Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Saúde

Λ

Operar a miopía: do láser ás lentes intraoculares

A cirurxía con láser permite abandonar as gafas ou as lentes de contacto, ata agora un aparello indispensable para os miopes, e ver con claridade o que antes eran imaxes esvaídas e borrosas

  Liberarse das lentes sen perder nin un chisco de visión é o soño de moitos miopes que viron medrar a súa graduación dende a infancia e que dependen totalmente delas. Na actualidade, a cirurxía con láser está consolidada como tratamento para a miopía e, ademais, xurdiron outras alternativas, como a colocación de distintas lentes intraoculares, para resolver este problema de visión. Un trastorno que afecta a boa parte da sociedade, pois en concreto o 25% da poboación de máis de 40 anos é miope.

Ver as siluetas esvaídas, os rostros borrosos, non captar as súas expresións e non poder ler letreiros pola rúa son algunhas das dificultades máis comúns coas que conviven as persoas miopes. Hai uns anos definíase coa frase coloquial "ter a vista curta", xa que os miopes ven moi ben de preto, pero non de lonxe. As gafas ou as lentes de contacto convértense nun obxecto indispensable para eles. Por iso, moitos deciden operarse para non depender das gafas ou das lentes de contacto.

A miopía relaciónase co tamaño do ollo, coa curvatura da córnea ou coa unha combinación de ambos os dous factores. Un ollo tipo mide uns 24 milímetros de diámetro; se é máis grande, sófrese miopía e, se é máis pequeno, hipermetropía. Tamén se padece miopía cando a córnea, a lente principal do ollo, está máis curvada, ou hipermetropía, se está máis plana. De feito, o obxectivo da cirurxía con láser é aplanar a curvatura da córnea para eliminar a miopía ou abombala máis para corrixir a hipermetropía.

Cirurxía con láser: por que e para quen

A cirurxía con láser (LASIK) dá moi bos resultados en persoas con miopías baixas, cunha graduación de ata 6 dioptrías, aínda que se aplicou en casos de ata as 8, 9 ou 10 dioptrías como máximo. Non obstante, nos últimos anos vénse impondo a tendencia de realizala por baixo das 8 dioptrías, xa que canto máis alta é a miopía peor é a calidade de visión resultante. Nestes momentos, para as graduacións altas hai outras alternativas cirúrxicas.

O LASIK, que ten como finalidade moldear a superficie da córnea para corrixir a miopía, pódese practicar a partir dos 18 anos -aínda que é preferible facelo a partir dos 20-, xa que se se fai antes a curvatura da córnea aínda se está a desenvolver e a graduación pode ir en aumento. Aínda que non hai unha idade máxima para aplicar o láser, o máis habitual é realizala ata os 50 anos e que a partir desta idade (os 50-55 anos) se consideren outras opcións cirúrxicas máis resolutivas.

Antes, durante e despois

  • O preoperatorio: para se someter ao LASIK o paciente debe realizar uns exames nos que se estuda se cumpre os requisitos para operarse e minimizar os riscos desta cirurxía, pois, aínda que ten poucos, é menos se se seleccionan ben os pacientes axeitados. Non se poden beneficiar dela as persoas coa córnea moi delgada ou con moitas dioptrías.
  • A operación: consiste en aplicar un láser de femtosegundo primeiro e o excimer despois. Primeiro, co láser de femtosegundo practícase un corte para levantar o epitelio corneal (tamén chamado flap corneal), que é a pel da córnea. Logo, co láser excimer moldéase a superficie corneal que, no caso da miopía, se rebaixa. O láser non toca o ollo, que permanece aberto. A intervención apenas dura cinco minutos por ollo e adóitanse operar os dous á vez, polo que o acto cirúrxico dura dez minutos. Para que o paciente non sinta dor durante o proceso adminístraselle unha anestesia tópica (gotas).
  • O postoperatorio: dúas horas despois de concluír a cirurxía, o paciente recibe a alta e pode marchar para a casa, cos ollos pechados para evitar molestias e estar máis cómodo. Ao cabo de dúas ou tres horas pode abrilos, aínda que é posible que teña a visión borrosa e sensación de area durante cinco ou seis horas. Non obstante, pouco a pouco recóbrase a visión nítida ata facer vida normal.

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto