Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Medio natural

Λ

Lecer sostible: Imos á praia... de xeito ecolóxico

Os cidadáns poden gozar do sol, da area e da auga sen deixaren de ser responsables co medio natural

  Non hai dúbida ningunha: España ten un grande atractivo turístico grazas ás súas 3.000 praias. A conservación destes espazos naturais depende en boa parte do comportamento dos seus visitantes. Por iso canto máis ecolóxicos sexan os hábitos dos cidadáns mellor. Con este fin pódense seguir diversos consellos que contribuirán a reducir o seu impacto ambiental, porque non o esquezamos: está nas mans de todos a conservación e a mellora das praias.

O desprazamento á praia pódese facer co menor impacto ambiental posible. Se é unha viaxe longa o transporte público é a mellor opción. É frecuente que no verán se reforcen as liñas de autobús, tren ou metro que chegan ata as zonas de praia. Agora ben, se se vai utilizar o vehículo privado, hai diversos consellos para reducir o seu efecto contaminante e de paso aforrar cartos: aproveitar ao máximo a capacidade do vehículo (pódese compartir con outras persoas), reducir a velocidade, non abusar do aire acondicionado, etc. En calquera caso, entre todas as combinacións posibles a mellor opción é residir ou veranear preto da praia para poder chegar a pé ou en bicicleta.

Unha vez no destino, o cambio de mentalidade é esencial: nun espazo aberto tan grande como a praia e o mar a capacidade dunha persoa para estragalo pode parecer insignificante, pero non é así. Estas áreas sensibles pódense estragar e converterse en grandes vertedoiros de non as coidarmos e protexermos. Nos seus propios fogares, os consumidores poden levar a cabo unha morea de accións para evitar a degradación dos océanos e das zonas costeiras. A práctica dos tres erres (reducir, reutilizar e reciclar) por parte dos consumidores é determinante para reducir a cantidade de refugallos que poden acabar no mar. Por outra banda, o uso de produtos ecolóxicos ou que utilicen menos fertilizantes limitará o seu impacto no medio. Por exemplo: é posible substituír as bolsas de plástico convencionais por outras biodegradables ou reutilizables, e trátase de facelo non só o día que imos á praia, senón de incorporar o seu uso na rutina cotiá. Ademais, os consumidores que vivan en zonas costeiras poden ser parte activa da conservación e da protección dos ecosistemas mariños e a colaboración coas ONG conservacionistas axudará aos seus responsables a emprender maiores accións.

Xantar na praia de maneira ecolóxica

  Ante un día completo de praia, que por suposto inclúe xantar sobre a toalla ou a hamaca, é recomendable utilizar o clásico cesto de vimbio de pícnic, cestas ou bolsas de tea, xa que nelas se poden levar os utensilios necesarios, sempre reutilizables, e nunca de usar e guindar. Convén ter en conta que aínda que o vidro se pode reciclar, a praia non é a mellor opción para facelo, xa que se rompe pode ser perigoso para a outra xente, que adoita ir descalza.

No que atinxe á comida, esta pódese levar na pota ou en envases específicos reutilizables para os alimentos, e a bebida pódese transportar en termos ou en botellas de aluminio. Os envases de plástico, as botellas e mais as bolsas, teñen un grande impacto ambiental, e por iso hai que evitar a súa utilización, sobre todo na praia. Os mares acumulan cada vez máis refugallos plásticos, que tardan centos de anos en degradarse e que son inxeridos por diversas especies animais que danan o seu corpo ou mesmo lles causan a morte.

O lixo producido durante a xornada require un tratamento respectuoso co contorno. Na praia o xesto de separar para reciclar é outra acción básica. Algunhas praias contan con colectores específicos, pero de non habelos ou se se teñen dúbidas, hai que conservar os residuos xerados ata podelos reciclar do modo axeitado. Neste caso pódense gardar en bolsas biodegradables e xa no fogar facer a conveniente separación segundo a súa natureza: restos orgánicos, plásticos, etc. Outro aspecto que convén lembrar é que as praias non son borralleiros xigantes, así que os fumadores han de evitar guindar as cabichas e a cinza na area, e menos aínda na auga. O mellor consello é non fumar na praia e se finalmente se cae na tentación, o máis apropiado é depositar as cabichas nun cinceiro improvisado e ao finalizar a xornada levalas ao colector. E xa que algunhas persoas que gozan das praias e do sol adoitan facelo escoitando música ou a radio a través de minúsculos aparatos que precisan pilas, é importante advertir que as pilas son un dos residuos máis tóxicos para a natureza, e por iso o mellor consello é gardalas na mochila ou no bolso ata que sexa posible levalas a reciclar.

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto