A empresa de mantemento de ascensores esixe unha indemnización por cancelación de contrato

 En 1997 unha comunidade de propietarios contratou cunha empresa o servizo de mantemento de ascensores por un período de dez anos. O contrato de adhesión prevía a prórroga automática, salvo renuncia previa con catro meses de antelación. Se a rescisión unilateral se producía fóra deste prazo, fixouse unha indemnización cun importe máximo equivalente a dous anos de facturación. No inicio do primeiro período de prórroga, a comunidade solicitou a rescisión do contrato. A empresa reclamou 945 euros que se aboaron, pero alegou de novo un erro e reclamou 1.881 euros máis, cantidade que a comunidade se negou a pagar. O asunto rematou no Xulgado e, en sentenza do 12 de febreiro do 2009, a Audiencia Provincial de Soria absolveu á comunidade de veciños de pagar por considerar que se trataba unha cláusula abusiva que vulneraba a boa fe e o equilibrio xusto de prestacións.

Relacións deste contido