Merca un coche novo que non precisa carné que sofre unha avaría tras a outra.

 Unha persoa mercou un coche novo que se pode conducir sen carné (coñecido como cuadriciclo) que en pouco tempo sufriu numerosas avarías. Logo de amañar o vehículo sen resultado, demandou ao vendedor e solicitou a resolución do contrato con devolución do prezo pagado. E gañou o xuízo, polo que o establecemento vendedor foi condenado a aboar 6.300 euros máis xuros legais e custas. Segundo a Audiencia de Ourense, en sentenza do 5 de marzo do 2009, o informe pericial que proporcionou o comprador amosaba unha serie de defectos de fabricación, avarías que reducían a seguridade do cuadriciclo e que requirían arranxalo continuamente. A Audiencia concluíu que o vehículo adquirido, polos seus defectos de fabricación, non se correspondía coa calidade esixible, circunstancia que facultaba o consumidor para solicitar a resolución contractual que finalmente prosperou.

Relacións deste contido