Reclámanlle as débedas contraídas polo seu ex marido cunha tarxeta de crédito

  O titular dunha conta asinou un contrato de tarxeta de crédito e a súa esposa subscribiu a solicitude dunha tarxeta adicional. Separáronse e o marido, facendo uso da tarxeta principal, xerou unha débeda pola que resultaron demandados os dous, ao establecer o contrato, a xuízo da financeira, unha responsabilidade solidaria de ambos os dous. Como no xuízo o home non compareceu, a muller alegou que o contrato era de adhesión e que a cláusula que sinalaba a responsabilidade solidaria era abusiva, de modo que non lle podían reclamar a ela as débedas xeradas por compras do seu ex marido. A muller perdeu o xuízo en primeira instancia, pero apelou e a Audiencia das Palmas, en sentenza do 30 de xaneiro do 2008, absolveu a esposa de pagarlle á entidade financeira os gastos realizados polo seu ex cónxuxe coa súa tarxeta, posto que os pagamentos de cada tarxeta son responsabilidade de cada titular.

Relacións deste contido