Demanda ao seu médico polos danos sufridos ao se operar dunha redución de estómago

  Unha paciente someteuse a unha gastroplastia (redución do tamaño do estómago) no ano 2000, intervención que en principio resultou efectiva pola perda de peso acadada. Pero un ano despois produciuse o desgrampado do estómago e de novo aumentou de peso. Por esta razón, no 2002 someteuse a unha segunda gastroplastia. O cirurxián non cobrou os seus honorarios, aínda que a enferma fixo fronte aos gastos de hospitalización. Pero na intervención sufriu unha infección, de maneira que se someteu a unha terceira operación, e, como froito dela, quedoulle unha importante cicatriz no abdome. A afectada acudiu aos Tribunais para solicitar unha indemnización polos danos soportados. A Audiencia Provincial de Barcelona, en sentenza do 13 de novembro do 2007, afirmou que a actuación do médico fora correcta, aínda que considera que non se informou ben a paciente sobre a operación de risco á que se ía someter no momento de asinar o consentimento. Por iso, condenou o médico a indemnizar a paciente cos 3.087 euros que aboara por gastos de hospitalización.

Relacións deste contido