Unha inmobiliaria demanda ao propietario dun piso porque o vende mediante outra

 O propietario dun piso púxoo á venda en varias inmobiliarias e vendeuno a través dunha delas, á que lle pagou os seus honorarios. Pero outra inmobiliaria demandouno porque alegaba que ela informara ao comprador sobre o piso e reclamáballe a exclusividade pactada no contrato. No xuízo o usuario defendeu que o contrato de mandato era abusivo, sen que estivese claro o pacto de exclusividade. A Audiencia de Barcelona, en sentenza do 3 de febreiro do 2009, chegou ás mesmas conclusións ca o titular do piso e absolveuno das peticións da inmobiliaria. Argumentou que a cláusula era equívoca porque non pactaba a exclusividade de maneira expresa e, ademais, xeraba un desequilibrio entre as partes porque obrigaba a pagar aínda que non se concretase a venda. De acordo co Código Civil, o dereito á comisión non nace ata o momento en que o mandatario finaliza as tarefas pactadas no contrato.

Relacións deste contido