Obra social de entidades financeiras: analizada a dotación a iniciativas sociais de 21 caixas de aforro e de cinco bancos españois: As grandes caixas reforzan os seus fondos de reserva a custa da Obra Social

Proxectos máis salientables e táboas comparativas

O fin da Obra Social das caixas de aforro é responder ás demandas cidadás. As necesidades asistenciais gañan protagonismo cando se multiplican as familias que contan con menos recursos. Este comportamento trasládase tamén á distribución dos recursos para fins sociais destas entidades. No 2008, a organización de actividades para colectivos sociais con dificultades de inserción social, os programas de cooperación ao desenvolvemento, a axuda á terceira idade ou o financiamento de infraestruturas sanitarias acapararon boa parte dos recursos dispoñibles.

Este é o caso do Instituto Oncolóxico de San Sebastián, iniciativa sufragada pola Kutxa e que representou a metade do seu orzamento anual para Obra Social (41 millóns de euros); os case sete millóns de euros outorgados por La Caixa a xeito de bolsas para a inserción laboral de internos de centros penitenciarios; outros dous millóns cos que a Caja de Ahorros de Navarra (CAN) cobre os gastos do Colexio Isterria, un centro de educación especial, ou a cifra de 1,3 millóns de euros coa que Caja Vital financia o programa "Vitalquiler" co que se ofrece unha bolsa de pisos de alugueiro subvencionados para xente nova. A cultura tamén se beneficiou dos fondos da obra social das caixas. Estes cartos destínanse á creación e mantemento de salas, museos, espazos polivalentes, bibliotecas, ao apoio de representacións musicais e teatrais e mais á organización de congresos, seminarios ou exposicións. Entre as iniciativas das caixas estudadas, sobresae, polo éxito obtido, a exposición "Sorolla. Visión de España", patrocinada por Bancaja, con paradas en Sevilla, Bilbao, Málaga, Valencia e Madrid e cunha afluencia de público de case un millón de visitantes. Velaquí outras iniciativas de interese: o Festival Internacional de cinema de Huesca, a cargo de CAI, ou o II Premio Logroño de Novela, dotado con 90.000 euros e organizado por Caja Rioja en colaboración co Concello da cidade e coa Editorial Anaya.

Educación-investigación e conservación do patrimonio e do medio natural foron os dous epígrafes que obtiveron as proporcións máis reducidas en relación ao orzamento total de Obra Social das entidades de aforro. Esta tendencia non impide que sobresaian proxectos como os 12,2 millóns de euros destinados polo BBVA para a educación de 50.000 nenos en América Latina, o desembolso de 800.000 euros como parte das Bolsas Caja España (para universitarios, alumnos de formación profesional ou aprendizaxe de idiomas), os máis de tres millóns de euros para a restauración do Antigo Real Conservatorio María Cristina de Málaga por parte de Unicaja ou o programa "CAM Auga", baseado en accións de sensibilización e formación dirixida á comunidade escolar para o uso e xestión sostible da auga.

TÁBOA COMPARATIVA

Investimento en gasto social das entidades financeiras e a relación co beneficio obtido

Entidade	Gasto en Obra Social no 2008 (millóns euros)	Porcentaxe destinada a Obra Social sobre o beneficio do 2007	Beneficios obtidos no 2007 (millóns euros)
Caixa Galicia	84*	42,40%	198
Caja Rioja	8	42,10%	19
Kutxa	81	37,50%	216
Caja Sur	29*	36,20%	80
Caixanova	63	35,40%	178
Caja Vital	25	35,20%	71
CAN	51	30,30%	168
Caja Duero	34	29,60%	115
CAI	25	29,00%	86
BBK	82	26,70%	307
Bancaja	84	22,80%	369
Caja Murcia	39	22,40%	174
Caja Espa-a	33*	22,30%	148
Ibercaja	60*	22,10%	271
Unicaja	68*	20,80%	327
Caja Cantabria	11	19,60%	56
La Caixa	465*	18,70%	2488
Cajastur	31*	17,60%	176
Caixa Catalunya	82	16,80%	487
CAM	49*	12,70%	386
Caja Madrid	250	8,70%	2861
Banco Popular	20	1,9%**	1052**
BBVA	85*	1,7%**	5020**
BSCH	126	1,40%	9060
Bankinter	Non facilitado	Non facilitado	252**
Banco Sabadell	Non facilitado	Non facilitado	674**

Fonte: memorias anuais das entidades

* Con gastos de amortización.

** Beneficio do 2008 e porcentaxe en relación a ese beneficio.

Comparativa do gasto social de caixas de aforro e bancos no 2003 e no 2008 en relación aos beneficios obtidos

Entidade	Porcentaxe destinada á Obra Social no 2004	Porcentaxe destinada á Obra Social no 2008	Investimento en Obra Social no 2003 (millóns de euros)	Investimento en Obra Social no 2008 (millóns de euros)
La Caixa	37,6%	18,7%	177	465***
Caja Madrid	26,9%	8,7%	136	250
Caja Cantabria	32%	19,6%	7	11
CAM	23,1%	12,7%	39	49***
Cajastur	23,7%	17,6%	23	31***
Caja Murcia	28,4%	22,4%	22	39
BBK	30%	26,7%	57	82
CAN	32,9%	30,3%	22	51
Banco Popular	4,3%**	1,9%**	22	20
BSCH	2,7%	1,4%	71	126
Ibercaja	23,3%	22,1%	39	60***
BBVA	1,5%**	1,7%**	34	85***
Caja Duero	28,8%	29,6%	20	34
Unicaja	19%	20,8%	33	68***
Caja Rioja	39,6%	42,1%	5	8
Caja Vital	26%	35,2%	12	25
Caixa Galicia	31%	42,4%	52	84***
Kutxa	21%	37,5%	34	81
Banco Sabadell	1%	Non facilitado	2	Non facilitado
Bankinter	Non facilitado	Non facilitado	Non facilitado	Non facilitado

Fonte: memorias anuais das entidades. Tivéronse en conta só as 20 entidades que participaron no informe do 2004. No 2009 engadíronse no informe seis novas caixas de aforro, co que a mostra subiu a 26.

** Porcentaxe en relación ao beneficio do mesmo ano.

*** Con gastos de amortización.

Distribución do investimento social das entidades financeiras

Entidade	Atención Social e Sanitaria	Educación e Investigación	Cultura e Tempo Libre	Patrimonio Histórico-Artístico e Medio Natural	Outros
Caixa Galicia	24%	22%	36%	18%	0%
Caja Rioja	15,5%	16,6%	64%	4%	0%
Kutxa	57%	19%	19,5%	4,5%	0%
Caja Sur	32,66%	12,31%	44,39%	10,63%	0%
Caixanova	24,25%	19,65%	51,94%	***	5%
Caja Vital	20%	11%	45%	24%	0%
CAN	48,49%	12,2%	24,3%	14,56%	0%
Caja Duero	34%	8%	52%	6%	0%
CAI	14,8%	23%	44,8%	6,3%	11%
BBK	50%	18%	30%	1,53%	0%
Bancaja	28,89%	28,6%	40,85%	1,5%	0%
Caja Murcia	Non facilitado	Non facilitado	Non facilitado	Non facilitado	Non facilitado
Caja Espa-a	26,86%	20,72%	34,82%	17,60%	0%
Ibercaja	28,5%	24,36%	28%	14,28%	5%
Unicaja	30,4%	15,6%	49,4%	4,5%	0%
Caja Cantabria	50%	***	40%	10%	0%
La Caixa	64%	7%	15%	14%	0%
Cajastur	51%	13%	36%	***	0%
Caixa Catalunya	43%	2%	15,20%	9%	31%
CAM	37%	***	27%	36%	0%
Caja Madrid	60%	23%	17%	***	0%
Banco Popular	62,85%	20,6%	5,55%	***	11%
BBVA	48%	34%	9%	9%	0%
BSCH	Non facilitado	Non facilitado	Non facilitado	Non facilitado	Non facilitado
Bankinter	Non facilitado	Non facilitado	Non facilitado	Non facilitado	Non facilitado
Banco Sabadell	Non facilitado	Non facilitado	Non facilitado	Non facilitado	Non facilitado

Fonte: Memorias anuais das entidades financeiras.

*** Incluído noutro apartado ou non existe un apartado con esta denominación.

Relacións deste contido