Un internauta pasa de pagar 8 euros a 40 ante a necesidade de ampliar o servizo polo seu mal funcionamento

 Un internauta contratou a través dunha operadora un servizo que lle permitía acceder a Internet mediante o pagamento de 8,10 euros mensuais, pero en outubro do 2004 aproveitouse dunha oferta e ampliou os servizos contratados co fin de que esta prestación se lle incluíse na modalidade de chamadas mediante o pagamento de 17,37 euros ao mes. Ante o mal funcionamento, no 2005 contratou unha ampliación deses servizos cun custo mensual de 43,36 euros. Pero continuaron os problemas, polo que en marzo do 2005 remitiu un fax para finalizar o contrato. E considerou, ademais, que dende outubro do 2004 ata o mes de marzo do 2005 o servizo non se prestou de maneira correcta, razón pola que demandou a operadora e lle reclamou as cantidades pagadas. E gañou o xuízo. A Audiencia de Madrid, en sentenza do 23 de xaneiro do 2008, recoñece a acreditación do mal funcionamento do servizo polas múltiples reclamacións do usuario e polas chamadas realizadas ao teléfono de atención ao cliente. Para a Audiencia, a contratación realizada -sen lle entregar ao usuario a documentación dos servizos contratados- supuña unha infracción das obrigas das operadoras.

Relacións deste contido