Analizados 160 aparcadoiros públicos de pagamento e rotación en 18 capitais españolas: Párkings: encareceron o dobre ca o IPC, pero a súa calidade practicamente non mellora

Peóns sen protección e táboa comparativa

En oito de cada dez estacionamentos non se viu nin rastro de carrís protexidos para o paso de peóns, no 57% non se atoparon beirarrúas e o 56% carecía de pasos de peóns para uso e seguridade dos transeúntes. Non obstante, no 90% as máquinas automáticas de pagamento estaban perfectamente protexidas do tráfico rodado. Non se atoparon cámaras de videovixilancia no interior do 20% dos estacionamentos nin tampouco se viron carteis avisando da súa colocación.

Non obstante, a dotación é xeneralizada nos accesos dos párkings. Estas medidas compleméntanse con persoal de vixilancia, aínda que en seis de cada dez non se atopou a ninguén. Para rematar, o equipamento de sistemas antiincendios catalogouse como satisfactorio: no 98% víronse extintores, detectores de fume ou de lume en 3 de cada 4, mangueiras no 90% dos garaxes públicos e luces de emerxencia no 78%.

TÁBOA COMPARATIVA

Nota final dos aparcamentos de rotación de cada cidade e cualificación media (segundo CONSUMER EROSKI)

Cidades	Información (1)	Servizos (2)	Mantemento (3)
A Coruña	Aceptable	Mal	Regular
Alacante	Aceptable	Mal	Aceptable
Almería	Mal	Regular	Aceptable
Barcelona	Aceptable	Regular	Moi ben
Bilbao	Regular	Regular	Aceptable
Córdoba	Mal	Mal	Aceptable
Granada	Aceptable	Mal	Moi ben
Madrid	Aceptable	Regular	Ben
Málaga	Aceptable	Mal	Moi ben
Murcia	Aceptable	Mal	Moi ben
Oviedo	Aceptable	Mal	Ben
Pamplona	Aceptable	Regular	Ben
San Sebastián	Aceptable	Regular	Moi ben
Sevilla	Aceptable	Aceptable	Moi ben
Valencia	Aceptable	Ben	Moi ben
Valladolid	Regular	Mal	Moi ben
Vitoria	Regular	Moi mal	Moi ben
Zaragoza	Aceptable	Aceptable	Moi ben
Media	Aceptable	Mal	Moi ben

Cidades	Accesibilidade (4)	Seguridade (5)	Valoración Media
A Coruña	Regular	Mal	Mal
Alacante	Ben	Aceptable	Regular
Almería	Regular	Regular	Regular
Barcelona	Moi ben	Ben	Ben
Bilbao	Moi ben	Aceptable	Aceptable
Córdoba	Regular	Regular	Mal
Granada	Ben	Aceptable	Aceptable
Madrid	Ben	Aceptable	Aceptable
Málaga	Moi ben	Ben	Ben
Murcia	Moi ben	Ben	Ben
Oviedo	Ben	Aceptable	Aceptable
Pamplona	Regular	Aceptable	Regular
San Sebastián	Ben	Aceptable	Aceptable
Sevilla	Moi ben	Regular	Ben
Valencia	Moi ben	Aceptable	Ben
Valladolid	Ben	Aceptable	Aceptable
Vitoria	Ben	Ben	Aceptable
Zaragoza	Moi ben	Ben	Ben
Media	Ben	Aceptable	Regular

1. Información: os técnicos da revista comprobaron as indicacións de cada aparcamento sobre horarios, sinalización para vehículos e para peóns, carteis, sistemas tecnolóxicos para guiar os usuarios cara ás prazas libres, etc.

2. Servizos: tívose en conta a variedade de prestacións que se lles ofrecían aos clientes: cobertura de telefonía móbil, máquinas de pagamento, aseos, horarios de funcionamento, etc.

3. Mantemento: comprobouse o estado de mantemento das instalacións e mais a súa limpeza.

4. Accesibilidade: comprobouse se as instalacións estaban adaptadas para minusválidos e mais se o aparcamento era manobrable.

5. Seguridade: observouse se contaba cos sistemas de seguridade convenientes (saídas de emerxencia, sistemas antiincendio, etc.).

Relacións deste contido