non moito. Non é vinculante e os medios ignorárono pola súa contundencia e porque toca o miolo da corrupción. Esperamos que continúe en novos pronunciamentos do parlamento. Polo menos senta un precedente necesario.

Que poden facer os consumidores?

Tres accións. Unha: ser conscientes desta xigantesca estafa e de como nos sume a todos na crise económica, social, ambiental e democrática. Dous: asumir que enriquecerse a custa de destruír a natureza suporá pagalo entre todos co tempo. Tres: apostar por un aluguer social e non especular co chan e a vivenda.

O hotel El Algarrobico demolerase finalmente?

É posible que se acelere o proceso. Cremos que non poderán recorrer ao Tribunal Supremo cando teñamos a sentenza firme no Tribunal de Granada. Pero son procesos lentos e quedan varios anos por diante. A Junta de Andalucía e o Concello de Carboneras fan o imposible por legalizalo, ao contrario do que lle din á opinión pública.

Que opina da denominada construción sostible?

Non a coñezo abondo, pero só pido que non se use demagoxicamente para disfrazar despropósitos especulativos. En España fai falta unha moratoria total na construción e dedicar durante décadas os orzamentos municipais a desfacer os desaguisados dos últimos 30 anos: verteduras fecais ubicuas, carencias en transporte e espazos públicos, educación e sanidade, etc.

Desde o Ministerio de Agricultura, Alimentación e Medio Ambiente sinalábase a intención de reformar da Lei de costas.

É unha mostra preocupante do intento de relanzar a burbulla inmobiliaria. Frases como "a natureza non debe frear o crecemento económico" son un ataque frontal contra os máis elementais bens comúns. Só cabe a esperanza de intensificar a protesta social. Anunciamos grandes mobilizacións contra estas medidas.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto