Non se fan cargo da avaría dun televisor mercado hai ano e medio

Ao se me estragar o televisor que merquei hai un ano, leveino á tenda onde o adquirín para que o arranxasen. Aconselláronme pórme en contacto co persoal do servizo técnico, pero indícanme que debo realizar un ingreso na súa conta e que se acepto o orzamento proposto e este é menor ca a cantidade adiantada, mo descontarán do prezo de reparación. De non ser así, perdería os cartos. Eu coidaba que o televisor tiña unha garantía de dous anos, pero na tenda asegúranme que só cobre un ano. Podo reclamar?

  A garantía legal é de dous anos, aínda que os dereitos que outorga só se aplican de xeito automático durante os primeiros seis meses. Outra cuestión é que o vendedor conceda unha garantía comercial por un ano que mellore, polo menos durante o segundo semestre, os dereitos do consumidor, como podería suceder neste caso. Non obstante, transcorrido un ano e medio dende a compra, se o vendedor se nega a priori a reparar o aparello, o consumidor debería demostrar mediante o informe dun técnico que o defecto é de orixe.

No tocante ao Servizo Técnico, os orzamentos pódense cobrar, mesmo cando non se aceptan. O propio é pagar como máximo o prezo dunha hora de traballo, conforme ao Real Decreto Real Decreto 58/1988, do 29 de xaneiro, sobre protección dos dereitos do consumidor no servizo de reparación de aparellos de uso doméstico. Por iso conviría que o afectado se informase de canto cobra este servizo por horas e que acudise á Oficina do Consumidor (OMIC). Despois podería solicitar a súa mediación para alcanzar un acordo co vendedor sobre a aplicación da garantía e a elaboración dun informe técnico acerca da causa da avaría. De ser o importe do orzamento superior ao marcado pola norma, poderíase denunciar.

Relacións deste contido