Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Alimentación

Λ

Alerxias alimentarias: Alimentos que dan medo

Recentes estudos aseguran que as alerxias alimentarias entre a poboación infantil e adulta se duplicaron nos últimos dez anos

  Ovos, patacas, verduras, peixe, froitas e leite. Estes alimentos caracterízanse porque forman parte da pirámide nutricional recomendada pola Axencia de Seguridade Alimentaria e Nutrición (AESAN), pero tamén porque son produtos de consumo diario e que causan entre a poboación unha afección que está a aumentar: o informe "Alergolóxica", elaborado pola Sociedade Española de Alergoloxía e Inmunoloxía Clínica (SEAIC), xa advertía no 2009 desta tendencia á alza. En 1992, o 3,6% das persoas que acudían á consulta do alergólogo facíano por este motivo, e no 2005 a cifra era xa do 7,4%. Así e todo, aínda que só unha minoría das reaccións que refire a poboación se confirman cun estudo alergolóxico, estímase que a alerxia a alimentos afecta, a día de hoxe, a un 5% da poboación infantil en idade escolar e ao 8% dos adultos. Así se constata no estudo "EuroPrevall", presentado no Simposio Internacional de Alerxia a Alimentos, baseado no estudo de preto de 100.000 persoas.

Os alimentos que causan máis alerxia

Todos os alimentos poden ser sensibilizantes, é dicir, tras a súa inxestión poden ocasionar unha reacción adversa. Non obstante, a maioría de alerxias están ocasionadas por un reducido número de alimentos. Segundo os resultados de "EuroPrevall", o 35% dos casos está provocado polas froitas frescas, o 22% polos froitos secos, o 14% polas verduras e o 8% polo cacahuete. Os alimentos concretos implicados nas alerxias varían segundo a zona. En España identifícanse os seguintes, ordenados de maior a menor frecuencia: pexego, leite, ovo, melón, gamba, peixe, kiwi, plátano, noz, sandía, cacahuete, mazá, tomate e abelá.

  No centro e norte de Europa, as causantes principais das reaccións son a mazá e o apio. Noutros países como Estados Unidos a manteiga de cacahuete constitúe a terceira causa de alerxia en lactantes. Isto explica por que os alimentos implicados nas reaccións alérxicas son os máis consumidos e por que as diferentes sensibilizacións se detectan, a miúdo, na mesma orde de incorporación dos alimentos á dieta do neno, moi variable entre os diferentes países.

Por esta razón, nos nenos menores de catro anos, os alimentos máis reactivos son o leite de vaca, o ovo e o peixe. A partir de entón, ata os 14 anos, posto que a alerxia a alimentos evoluciona coa idade, é máis frecuente cara a produtos como a mazá, a abelá e o cacahuete.

Alerxia ou intolerancia?

A miúdo a alerxia aos alimentos confúndese coa intolerancia a estes. A diferenza entre unha e outra estriba en que na alerxia hai unha reacción do sistema inmunitario do individuo contra o produto e na intolerancia non. A intolerancia aos alimentos débese a alteracións metabólicas (diminución ou ausencia de encimas) na maioría dos casos. Esas alteracións, de orixe xenética ou adquiridas cos anos, impídenlle a quen as padece a dixestión, asimilación e aproveitamento de certas substancias que conteñen os alimentos. Os síntomas que provocan son diversos: molestias gástricas (flatulencia, diarrea, cólico intestinal), cefalea, sensación de calor. A alerxia aos alimentos sucede cando o sistema inmune reacciona fronte a unha substancia concreta (alérxeno) que a maioría das persoas toleran. O alérxeno é principalmente unha proteína dun alimento co que o afectado entra en contacto por inxestión, contacto ou inhalación. A reacción máis común é a formación de anticorpos IgE (inmunoglobulina E). O proceso que segue este tipo de alerxias é o seguinte: a primeira vez que se inxire o alimento causante de alerxia, o organismo produce as IgE específicas dirixidas contra algunha proteína dese produto. Na seguinte ocasión, os anticorpos reaccionan contra a comida estimulando a fabricación de histamina (substancia que produce o noso corpo en resposta a un dano producido na pel ou nas mucosas, causado por un veleno ou toxina, e que dá lugar a unha reacción inflamatoria) e outras substancias químicas (chamadas mediadores) que causan os síntomas da alerxia.

Etiquetaxe máis segura para alérxenos

 As persoas que sofren algún tipo de alerxia aos alimentos están protexidas por lei cunha directiva que inclúe unha listaxe cos 14 alérxenos alimentarios que desencadean a maior parte das reaccións. Segundo as condicións da normativa, é obrigatorio indicar na etiqueta dos alimentos os grupos responsables da maioría das alerxias na poboación. Por motivos de seguridade no seu consumo, estes alérxenos deben declararse de xeito obrigado na etiqueta ou identificación do produto. Son os seguintes: chícharos de raposo, cereais que conteñan glute (é dicir, trigo, centeo, cebada, avea, espelta, kamut ou as súas variedades híbridas) e produtos derivados, moluscos, marisco, ovos e produtos elaborado a base de ovo, peixe e produtos realizados con peixe, cacahuetes e produtos elaborados a base de cacahuetes, soia e produtos que leven soia, leite e os seus derivados (incluída a lactosa), froitos de casca, apio e produtos derivados, mostaza e produtos derivados. grans de sésamo e anhídrido sulfuroso e sulfitos en concentracións superiores a 10 mg/kg ou 10 mg/litro expresado como SO2.

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto