Contratan unha viaxe de luxo ao Caribe e instálanos nun modesto cuarto estándar

 Uns amigos contrataron unha viaxe a Santo Domingo con aloxamento nun hotel de cinco estrelas que implicaba, segundo a oferta, o uso de instalacións exclusivas e de servizos VIP. Non obstante, non puideron acceder a este tipo de cuartos nin a estes servizos de luxo. Víronse obrigados a durmir primeiro no cuarto de cortesía do hotel e máis tarde nun cuarto dobre estándar. Por esta razón foron a xuízo e reclamáronlle á axencia vendedora e á organizadora a devolución do prezo aboado, máis 1.500 euros por dano moral. A Audiencia de Barcelona, en sentenza do 15 de maio do 2008, afirma que se cometeu un erro evidente na oferta da axencia almacenista organizadora da viaxe, pero constata que o incumprimento de contrato foi parcial, xa que os turistas continuaron a súa viaxe aínda que fose gozando de cuartos máis modestos. Sentenciou, polo tanto, á almacenista ao pagamento de 710 euros polo diferencial do prezo de cuarto, máis mil euros por dano moral para cada un dos demantes. A axencia minorista non tivo que pagar nada, por tratarse dun erro de folleto imputable só á organizadora.

Relacións deste contido