Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Alimentación

Λ

Consellos para aforrar tempo e cartos na cocina

  Recorrer ao socorrido cátering ou saír xantar ou cear fóra durante as datas máis sinaladas destas festas son algunhas das tendencias que se van impondo aos poucos. Agora ben, aínda hai unha que permanece imbatible: festexar o Nadal de portas para adentro, no fogar. Crebacabezas para confeccionar un menú que satisfaga a todos os padais, para elixir a mantelería ou o lugar onde colocar os familiares máis "problemáticos", se os hai, e, como non, xornadas case maratonianas entre lumes e vitrocerámica para cociñar os pratos son parte das escenas que se repiten durante estas festas.

Para aliviar a carga de "traballo", os cociñeiros de EROSKI CONSUMER confeccionaron unha serie de consellos prácticos e útiles para tirar o máximo rendemento do tempo investido na cociña, e, de paso, axudar a que os menús sexan equilibrados sen que iso repercuta no peto dos consumidores.

Entrantes

  •   No canto de cubrir a mesa de ibéricos, peixes afumados e patés é aconsellable combinalos con torradas impregnadas de xaropes. Deste xeito, acádase un contraste agradable entre o doce e o salgado.
  • Os ingredientes máis graxos poden formar parte de ensaladas. Así, unha ensalada de cogollo con salmón afumado e vinagreta de mandarina é un prato sofisticado e apropiado de realizar nestas datas no que se utiliza, ademais, unha froita de tempada con outro produto máis calorífico como o salmón.
  • Ao elaborar un cóctel de marisco convén acompañalo dalgunhas verduras, leitugas e froitas para que resulte máis dixestivo.
  • O exceso de salsa maionesa e da salsa rosa nos cócteles de marisco convérteos en pesados de dixerir. É posible substituílas por unha mestura de vinagreta suave con certos toques de froitas: así obtense un entrante máis suave, dixestivo e económico.

Peixes

  •   Se se mercan peixes enteiros, como peixe sapo ou pescada, pódese aproveitar a súa cabeza para elaborar un fumet (caldo de peixe) e mesmo é posible reservar as espiñas dos peixes tamén.
  • Cando a opción para cear ou para xantar é a pescada, convén pedirlle ao peixeiro que a limpe de escamas e que a parta, xa sexa en toros ou en lombos. O peixe sapo pódese cortar en toros grosos. Así, é posible gardar as diferentes porcións e conxelalas, de xeito que só se utilicen as pezas que se vaian consumir.
  • Convén cociñar o peixe conxelado en salsa, xa que no proceso de conxelación e desconxelación é frecuente que perda zumes propios do peixe.
  • As sopas de peixe e mais as cremas de marisco gañan intensidade de sabor cando ao se cociñaren dun día para outro e se gardaren despois na neveira, así como os guisos mariñeiros, os chocos ou as luras na súa tinta.
  • Se o peixe se cociña en salsa un día antes de se servir, é preferible deixar que a elaboración sexa sosa de máis, xa que no repouso dun día para outro dentro da neveira, o sabor se concentra e é probable que se salgue en exceso.

Carnes

  •   Unha opción interesante é mercar con antelación a carne que se vaia cociñar en salsa co fin de conxelala. Así e todo, non todas as carnes quedan igual de substanciosas despois de pasar varias semanas no conxelador. Agora ben, a caldeireta ou o estufado de año son carnes que si se poden mercar con antelación, xa que estas carnes, unha vez desconxeladas e cociñadas, resultan moi substanciosas en salsa.
  • Un acompañamento a estas carnes a base dunha salsa demi glacé (unha variación da salsa española), ou ben unha salsa de cogomelos, é un recurso que permite mercar con antelación un produto cun bo resultado final.
  • Con respecto ás gornicións para acompañar as carnes, é recomendable elaborar pequenas ensaladas con diversidade de follas, leituga, escarola, e escarola vermella, lolo roso, etc., que, amais de sumar puntos en decoración, axudan a dixerir os devanditos pratos.
  • Se se elixe a carne de caza, o conxelado é recomendable, xa que permite que rompa a fibra tan dura que teñen estas carnes.
  • Para conxelar calquera tipo de carne é recomendable que as pezas estean limpas e envoltas en pequenas cantidades ou en porcións individuais para que o seu aproveitamento sexa maior.
  • Para desconxelalas, hai que metelas con antelación na neveira, de xeito que non entren en contacto cos zumes que soltan na desconxelación, por exemplo nun escorredoiro cunha bandexa debaixo para que os recolla.

Sobremesas

  •   Son uns dos pratos que máis sobras xeran. Para non as desaproveitar, é posible crear novas sobremesas, como xeado de turrón, mousse de mazapán e utilizar os guirlaches triturados para acompañar as ensaladas, ao igual ca as froitas desecadas.
  • As sobremesas caseiras elaboradas con froitas do tempo, como unha compota de Nadal, unha torta de peras de inverno ou un pudding de castañas, son pratos recomendables dende o punto de vista nutricional e económicos pola utilización de produtos de tempada.

Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto