O banco inclúe a unha cliente nunha listaxe de morosos por erro

 A titular dunha conta corrente na que tiña domiciliados os cargos da súa tarxeta de crédito comprobou que no ano 2000 lle cobraran un cargo indebido que non correspondía ao importe e ao concepto cargado. A consumidora reclamou por teléfono e por escrito ante o Defensor do Cliente e o Banco de España e tramitou ademais unha denuncia na Policía. As reclamacións iniciáronse en xuño do 2000 e prolongáronse ata abril do 2001. Neste período a entidade bancaria non cesou de reclamar a cantidade adebedada, máis xuros e gastos, e comunicou os datos persoais e os cartos que se debían en dous ficheiros de morosos. A afectada demandou ao banco, foron a xuízo e gañou. Polo dano moral causado concedéronlle 1.800 euros. Di o Tribunal Supremo, en sentenza do 24 de abril do 2009, que a inclusión errónea dunha persoa nun rexistro de morosos é unha intromisión ilexítima no dereito ao honor que lesiona a dignidade da persoa e que supón un descrédito para ela.

Relacións deste contido