Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Medio natural

Λ

Nova etiqueta enerxética para electrodomésticos

Os avances tecnolóxicos fixeron necesaria unha clasificación actualizada sobre a eficiencia de refrixeradores, lavadoras e lavalouzas

  Co novo ano estréanse tamén novas medidas relacionadas coa cualificación enerxética dos electrodomésticos. A coñecida etiqueta con sete cores e sete letras que indica a eficiencia de cada aparello mantén a súa estrutura básica, pero engade novas escalas por riba das actuais ata chegar á A+++ como puntuación máxima. O renovado deseño complétase coa introdución de pictogramas que substitúen o texto e coa incorporación de novos parámetros, como o ruído que fai o aparello ao funcionar ou o gasto en stand by. Aínda que polo de agora conviven coa antiga escala, coñecer as melloras que achega a nova etiquetaxe pode axudar a realizar unha compra máis respectuosa co medio natural. Dende o 30 de novembro os aparello que estean á venda deben catalogarse segundo a nova lexislación da Unión Europea. Pero tamén é posible que algúns establecementos manteñan a antiga escala, xa que as máquinas que se puxeron á venda antes do 1 de decembro coa etiqueta anterior poden incluíla. Xa se pode ver, polo tanto, en lavadoras, lavalouzas e frigoríficos o novo certificado enerxético que clasifica a eficiencia dos electrodomésticos.

Como é a nova etiqueta enerxética

A nova etiquetaxe conserva un deseño similar á anterior. Mantén sete clases enerxéticas e as mesmas cores, dende o verde para simbolizar os electrodomésticos máis eficientes ata o vermello que cualifica os que máis consumen e contaminan.

  • Na parte superior da etiqueta pódese ver o nome do provedor ou marca e a identificación do modelo.
  • Debaixo figuran as clases enerxéticas representadas por letras en frechas de cores.
  • Á dereita desta información, en branco sobre fondo negro, destácase a cualificación do aparello cunha das letras, á altura da puntuación obtida. Se é A+++, situarase a letra no posto máis elevado, mentres que se é A, situarase na metade da escala. Isto permite comparar en que posto se atopa, se está na mellor posición da clasificación, na peor ou na intermedia.
  • Despois amósase o consumo anual de enerxía.
  • Na parte inferior saliéntanse as características máis importantes do aparello por medio de pictogramas. A partir de agora, cómpre incluír a declaración de ruído nos artigos nos que este sexa un factor determinante.

  Entre as novidades, destaca a incorporación de tres clases enerxéticas por riba da A: A+, A++ e A+++, que lle corresponde ao electrodoméstico máis eficiente. A etiqueta será uniforme para os 27 países que forman a Unión Europea, con independencia do idioma, xa que os textos que figuraban ata agora se substituirán por pictogramas. Con estes debuxos, o consumidor poderá coñecer as prestacións do produto, o seu rendemento e as súas características dun xeito máis sinxelo, sen que cumpra traducir a información a todas as linguas oficiais da Unión Europea. De feito, os consumidores que participaron en estudos que probaban a nova etiqueta consideran que esta é máis doada de comprender ca a anterior.

En xeral establécese unha clasificación de sete cores e letras. A máxima puntuación que pode ter un electrodoméstico é A+++, en verde escuro, e irá seguida de A++, A+... ata chegar á letra D en vermello. Pero os aparellos coa etiquetaxe antiga terán como clasificación superior a A+ e a clase menos eficiente será a F.

Quen merque un electrodoméstico, xa que logo, debe saber se este conta coa etiqueta vella ou coa reformada, porque non é posible comparar dous aparellos do mesmo tipo se teñen escalas diferentes.

Que simboliza cada pictograma

Cada electrodoméstico leva un grupo de iconas, que lle dan ao consumidor unha información rápida e comprensible. Son os seguintes:

  • O símbolo dunha billa seguida dun número (2.700) l/annum significa que o aparello consume esta cantidade de auga cada ano.
  • Se se ve un tetrabrik seguido dunha cifra (300 L), quere dicir que esa é a suma do volume de almacenamento de todos os compartimentos.
  • A capacidade de cubertos nunha lavalouza exprésase cun prato, unha copa, culleres, garfos e coitelos a carón do número de pezas que se poden depositar no electrodoméstico.
  • Unha estrela -como a que simboliza a neve nun mapa meteorolóxico- seguida doutras máis pequenas e unha cantidade (120 l) equivale á suma de volume de almacenamento de todos os compartimentos onde se gardan alimentos conxelados.
  • A emisión de ruído simbolízase cunha icona semellante a un altofalante de perfil e ondas de son, cun número debaixo, e exprésase en decibelios.
  • O debuxo dunha camiseta co termo "kg" sobre un número informa sobre a capacidade da lavadora para o programa normalizado de algodón a 60º ou 40º a carga completa.
  • Para dar a coñecer o consumo anual de enerxía non se utilizan debuxos, senón unha cifra e debaixo kWh/ano.

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto