Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Economía Doméstica

Λ

Elixir e reciclar lámpadas de baixo consumo: Luces e sombras sobre as lámpadas de baixo consumo

A medida que se multiplican os modelos, aumentan as dúbidas dos consumidores sobre que modelo é máis conveniente ou sobre que pasos seguir cando se funde unha lámpada de baixo consumo

  Ninguén dubida das súas bondades: as lámpadas de baixo consumo son boas para o medio natural e para os petos. E as súas vantaxes con respecto ás tradicionais son tan relevantes que nos vindeiros anos substituirán por lei ás que máis enerxía consuman, razón pola que se comercializa un maior número de modelos. Non obstante, a multiplicación da oferta pode xerar confusión no consumidor, que en moitas ocasións non entende a diferenza entre unha lámpada compacta fluorescente ou de queimador halóxeno ou entre unha lámpada CFL con bulbo ou reflectora. A determinación dos vatios é outro dos inconvenientes co que se topan os cidadáns, que non saben que vatios hai que elixir para acadar a mesma luminosidade que coas lámpadas incandescentes de toda a vida. Solucionar estas cuestións e mais outras relacionadas coa maior duración posible e co tratamento que lles debemos proporcionar a estes obxectos ao se fundiren, contribuirá a unha axeitada selección das lámpadas.

Ollo! Non todas son iguais

O uso de lámpadas de baixo consumo será crecente nos vindeiros anos por dous motivos básicos: estes modelos precisan menos enerxía e a súa duración é maior respecto ás convencionais, de xeito que a natureza e a economía dos cidadáns o agradecen. Guiadas por estes beneficios, as institucións marcaron un calendario progresivo de eliminación dos principais modelos de maior consumo, que comezou en setembro do 2009 e que culminará en setembro do 2016.

De acordo a este marco, no mercado pódense atopar dous tipos de luminarias aforradoras: as lámpadas compactas fluorescentes (CFL) e as de queimador halóxeno. As CFL coñécense de xeito máis xenérico como de baixo consumo. En España, utilízanse uns 45 millóns de unidades CFL, segundo datos da Asociación Española de Fabricantes de Iluminación (Anfalum). Ata abril do 2010 podíase conseguir unha destas lámpadas gratuitamente, grazas a unha campaña do Ministerio de Industria (MICYT) e do Instituto para a Diversificación e o Aforro da Enerxía (IDAE). As CFL teñen o mesmo principio de funcionamento ca os tubos fluorescentes, aínda que se fabrican co equipo de arranque instalado. Grazas a iso, poden substituír as incandescentes sen que haxa que cambiar a instalación e proporcionan un rendemento maior: para unha mesma potencia consumida, proporcionan de cinco a dez veces máis fluxo luminoso. Agora ben, aínda que as súas prestacións melloraron nos últimos anos, aínda non acadaron o brillo das convencionais e a súa rapidez de arranque é algo menor.

  As lámpadas de queimador halóxeno aforran menos ca as CFL, pero cun mesmo requirimento de potencia ca as incandescentes (baséanse no seu sistema) proporcionan un 30% máis de fluxo luminoso. Comparadas coas CFL, dan unha luz máis brillante e o seu arranque é inmediato.

Se a prioridade é a eficiencia enerxética, convén elixir unha lámpada CFL de clase A cunha vida en horas de funcionamento o máis longa posible para rendibilizala. Se a lámpada se vai colocar en lugares que requiren rapidez de resposta, un mellor ton e cor de luz, e un excelente resaltado das cores, hai que se decantar polas halóxenas aforradoras. A estética é outro elemento que se valora: algúns tipos de lámpadas poden non encaixar ben no lugar no que se vaian colocar ou desentoar coa luz e co contorno.

Como reciclarmos as lámpadas de baixo consumo

As CFL, ao igual ca os tubos fluorescentes, teñen unha mínima cantidade de mercurio, un material tóxico cun alto poder contaminante. Por iso, estas lámpadas non se deben depositar nos colectores normais, senón que se recollen e reciclan á parte.

Os consumidores poden entregar as unidades fundidas nos lugares de comercialización destas lámpadas. Os fabricantes contan en España dende 1995 con Sistemas Integrados de Xestión (SIG), como Ambilamp ou Ecolum, que se encargan de recoller en colectores as lámpadas fóra de uso e de trasladalas ás plantas de tratamento que se encargan de despezalas e de recuperar algúns dos seus compoñentes. Outra posibilidade consiste en levar as unidades estragadas aos Puntos Limpos.

Este tratamento especial inflúe no prezo, maior ca o dos seus equivalentes tradicionais. A toxicidade das lámpadas de baixo consumo tratouse en ocasións de xeito alarmista: os termómetros antigos teñen 600 veces máis mercurio ca unha CFL. Ademais, a industria vai reducindo progresivamente a cantidade de metais pesados incluídos nestas lámpadas.

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto