Asina un contrato de aproveitamento por quenda de bens inmobles durante o período de proba, pero arrepíntese e non lle permiten romper o contrato

 Unha persoa asinou a adquisición de aproveitamento por quenda de bens inmobles en período de proba durante unha reunión promocional. Días despois, premido para o pagamento, asinou o financiamento na entidade bancaria que lle indicaron os vendedores. Previamente, o vendedor informárao de que se podería desfacer de todo, tanto da compra como do financiamento así que acabase a proba dunha semana de vacacións. Finalmente, non foi así e o comprador acudiu aos Tribunais para solicitar a resolución de ambos os dous contratos e a devolución das cotas pagadas. E gañou o xuízo. A Audiencia Provincial de Álava, en sentenza do catro de novembro do 2008, declarou resolto o contrato de financiamento por consideralo vinculado ao contrato principal de aproveitamento por quenda. O banco alegaba que o titular lle debía devolver o importe do empréstito -27.000 euros-, pero a Audiencia rexeita esta pretensión, xa que o destinatario dos cartos non era o afectado senón a empresa vendedora, a quen se lle entregou o diñeiro por transferencia. Deste xeito declara resoltos ambos os dous contratos e sinala que o banco poderá dirixirse contra a vendedora para reclamar o seu diñeiro e condena en custas as empresas demandadas.

Relacións deste contido