Unha persoa merca un coche de segunda man e sofre tres avarías consecutivas quince días despois

  Un cliente mercou un vehículo de segunda man nun concesionario por 4.507 euros e asinou un contrato no que se indicaba que o vehículo se entregaba en bo estado. Agora ben, nos seguintes quince días sufriu tres avarías diferentes, polo que o titular do coche acudiu aos Tribunais para solicitar a resolución do contrato con devolución do prezo pagado. No xuízo, o consumidor achegou un informe pericial no constaba que a dirección estaba moi danada, o motor gripado e que non funcionaba un dos faros nin o teito solar eléctrico. O arranxo destas avarías equivalía a pagar 10.000 euros. Ante estas acusacións, o vendedor alegou que o vehículo era de segunda man, que tiña xa 211.000 quilómetros e que pasara a ITV. Non obstante, para a Audiencia Provincial de Barcelona, en sentenza do 18 de decembro do 2007, o coche deberíase vender en condicións aptas para circular. Por iso, declara a resolución do contrato e fixa en 1.527 euros a cantidade que o vendedor ten que pagar de acordo aos gastos aos que se enfrontou o comprador.

Relacións deste contido