Unha inmobiliaria demanda a un cliente por adquirir a vivenda que lle ensinou a través doutra axencia

 O propietario dunha vivenda púxoa en venda a través de varias inmobiliarias, sen pacto de exclusividade. Unha vez vendida, unha das inmobiliarias demandou o comprador e reclamoulle os seus honorarios pola intermediación na compravenda. Pero o cliente negouse a pagar por considerar que aínda que visitara a vivenda a través da inmobiliaria demandante, a comprara a través doutra que tamén xestionaba a venda do inmoble e que, en todo caso, el, como comprador, non estaba obrigado a pagar tales honorarios. E a Audiencia Provincial de Guadalaxara, en sentenza de sete de decembro do 2007, deulle a razón ao comprador, xa que o contrato de mediación vincula ao vendedor da vivenda coa inmobiliaria, pero non ao comprador, aínda que este último asinase un certificado de información e venda por visitar a vivenda polo que se comprometía a non realizar ningunha xestión de compra á marxe dos vendedores da devandita inmobiliaria.

Relacións deste contido