Un viaxeiro demanda á compañía aérea polo atraso do seu voo

 Un viaxeiro que sufriu o atraso do seu voo demandoulle á compañía aérea o pagamento de 385 euros -o 50% do prezo do billete, máis 300 euros por dano moral-. Pero como a compañía non compareceu no xuízo, declarouse en rebeldía. E o cliente gañou o litixio. Aínda que o regulamento europeo regulador da overbooking, cancelacións e atrasos en voos non asocia ao atraso unha consecuencia indemnizatoria, o Xulgado do mercantil número 1 de Oviedo, en sentenza do 10 de decembro do 2007, afirmou que iso non implica que a exclúa, xa que o contrato de transporte obriga o transportista a cumprir os horarios previstos, salvo casos de forza maior. Tras considerar que a indemnización solicitada se axustaba aos padecementos sufridos e que a compañía demandada non compareceu para explicar os motivos da súa actuación e discutir a procedencia ou contía da indemnización, o xulgado admitiu a demanda e condenou a compañía aérea a pagar a indemnización solicitada.

Relacións deste contido