• INVESTIGACIÓN

  • Canceiras: analizadas as instalacións xestionadas, contratadas ou subvencionadas en 18 capitais españolas
  • 8 aceites de oliva "virxe extra" analizados
  • Analizados 5 xeles e 4 escumas de afeitar
  • A Universidade na encrucillada

• ACTUALIDADE E LECER

  • Biomasa forestal: menos incendios e máis enerxía
  • Xeolocalización no móbil
  • Fernando Roch, catedrático de urbanismo

• BENESTAR

  • Novos alimentos
  • Outras informacións sobre Alimentación
  • Ducha diaria: anxo ou demo para a pel?
  • Negróns: tatuaxes naturais transitorias
  • A relación de parella cambia coa ampliación da familia, pero non ten por que deteriorarse
  • Mar e sostibilidade

• O MÁIS PRÁCTICO

  • Aumento da hipoteca
  • Servizos de limpeza, conservación e tinguido de produtos téxtiles
  • A chegada do fillo adoptado ao seu novo fogar
  • CONSULTORIO LEGAL
    • A plataforma vibradora adquirida a domicilio non funciona e a empresa non se fai cargo
    • Adquire billetes de avión nunha web e o prezo final é maior ca o ofertado
  • SENTENZAS
    • Viaxes. Prezos indebidos
    • Operacións cirúrxicas. Neglixencias
    • Vehículos de segunda man. Avarías

Merquei nunha páxina web billetes de avión para tres persoas. Na pantalla indicábame un prezo de ida e volta no que se incluían todas as taxas e outros impostos ou cargos. Cal foi a miña sorpresa cando ao pasar á seguinte páxina me indica un prezo máis caro. Enviei un correo electrónico esixindo que me respectasen o prezo e recoñecéronme o erro, aínda que finalmente tiven que pagar máis. Podo reclamar?

  A Lei de consumidores di que a oferta, promoción e publicidade dos bens ou servizos se axustarán á súa natureza, características, utilidade ou finalidade e ás condicións xurídicas ou económicas da contratación. Engade que tanto o contido da oferta, promoción ou publicidade como as prestacións propias de cada ben ou servizo, as condicións xurídicas ou económicas e as garantías ofrecidas serán esixibles polos consumidores e usuarios, aínda cando non figuren expresamente no contrato celebrado ou no documento ou comprobante recibido, e deberán terse en conta na determinación do principio de conformidade co contrato.

O mesmo é aplicable á oferta por Internet. A persoa afectada, malia que non puido prestar e comunicar o seu consentimento á oferta a través da web por un erro desta, si enviou un correo reclamando a venda nas condicións ofertadas ao inicio, polo que cabería entender que prestou e comunicou o seu consentimento á oferta inicial. Como finalmente o contrato foi máis caro, non sería conforme ao contido da oferta e habería incumprimento do vendedor, salvo que a oferta estivese condicionada a un prazo de validez. Un erro, como o alegado pola vendedora, non invalidaría a oferta.

A persoa afectada pode acudir aos Servizos de Consumo do seu concello ou provincia, solicitando que respecten os prezos ofertados e, xa que logo, a devolución do aboado de máis. A seguinte vía de reclamación sería a xudicial, para a que, caso de ser a reclamación inferior a 900 euros, non precisaría nin avogado nin procurador.

Relacións deste contido