Un cliente adquire un vehículo de segunda man por 11.000 euros e ten que gastar 8.000 euros máis en avarías

 Un consumidor mercoulle un vehículo de segunda man por 11.000 euros a un taller, pero sufriu diversas avarías posvenda e na súa reparación gastou 8.000 euros. Reclamou por burofax, pero non o atenderon, polo que, máis de tres anos despois da compra, acudiu a xuízo solicitando a resolución do contrato con devolución do coche e do prezo pagado e unha indemnización polo importe gastado como perdas e danos. E gañou o xuízo, aínda que parcialmente. En sentenza do 28 de novembro do 2008, a sección terceira da Audiencia Provincial de Badaxoz declarou resolto o contrato conforme á Lei de garantía polas numerosas avarías posvenda non atendidas polo vendedor, pero engadiu que, debido ao tempo transcorrido dende a compra, se producira unha depreciación do valor do vehículo, motivo polo que condenou á vendedora a devolver só un 70% do prezo pagado polo consumidor. E tamén reduciu o importe da indemnización.

Relacións deste contido